Yusifov E. F., Hacıyev V. C
Yüklə 2,82 Kb. Pdf görüntüsü
|
- Bu səhifədəki naviqasiya:
- Əhalinin məlumatlandırılması üzrə işlər
- Məktəblilərlə iş fəaliyyəti.
100 Hirkan Biosfer Rezervatının ekoloji-maarifləndirmə fəaliyyətinin əsas məqsədi geniş azərbaycan ictimaiyyətində, ilk növbədə yerli icma arasında bioloji və landşaft müxtəlifliyinin qorunması məsələsində rezervatların əhəmiyyətli rolunu aydınlaşdırmaq, onun biosferdə və regionun sosial-iqtisadi inkişafında mühüm rol oynadığını əhaliyə çatdırmaqdan ibarətdir. Bu hərəkat biosfer rezervatların ölkənin milli sərvətlərinin tərkib hissələrindən biri və çox vacibi olduğunu ictimaiyyət tərəfindən dəstəklənməsinə rəvac verməlidir. Ekoloji-maarifləndirmə işlərinin sistemli təşkili aşağıdakı məsələlərin həllindən çox asılıdır: • ekoloji-maarifləndirmə işlərinin aparılması zamanı rezervatda olan elmi, tarixi və digər arxiv materialları, eləcə də elm şöbəsinin təcrübə və potensialı əsasında elmi cəhətdən əsaslandırılmış bazanın yaradılması; • rezervatın hər bir konkret regionunda (kəndində) əhalinin bütün qrupları arasında məqsədyönlü və sistematik işlərin təşkili; • biosfer rezervata gələnlərlə işlərin təşkili; • müxtəlif tədris müəssisələri, müvafiq dövlət orqanları və yerli özünüidarə təşkilatları, kütləvi informasiya vasitələri və bu sahədə maraqlı olan digər qurumlarla sıx əməkdaşlığın həyata keçirilməsi; • uyğun ixtisaslar üzrə peşəkar mütəxəssislərin yetişdirilməsinə yardım; • ekoloji-maarifləndirici məlumatların və iş təcrübələrinin milli və beynəlxalq miqyasda mübadiləsini təmin edən vahid informasiya məkanının yaradılmasına çalışmaq; • Biosfer rezervatın idarə olunmasında ekoloji-maarifləndirmə üzrə direktor müavini ştatı yaradılması da vacib addımlardan biri sayılmalıdır. Əhalinin məlumatlandırılması üzrə işlər sahəsində zəruri tədbirlər əsasən bunlardır: • geniş əhali kütlələri üçün nəzərdə tutulmuş informasiya bülletenlərinin, qəzetlərin, yerli və regional nəşriyyatlara əlavələr şəklində müstəqil nəşriyyatların buraxılması; • biosfer rezervatın yerli nəşriyyatda periodik rubrikada işıqlandırılması; • elektron KİV formaları ilə, o cümlədən radio və televiziya verilişləri ilə əlaqələr yaratmaq; 101 • curnalistlər arasında biosfer rezervatlara həsr edilmiş ən yaxşı material üçün (məqalələr, verilişlər, filmlər və s.) mükafat uğrunda yerli və regional konkurslar elan etmək; • biosfer rezervatın internet saytının açılmasını və informasiya ilə təmin olunmasını həyata keçirmək; Məktəblilərlə iş fəaliyyəti. Bu istiqamət ekoloji-maarifləndirmə üzrə ən mühüm istiqamətlərdən biridir. Bu sahədə aşağıdakı tədbirlərin həyata keçirilməsi vacibdir: • məktəblilər üçün xüsusi ekoloji düşərgə və ekoloji ekspedisiyalar, səyahətlər təşkil etmək, onların iştirakı ilə bioloji tədqiqatlar aparmaq; • regionun müəllim heyəti və təhsil sistemi orqanları ilə əlaqələri gücləndirmək, birgə proqramlar və tədbirlər həyata keçirmək; • rezervat nəzdində uşaq birlikləri (dərnəkləri) yaratmaq (gənc təbiətçi, gənc naturalist, təbiətin dostları, baba təbiət, məktəbli meşəbəyliyi və s.), ərazidə onların ekspedisiya və praktikaları üçün şərait yaratmaq. Biosfer rezervat ərazisində əhali ilə həyata keçiriləcək digər zəruri tədbirlər bunlardır. 1. Aşağıdakı istiqamətlərdəki fəaliyyətlərin planlı surətdə həyata keçirilməsi: • əhalini daim biosfer rezervatın fəaliyyəti, müvəffəqiyyətləri və problemləri ilə yaxından tanış etmək; • ekoloji mədəniyyətin formalaşmasında bilavasitə iştirak etmək, əhalinin bütün təbəqələrinə ətraf təbii mühitin mühafizəsinin zəruriliyini izah etmək; • biosfer rezervatın mühafizəsi fəaliyyətində sakinlərin bilavasitə iştirakını təmin etmək. 2. Biosfer rezervatın bilavasitə yaxınlığındakı əhalinin ictimai fikrinin monitorinqini keçirmək (anket, sosioloji sorğu və s.); 3. Əhalinin müxtəlif qruplarının rezervata münasibətini müəyyənləşdirmək, regionun rifahının yaxşılaşdırılmasında onun vacibliyinin müxtəlif təbəqələr tərəfindən nə dərəcədə dərk olunduğunu müəyyənləşdirmək; 4. Rezervatın aktual problemləri üzrə yerli əhali ilə «dəyirmi stol»lar keçirmək; 5. Rezervat rəhbərliyinin keçirdiyi ekoloji aksiyalarda və bayram tədbirlərində yerli əhalinin geniş kütlələrinin cəlb edilməsini təşkil etmək; 102 6. Biosfer rezervatın elmi-texniki şurasına regional dövlət və bələdiyyə nümayəndələrinin cəlb edilməsi; 7. Yerli əhali arasında biosfer rezervatın müdafiə qrupunu yaratmaq, onlara müəyyən status vermək (Hirkan Biosfer Rezervatının Dostları Cəmiyyəti və s.); 8. Ekoloji bayram günlərində («Parklar hərəkatı», «Yer Günü», «Ətraf Mühit Günü», «Su Günü», «Quşlar Günü», «Qoruq İşçiləri Günü» və s.) qeyri hökumət və digər təşkilatlarla birgə xüsusi tədbirlər keçirmək. Yüklə 2,82 Kb. Dostları ilə paylaş:
|