75
§9. Titan və onun ərintiləri
Təbiətdə yayılmasına görə titan konstruksiya metalları arasında alüminium-
dan, dəmirdən və maqneziumdan sonra dördüncü yeri tutur. 882°C temperatura
qədər titanın kristal şəbəkəsi heksaqonal (£titan ), yüksək temperaturlarda
həcmi mərkəzləşdirilmiş (Btitan) olur. Texnikada istifadə olunan metalların
içərisində titan 20°dən 325°C temperatura qədər intervalda ən yüksək möh
kəmliyə malikdir. Titanın mexaniki xassələri onun tərkibində oksigen, azot və
karbon aşqarlarının miqdarından asılıdır. Onlar titanın möhkəmliyini artırır,
plastikliyini aşağı salır. Titan üçün zərərli aşqar onun özlülüyünü aşağı salan
hidrogendir. Titanın texnoloji xassələri pis deyildir. O, təzyiq altında yaxşı emal
olunur, müxtəlif üsullarla qaynaq edilir. Lakin titanın qüsurları vardır: isti lik
keçirmə qabiliyyəti aşağıdır, otaq temperaturunda sürtünməyə meyil gös tərir.
Yüksək temperaturda qazlarla yüksək kimyəvi aktiv dir, yeyil mə yə da vam lılığı
aşağıdır.
Yüksək temperaturlarda titanın öz möhkəmliyini tez itirməsi titan əsaslı
ərintilər alınması zərurətini irəli sürür. Titan ərintiləri titana nisbətən daha
yüksək mexaniki xassələrə, odadavamlılığa, daha yüksək korroziyayadavamlı-
lığa malikdir. Titan ərintilərinin plastikliyi və özlülüyü texniki titana nisbətən
aşağıdır. Texnikada titanın alüminium, molibden, manqan, vanadium, xrom,
dəmir, qalay və s. komponentlərlə ərintiləri geniş yayılmışdır.
Titan ərintilərinin tərkibi (DXIST1980774) aşağıda verilmişdir:
OT40 (0,21,4% alüminium, 021,3% manqan);
BT51 (4,365 alüminium, 2,03,0% qalay);
BT5 (4,36,2% alüminium);
BT14 (3,56,35 alüminium, 2,53,8% molibden, 0,91,9% vanadium).
Titan və onun ərintiləri aviasiyada, raket texnikasında və kosmik texnikada
geniş tətbiq olunur. Kimya sənayesində, gəmiqayırmada, energetika maşınqa-
yırmasında, atom texnikasında da titan ərintilərindən istifadə olunur.
Yoxlama üçün suallar:
1. Titan və onun ərintiləri hansı mühitdə korroziyaya davamlıdır?
2. Titan ərintilərindən harada istifadə olunur?
3. Titan və onun ərintilərinin xarakteristikası hansıdır?
76
VII FƏSIL
BƏRK ƏRINTILƏR VƏ MINERAL-KERAMIKA
MATERIALLARI
§1. Bərk ərintilərin xassələrinin təyinatı
Tezkəsən poladlardan hazırlanmış kəsici alətlər kəsməklə sürətli emalın
müasir metodlarını artıq təmin etmir. Məlum olduğu kimi , kəsmə sürəti artdıqca
alətin kəsən ağzı çox qızır. Tez kəsən poladlardan hazırlanmış alətlər 600°700°C
temperatura qədər közərməyə davamlıdır, lakin yüksək temperatura qədər qız-
dırdıqda bərkliyini və kəsmə xassələrini itirir. Hazırda tezkəsən poladlara nis
bətən daha yüksək bərkliyə, közərməyə, yeyilməyə və davamlılığa malik olan
materiallar tələb edilir. Belə materiallar texnikada geniş yayılmış bərk ərin ti
lərdir. Bərk ərintilərin əsas təşkilediciləri çətin əriyən metalların kar bid ləridir.
Sementləşdirici maddə kimi bərk ərintilərin tərkibinə kobalt, nikel və ya dəmir
daxil edilir. Hazırlanma üsullarından asılı olaraq bərk ərin tilər bişirilmiş və
üstəritməli olur. Bişirilmiş bərk ərintilər alət materiallarına aid olub, materialla-
rın kəsməklə emalında istifadə olunur. Karbonlu poladdan hazırlanmış kəsici
alətlərin təchiz olunduğu bərk lövhələr metal emalında kəsmə sürətini tezkəsən
polad alətlərlə kəsmə sürətinə nisbətən 58 dəfə artırmağa imkan verir. Bişiril-
miş bərk ərintilər əsasən üc qrupa bölünür:
a) sementləşdiricibirləşdirici kimi volfram və kobalt karbidindən ibarət
volframlı bərk ərintilər;
b) volfarm karbidindən, titan və kobalt karbidindən ibarət olan titan volf-
ramlı bərk ərintilər;
c) bitişdirilmiş volfram, titan və tantal karbidindən ibarət olub, kobaltla əla
qədar titantantalvolframlı bərk ərintilər.
Üstəritmə ərintilərdən müxtəlif alətlərin, tərtibatların və tezyeyilən maşın
detallarının yeyilməyədavamlılığını artırmaq ücün istifadə olunur. Üstəritmə
bərk ərintilərinin üç əsas növü vardır: tökmə, dənəşəkilli və elektrodlu. Tökmə
bərk ərintilərindən ən geniş yayilanı stellitlər və sormaytlardır (dəmir əsaslı
ərintilər). Stellitlər, adətən, lövhə, çubuq və hazır tökmə şəklində, sormaytlar isə
çubuq və yaxud toz şəklində buraxılır. Dənəşəkilli ərintilərdən ən geniş yayılanı
tərkibində xrom, manqan, karbon və silisium olan dəmir əsaslı ərinti stalinitdir.
Elektrodlu ərintilər üzəri qalın suvaq qatı ilə örtülmüş mil (poladdan və yaxud
xüsusi ərintidən hazırlanmış) şəklində buraxılır.
Yoxlama üçün suallar:
1. Tezkəsən poladın tərkibi, xassələri və təyinatını deyin.
2. Bərk ərintilərin əsas xassələrini xarakterizə edin.
77
§2. Bişirilmiş bərk ərintilərin istehsalı
Komponentləri maye halda əriməklə alınan əksər ərintilərdən fərqli olaraq
bişirilmiş bərk ərintilər ovuntu metallurgiyası metodu ilə istehsal olunur. Əsas
komponentləri əritmədən metal ovuntuları, onların yarımfabrikatları və məmu
lat hazırlanması metodunu əhatə edən texnika sahəsi ovuntu metallurgiyası
adlanır.
Bişirilmiş bərk ərintilər karbid və kobalt tozlarından hazırlanır. Bişirilmiş
bərk ərintilər istehsalı texnologiyasını volframlı ərintilərin misalında nəzərdən
keçirək. Onların istehsal prosesi aşağıdakı əməliyyatlardan ibarətdir: volfram
ovuntularının alınması; volfram karbidi ovuntularının, kobalt ovuntularının
alınması; bu ovuntuların qarışığının hazırlanması; ovuntu qarışıqlarının pres
ləmə yolu ilə qəliblənməsi; qəliblənmiş qarışıqların bişirilməsi.
Volfram anhidridini hidrogen və yaxud karbonla bərpa etmək yolu ilə volf-
ram ovuntusu alınır. Volfram karbidi almaq üçün onu karbonla qarışdırır və
sobada hidrogen mühitində közərdirlər. Volfram karbidi ovuntuları ilə kobalt
qarışığının hazırlanması və onların üyüdülməsi kürəli dəyirmanlarda maye
mühitdə aparılır. Alınmış qarışıq yapışqanla yoğrulur, qurudulur və ələnir. Pres
ləmə zamanı qarısığa alətlərin kəsici hissəsinin lövhəcik şəkilli forması verilir.
Son zamanlarda bişirmə prosesi təzyiq altında aparılır və yaxud isti hal da pres
lənir. Qəlibləmə və bişirmə prosesləri birləşdirilir.
Yüksək bərkliyə malik olduqları üçün bərk ərintili alətlərlə tablanmış poladı,
ağarmış çuqunu, şüşəni, mərməri və digər materialları kəsməklə emal etmək
olar. Əvvəllər bu materialları karbonlu və legirlənmiş poladlardan hazırlanmış
alətlərlə emal oluna bilmirdi və yaxud çox çətin emal olunurdu. Bərk ərintilərin
qüsurları da vardır. Onlar kövrəkdir və kifayət qədər bərk deyildir.
Bişirilmiş bərk ərintilər lehimləmə və yaxud mexaniki bərkitmə yolu ilə
kəsici alətlərin işləyən hissələrini təchiz etmək üçün əsas etibarilə standart for-
malı və ölçülü lövhəciklər şəklində buraxılır. Standart lövhəciklərdən başqa, bərk
ərintilərdən sənayedə monolit alətlər və emalda qeyristandart lövhələr buraxılır.
Yoxlama üçün suallar:
1. Ovuntu metallurgiyası metodu ilə məmulat hazırlanması prosesinin mahiy
yəti nədən ibarətdir?
2. Bişirilmiş bərk ərintilər istehsalı üçün hansı materiallar lazımdır?
3. Ovuntu qarışığı nə üçün qəliblənir?
Dostları ilə paylaş: |