15 may 2023-y. 01-06/3-255-son

IJRO.GOV.UZ тизими орқали ЭРИ билан тасдиқланган, Ҳужжат коди: MI31046826


« 15 » may 2023-y. 01-06/3-255-son « » 2023 y.
Qoraqalpog‘iston Respublikasi Maktabgacha va maktab ta’limi vaziri, Toshkent shahar va viloyatlar maktabgacha va maktab ta’limi boshqarmalari boshliqlari hamda vazirlik tasarrufidagi ta’lim muassasalari rahbarlariga

Maktabgacha va maktab ta’limi vazirligi tomonidan “Umumiy o‘rta ta’lim muassasalarida 2022-2023-o‘quv yilini yakunlash va “So‘nggi qo‘ng‘iroq” tadbirlarini o‘tkazish bo‘yicha tavsiyalar” ishlab chiqildi.

Sizdan ushbu tadbirni mazkur tavsiya asosida tashkil etishingizni va tadbir davomida quyidagilarga e’tibor qaratishingizni so‘raymiz:
umumiy o‘rta ta’lim muassasalarida tadbirni joriy yilning 25-may kuni ertalab soat 8:00 dan 9:00ga qadar “Ilmni qadrlang, ilmga intiling!” shiori ostida tashkil etish; tadbirni tartibli o‘tkazish va o‘quvchilar xavfsizligini ta’minlash maqsadida o‘quvchilar sonidan kelib chiqqan holda ushbu tadbirga faqatgina 1-, 4-, 9-, 11-sinf
o‘quvchilarini jalb etish;
tadbirni mahalla qo‘mitasi, ota-onalar va huquqni muhofaza qilish idoralari vakillari bilan hamkorlikda yong‘in va texnika xavfsizligi qoidalariga amal qilgan holda o‘tkazish hamda maktab hududiga texnika vositalari va begona shaxslarning kiritilmasligini ta’minlash;
“So‘nggi qo‘ng‘iroq” tadbirlarini, bosqichli nazorat imtihonlari va yakuniy davlat attestatsiyalarini o‘tkazishda, ta’lim muassasalarini yangi o‘quv yiliga tayyorlash borasida o‘quvchi va bitiruvchilar hamda ularning ota-onalaridan turli xil pul yig‘imlariga yo‘l qo‘ymaslik;
maktab hayotida faol ishtirok etayotgan o‘quvchilarning ota-onalarini ma’naviy rag‘batlantirishga alohida e’tibor qaratish.
Amalga oshirilgan ishlar yuzasidan joriy yil 25-may kuni soat 12:00 ga qadar ma’lumotlarni vazirlikning Ta’lim tashkilotlarida tarbiyaviy ishlarni muvofiqlashtirish boshqarmasiga ([phone]) taqdim etishingiz so‘raladi.
Ilova: varaqda.


Vazir X.Umarova


Ijrochi: F.Zaripov,
tel: [phone] (4021)

Maktabgacha va maktab ta’limi vazirligining 2023-yil 15-maydagi
01-06/3-255-sonli xatiga ilova