Yoshlar muammolarini o‘rganish va hal etish tizimini yanada takomillashtirish chora-tadbirlari to‘g‘risida

Bosqich		Subyektlar		Tadbirlar
Muddatlar
1-bosqich		Ariza beruvchi*		Bir martalik moddiy yordam ajratishni so‘rab, yashash joyidagi mahalladagi yoshlar yetakchisiga ariza beradi.		“Yoshlar daftari” ga kiritilgandan so‘ng
2-bosqich		Mahalladagi yoshlar yetakchisi		Ariza beruvchining ijtimoiy toifasi va holatini o‘rganib, moddiy yordam ajratish haqidagi tavsiyanomani yoki rad etish to‘g‘risida xabarnomani tuman (shahar) “Yoshlar daftari” jamg‘armasi Vasiylik kengashiga yuboradi.		3 ish kuni ichida
3-bosqich		Vasiylik kengashi		Mahalladagi yoshlar yetakchisining moddiy yordam ajratish haqidagi tavsiyasi asosida Vasiylik kengashi qarorini qabul qiladi va tuman (shahar) hokimligiga yuboradi.		7 ish kuni ichida
4-bosqich		Tuman (shahar) hokimligi		Vasiylik kengashi qaroriga muvofiq “Yoshlar daftari” jamg‘armasi mablag‘lari hisobidan zarur mablag‘larni “Xalq banki”ning tegishli bo‘limi (filiali)ga o‘tkazadi.		3 ish kuni ichida
5-bosqich		Xalq bankining tegishli bo‘limi (filiali)		Bir martalik moddiy yordam to‘lovlarini ariza beruvchi — jismoniy shaxsning xohishiga ko‘ra naqd yoki naqd pulsiz shaklda to‘lab beradi.		3 ish kuni ichida

* Bir martalik moddiy yordam “Yoshlar daftari”ga kiritilgan quyidagi toifadagi yoshlarga ko‘rsatiladi:
1. “Temir daftar”ga kiritilgan oila farzandi.
2. “Ayollar daftari”ga kiritilgan ayollar farzandi.
3. “Ijtimoiy himoya yagona reyestri”ga kiritilgan oila farzandi (shaxs).
4. Oilasi kam ta’minlangan va ijtimoiy himoyaga muhtoj yosh fuqaro.
5. Boquvchisini yo‘qotgan va ota-ona qaramog‘idan mahrum bo‘lgan ijtimoiy himoyaga muhtoj yosh fuqaro.
6. O‘zgalar parvarishiga muhtoj bo‘lgan ishga layoqatsiz yosh fuqaro.
7. I va II guruh nogironligi bo‘lgan yosh fuqaro.
8. Nogironligi bo‘lgan bola parvarishi bilan shug‘ullanayotgan yosh oila (er-xotinning biri);
9. Ota-onalardan birida I yoki II guruh nogironligi bo‘lgan, ikkinchisi esa faoliyatini to‘xtatgan holda bemorga qarashga majbur bo‘lgan yoki ota-onasida I yoki II guruh nogironligi bo‘lgan yosh fuqaro.
10. Tabiiy ofatlar, halokatlar, yong‘inlar va boshqa favqulodda vaziyatlar oqibatida hayotiga, sog‘lig‘iga, mulkiga zarar yetgan yosh fuqaro.
“Yoshlar daftari”ni yuritish orqali yoshlar muammolarini tizimli ravishda hal etish va ularni ijtimoiy qo‘llab-quvvatlash tartibi to‘g‘risidagi nizomga
3-ILOVA
“Yoshlar daftari”ga kiritilgan yoshlarning tadbirkorlikka va kasb-hunarga o‘qitish kurslari xarajatlarini qoplash
SXEMASI

Bosqich		Subyektlar		Tadbirlar		Muddatlar
1-bosqich		Ariza beruvchi*		Tadbirkorlikka va kasb-hunar o‘quv kurslari xarajatlarini qoplash uchun subsidiya ajratish bo‘yicha tuman (shahar) “Yoshlar daftari” jamg‘armasi Vasiylik kengashiga murojaat qilib, o‘zi va ta’lim tashkiloti o‘rtasida tuzilgan shartnoma nusxasini taqdim etadi.		O‘qishni boshlashdan oldin
2-bosqich		Vasiylik kengashi		Murojaatni unga ilova qilingan shartnoma bilan birga ariza beruvchi yashab kelayotgan mahalladagi hokim yordamchisiga ko‘rib chiqish uchun yuboradi.		3 ish kuni ichida
3-bosqich		Hokim yordamchisi		Ariza beruvchining murojaatini ko‘rib chiqish va o‘qish xarajatlarini qoplash bo‘yicha tavsiya yoki rad etish haqidagi xabarnomani Vasiylik kengashiga yuboradi. Bunda, subsidiya ajratishni rad etish haqida xabarnoma yuborilganda rad etish sabablari asoslantirilishi talab etiladi.		5 ish kuni ichida
		Vasiylik kengashi		Hokim yordamchisi tomonidan belgilangan muddatda ariza beruvchining o‘qish xarajatlarini qoplash bo‘yicha tavsiya yoki rad etish haqida xabarnoma berilmasa yoki asossiz rad etilganligi aniqlansa, Vasiylik kengashi ariza beruvchining murojaatini qanoatlantiradi.		5 ish kuni ichida
4-bosqich		Vasiylik kengashi		O‘qish xarajatlarini qoplash haqida qaror qabul qilib, o‘quv kursi uchun belgilangan mablag‘larni ta’lim tashkilotining hisobvarag‘iga o‘tkazib beradi.		3 ish kuni ichida
5-bosqich		Hokim yordamchisi		Ariza beruvchining haqiqatda o‘quv kursida o‘qiyotganligini monitoring qilib boradi.		Har oyda kamida bir marta

* “Yoshlar daftari”ga kiritilgan quyidagi toifadagi yoshlarga tadbirkorlikka va kasb-hunarga o‘qish kurslari xarajatlari qoplab beriladi:
1. “Temir daftar”ga kiritilgan oila farzandi;
2. “Ayollar daftari”ga kiritilgan ayollar farzandi;
3. “Ijtimoiy himoya yagona reyestri” AT orqali kam ta’minlangan deb e’tirof etilgan oila farzandi (shaxs);
4. Ishsiz yosh fuqaro.
“Yoshlar daftari”ni yuritish orqali yoshlar muammolarini tizimli ravishda hal etish va ularni ijtimoiy qo‘llab-quvvatlash tartibi to‘g‘risidagi nizomga
4-ILOVA
“Yoshlar daftari”ga kiritilgan yoshlarning davlat va nodavlat ta’lim tashkilotlarida avtomototransport vositalari haydovchilarini tayyorlash o‘quv kursi xarajatlarini qoplash uchun subsidiya ajratish xarajatlarini qoplash
SXEMASI

Bosqich		Subyektlar		Tadbirlar		Muddatlar
1-bosqich		Ariza beruvchi*		Davlat va nodavlat ta’lim tashkilotlarida avtomototransport vositalari haydovchilarini tayyorlash bo‘yicha o‘quv kurslari xarajatlarini qoplash uchun subsidiya ajratish bo‘yicha tuman (shahar) “Yoshlar daftari” jamg‘armasi Vasiylik kengashiga o‘zi va ta’lim tashkiloti o‘rtasida tuzilgan shartnoma nusxasini taqdim etgan holda murojaat qiladi.		O‘qishni boshlashdan oldin
2-bosqich		Vasiylik kengashi		Murojaatni unga ilova qilingan shartnoma bilan birga ariza beruvchi yashab kelayotgan mahalladagi yoshlar yetakchisiga ko‘rib chiqish uchun yuboradi.		3 ish kuni ichida
3-bosqich		Mahalladagi yoshlar yetakchisi		Ariza beruvchining o‘qish xarajatlarini qoplash bo‘yicha tavsiya yoki rad etish haqidagi xabarnomani Vasiylik kengashiga yuboradi. Bunda subsidiya ajratishni rad etish haqida xabarnoma yuborilganda, rad etish sabablari asoslantirilishi talab etiladi.		5 ish kuni ichida
		Vasiylik kengashi		Mahalladagi yoshlar yetakchisi tomonidan belgilangan muddatda ariza beruvchining o‘qish xarajatlarini qoplash bo‘yicha tavsiya yoki rad etish haqida xabarnoma berilmasa yoki asossiz rad etilganligi aniqlansa, Vasiylik kengashi ariza beruvchining murojaatini qanoatlantiradi.		5 ish kuni ichida
4-bosqich		Vasiylik kengashi		O‘qish xarajatlarini qoplash haqida qaror qabul qilib, o‘quv kursi uchun belgilangan mablag‘larni ta’lim tashkilotining hisobvarag‘iga o‘tkazib beradi.		3 ish kuni ichida
5-bosqich		Mahalladagi yoshlar yetakchisi		Ariza beruvchining haqiqatda o‘quv kursida o‘qiyotganligini monitoring qilib boradi.		Har oyda kamida bir marta

* “Yoshlar daftari”ga kiritilgan quyidagi toifadagi yoshlarga Davlat va nodavlat ta’lim tashkilotlarida avtomototransport vositalari haydovchilarini tayyorlash o‘quv kursi xarajatlari qoplab beriladi:
1. “Temir daftar”ga kiritilgan oila farzandi.
2. “Ayollar daftari”ga kiritilgan ayollar farzandi.
3. “Ijtimoiy himoya yagona reyestri” AT orqali kam ta’minlangan deb e’tirof etilgan oila farzandi (shaxs).
4. “Mehribonlik” uylari, Bolalar shaharchalari va oilaviy bolalar uylarida tarbiyalangan yosh fuqaro.
5. Oilasi kam ta’minlangan ishsiz yosh fuqaro.
“Yoshlar daftari”ni yuritish orqali yoshlar muammolarini tizimli ravishda hal etish va ularni ijtimoiy qo‘llab-quvvatlash tartibi to‘g‘risidagi nizomga
5-ILOVA
“Yoshlar daftari”ga kiritilgan, dehqonchilik va tomorqa xo‘jaligini yuritish bilan shug‘ullanayotgan yoshlarga urug‘lik va ko‘chatlar xarid qilish uchun subsidiya ajratish
SXEMASI