Yoshlar muammolarini o‘rganish va hal etish tizimini yanada takomillashtirish chora-tadbirlari to‘g‘risida

Tuman (shahar)lardagi “Yoshlar daftari” jamg‘armasi vasiylik kengashining
NAMUNAVIY TARKIBI

1.	Lavozimiga ko‘ra	—	tuman (shahar) hokimlari, Vasiylik kengashi raisi
2.	Lavozimiga ko‘ra	—	tuman (shahar) hokimining yoshlar siyosati, ijtimoiy rivojlantirish va ma’naviy-ma’rifiy ishlar bo‘yicha o‘rinbosarlari, Vasiylik kengashi raisi o‘rinbosari
3.	Lavozimiga ko‘ra	—	tuman (shahar) hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosarlari
4.	Lavozimiga ko‘ra	—	tuman (shahar) prokurorlari (kelishuv asosida)
5.	Lavozimiga ko‘ra	—	tuman (shahar) ichki ishlar boshqarmalari (bo‘limlari) boshliqlari
6.	Lavozimiga ko‘ra	—	tuman (shahar) aholi bandligiga ko‘maklashish markazlari boshliqlari
7.	Lavozimiga ko‘ra	—	tuman (shahar) tibbiyot birlashmalari boshliqlari
8.	Lavozimiga ko‘ra	—	tuman (shahar) sportni rivojlantirish bo‘limlari boshliqlari
9.	Lavozimiga ko‘ra	—	tuman (shahar) madaniyat bo‘limlari boshliqlari
10.	Lavozimiga ko‘ra	—	tuman (shahar) davlat soliq inspeksiyalari boshliqlari
11.	Lavozimiga ko‘ra	—	tuman (shahar) moliya bo‘limi boshliqlari
12.	Lavozimiga ko‘ra	—	Mahallabay ishlash va tadbirkorlikni rivojlantirish agentligining tuman (shahar) markazlari boshliqlari
13.	Lavozimiga ko‘ra	—	Yoshlar ishlari agentligining tuman (shahar) bo‘limi boshliqlari, Vasiylik kengashi kotibi

Izoh. Vasiylik kengashi a’zolari boshqa ishga o‘tgan taqdirda, Vasiylik kengashi tarkibiga ushbu lavozimlarga yangidan tayinlangan xodimlar yoki tegishli funksiyalarni bajarish zimmasiga yuklangan mas’ullar kiritiladi.
Vazirlar Mahkamasining 2022-yil 7-iyundagi 312-son qaroriga
2-ILOVA
“Yoshlar daftari”ni yuritish orqali yoshlar muammolarini tizimli ravishda hal etish va ularni ijtimoiy qo‘llab-quvvatlash tartibi to‘g‘risida
NIZOM
1-bob. Umumiy qoidalar
1. Mazkur Nizom “Yoshlar daftari”ni yuritish orqali yoshlar muammolarini tizimli ravishda hal etish va ularni ijtimoiy qo‘llab-quvvatlash tartibini belgilaydi.
2. Ushbu Nizomda quyidagi asosiy tushunchalar qo‘llaniladi:
ariza beruvchi — “Yoshlar daftari”ga kirish yoki “Yoshlar daftari” jamg‘armasi mablag‘lari hisobidan qo‘llab-quvvatlash bo‘yicha mazkur Nizomga muvofiq murojaat qilgan o‘n to‘rt yoshga to‘lgan va o‘ttiz yoshdan oshmagan (o‘ttiz bir yoshga to‘lmagan) O‘zbekiston Respublikasi fuqarosi yoki ularning vakili (o‘n olti yoshga to‘lmagan shaxs nomidan murojaat qilgan uning qonuniy vakili) hamda fuqaroligi bo‘lmagan shaxs;
Vasiylik kengashi — “Yoshlar daftari” jamg‘armasi mablag‘larini shakllantirish, boshqarish va ulardan foydalanish maqsadida qonunchilik hujjatlarida belgilangan tartibda manfaatdor tashkilotlar rahbarlari va mas’ul xodimlaridan iborat tarkibda tuziladigan kollegial organ;