550
bütün xərclərin Mirzə Yusif Tiflisinin hesabına ödənəcək; həmin
adam bunu da əlavə elədi ki, şeirlərindən əlinə keçəni var, bəyənib,
şeriyyətinizi da mükəmməl sayır. Bütün bunlar, doğrudan da, nağı-
la oxşayırdı. Fikirləşdim, yəqin Allah günahımı bağışlayıb, qapısını
bir az aralayıb, o qapını örtmək ağılsızlıq əlaməti olardı, onsuz da
itirməli bir şeyim yox idi, getsəydim, həyatımda nəsə dəyişərdi.
Gələn adam – demişdi, məni Şəkidə Göynüklü Xanoğlan kimi
tanıyırlar – məndən cavab gözləyirdi, xeyli susduğumu görüb na-
rahat olmağa başladı. Qəfildən içimdə nəsə çaxdı, ayağa sıçrayıb,
dedim, gedirəm, amma izin ver, bir-iki nəfərə deyiləsi sözümü
çatdırıb elə yola düşək. Etiraz eləmədi, mən də komadan çıxdım,
çay səmtində oynayan uşaqlardan birini salçı Səmidin, o birini
şagirdlərimin birinin atasının dalınca göndərdim, gözlədiklərim
gəlib çıxanacan da neçə illər qabaq Şamaxıdan gətirdiyim heybəyə
kitablarımı, yazı dəstimi, olub-qalan yavanlığımı qoydum.
Əvvəl şagirdlərimdən birinin atası gəldi, dedim, bu vaxtacan
tikənizi mənimlə böldüyünüzə görə sağ olun, mən gedəsi oldum,
qismət olsa, bir neçə aydan sonra qayıdıb dərsimə davam elərəm, ol-
masa, haqqınızı halal eləyin; ardınca Səmid özünü yetirdi, başıma
gələni ona da çatdırdım, gedişimə çox pərişan oldu, amma xeyirli
səfər olduğuna da sevindi. Elə komaları da onlara tapşırıb halal-
hümmət elədim.
Gələn adam əvvəlcə məni hamama apardı, kir-pasağımı
tökənəcən bir dəst paltar alıb gətirdi, sonra axtarıb at aldıq, bu
müddətdə hava qaraldığından elə bazarın yaxınlığındakı karvansa-
radaca gecələyib səhər obaşdan yola çıxmağı razılaşdırdıq. O gecəni
ilan vuran yatdı, mən yatmadım, karvansara hücrəsindəki dünya-
nın yarısını dolaşmış adam yuxuma girdi, məndən yardım istədi,
mən də cavab verməmiş qan-tər içində oyandım, beynimdən keçdi
ki, bu da Allahın işidi ki, birinin cismən korluğu, o birinin mənən
korluqdan qurtulmasında vasitəçi rolu oynayır. O qamış komada
get-gedə içimin işığı azalırdı, bir vaxt ora zülmət çökəcəyindən
qorxurdum. Taleyin gətirib, Şəki karvansarasındakı hücrəsinə
məhkum elədiyi o şəxs Simurq quşu kimi məni qurtarır, könlümə
elə bil təzədən işıq dolmağa başlayırdı.
Şübhəsiz, o şəxs də ömrünün Şəkidə başa çatacağını
düşünməmişdi, elə mən özüm də həyatımın harada qırılacağını
bilmirəm – bu tale məsələsidi…
551
II
KARVANSARA HƏYƏTİNDƏ
QƏRİB MƏZAR
Cahan bağında, ey arif, budur məqbul insi-çin,
Nə kimsə səndən incisin, nə sən bir kimsədən incin.
Naməlum şairdən
Hicri 1161-ci, miladi 1748-ci ilin son payız günlərindən birində
Şəkinin Aşağı karvansaranın hücrəsində, otuzluq çırağın işığında
Mirzə Yusif Tiflisini görüb açılmamış xəzinəyə bənzətdim. Orta
boydan bir qədər hündür, arğaz, nurani sifətli, sıx ağ saqqallı ki-
şiydi, durğun gözlərində belə adamda mərhəmət, hörmət doğuran
nəsə vardı. Elə bil gələcəyimi bilirmiş, üstəlik, məni nəfəsimdən ta-
nıdı, hücrənin qapısı açılanda səsi uçuna-uçuna «Gəldinmi» dedi,
duydum ki, bunu arxamca göndərilmiş göynüklü Xanoğlana yox,
mənə söyləyir; iki əlini də irəli uzatmışdı, dərviş təskülahına ox-
şayan papağından tutmuş ta nəleyinlərinəcən titrəyirdi, görünür,
bu da boğa bilmədiyi həyəcanındandı. Məni içəri gətirən cavan
Kərim yaxınlaşıb «Gəldi, ağam, – dedi, – axtardığın adam gəlib
çıxdı», sonra onun əlini mənim əlimlə qovuşdurdu. Mirzə Yusifin
nursuz gözlərində iki damcı yaş göründü, «Şükür mərhəmətinə, Ya
Rəbbim, – pıçıldadı, mənə bu işi bitirənəcən möhlət ver».
Bu müddət ərzində ilk dəfə dilləndim, Kərimin təbirincə «Ağam,
– dedim, – inşallah, hər şey könlünüz istəyən kimi olar». Kərim
Mirzə Yusifi buxarıya yaxın yerdə, mindərin üstündə oturtdu, son-
ra mənə yer göstərdi, başmaqlarımı çıxarıb Mirzə Yusiflə üzbəüz
oturdum. Məndən yolu necə gəldiyimizi soruşdu, “Cəmi-cümlətanı
bir kərə yağışa düşdük, – dedim, – qalanı elə də çətin olmadı”. Sonra
üzünü Kərimə tutdu, “Mirzə Nişata yolu göstər, – dilləndi, – yu-
yunsun, rahatlansın, bir tikə çörək yeyək, sonra söhbətimizi elərik”.
Yemək yeyəndə, demək olar, danışmadıq, sonra Kərim şərbət
gətirdi, bu vaxt Kərbəlayı Mahmud da təşrif buyurdu, məlum oldu
552
ki, əşarımdan məni əməlli-başlı tanıyırlar, hətta «Gövhəri mə`ni
idin, ab ilə rəngin yox idi» misrasıyla başlayan məsnəvimdən belə
xəbərdardılar, bu da, görünür, Ağa Məsihin xidmətiydi. Mirzə Yu-
sif şeriyyətimi bəyəndiyini söylədi, bundan da çox sıxıldım: onun
təki aləmin, az qala, yarısını görmüş, böyük söz xiridarlarıyla
ünsiyyətdə olmuş bir kəsin mənim yazdıqlarımı tərifləməsi ağla-
sığmaz xoşbəxtlik idi. O gecə söhbətimiz uzun çəkdi, dünyanın hər
üzündən danışdıq, sonra səhər işə başlamaq qərarıyla yatmağa yol-
landım.
Kərbəlayı Mahmud mənə mümkün qədər rahat hücrə ayırmışdı.
İlahi, Şamaxını tərk eləyəndən (yazmışdım: Şamaxı torpağından ta ki,
mən qət olmuşam key tək, /Qəmişdən ev tikib Salyan mülkin tutmuşam
məva) sonra ilk dəfəydi, rahat hücrədə, təmiz yorğan-döşəkdə, bu-
xarının adamı xoşhallandıran istisində yatırdım. Taxçada otuzluq
çıraq yanırdı, üstəlik, karvansara sahibi hücrəmə yazı-pozu üçün
alçaq miz də qoydurmuşdu. Bütün bunlar, az qala, otuzillik mis-
kin həyatımdan sonra mənə nağıl kimi gəlirdi. Əynimdə təzə, təmiz
paltar vardı, əlim pul görəcəkdi (əgər bir tümən belə verməsəydilər belə,
səsimi çıxarmazdım, bu rahatlığın içində bir neçə ay yaşamağın özünü də
qənimət sayırdım), yəqin, bundan sonra Salyana, o qamış komaya
qayıtmayacaqdım, elə bu karvansarada qalıb muzdla ərzi-hallar,
namələr yazıb, şeirlərin üzünü köçürüb birtəhər yaşayaram, axırı
da Allah bilən məsləhətdi.
Mirzə Yusif Ərdəbildə kimdən dərs aldığımı soruşmuşdu, Mirzə
Əbdülxalıq Ərdəbilinin adını çəkmişdim, razılıqla başını tərpədib
demişdi, “Könül dostum Mirzə Kəmaləddin ondan xoş sözlər
söyləyirdi,” sonra vaqif olduğum xətləri soruşmuşdu, “Çoxuna
bələdəm, – demişdim, – amma nəstəliq və şikəstə məndə daha yaxşı
alınır.” Qərarlaşdırmışdıq ki, söylədiklərini şikəstə xəttilə yazım.
Ömrümdə görmədiyim bahalı yazı dəsti məni Mirzə Yusifin otağın-
dakı balaca mizin üstündə gözləyirdi. Salyandakı qamış komamda
Ağa Məsihin göndərdiyi kağızla mürəkkəb bitəndə dəliyə dönür-
düm, az qalırdım, ağlıma gələn beytləri, bənzətmələri, təşbehləri
həsirin üstünə yazım. Beləcə nə qədər qəzəl, qəsidə, müxəmməs,
məsnəvi itirdiyimi söyləmək çətindi. Allahın səxavətindən Mirzə
Yusifin kağız-mürəkkəbi tükənməz, izin istəyib öz yaddaşımdakıla-
Dostları ilə paylaş: |