45
rayonumuzun ən möhtəşəm və qabaqcıl tədris ənənələrini özündə
birləşdirən bu təhsil ocağı haqqında kitab yazmağa dəyər. Dedim ki,
qoy ürəyimdə və yaddaş xəzinəmdə yığılıb qalmış həmin məktəb
haqqında gördüklərimi,eşitdiklərimi və oxuduqlarımı yazıya
köçürüm. Və başladım “Uğurlara gedən yollar” adlı
sayca
doqquzuncu kitabımı yazmağa. Çoxları eşidib dedi ki, əzizim ağlını
başına yığ, artıq sənin kitab yazan vaxtın çoxdan ötüb-keçib. Sən
indi yalnız özün haqqında düşünməlisən. Hər gün yaxşı-yaxşı
dincəl. Özünü istiyə-soyuğa vermə, çox dərindən düşünüb başını
xarab eləmə. Yemək-içməyinə, dava-dərnanına ciddi fikir ver, otur
evində, vəssalam.
Mən, məni qınayanlarla, mənə “düz” yol göstərənlərlə heç cür
razılaşmadım. Dedim ki, mənim qəlbim və qələmim mənə diktə
eləyib deyir ki, bu işdə öldü var, bir addım da geri döndü yoxdur.
Sən mütləq rayonumuzun təhsilində yetərincə nailiyyət qazanan bu
məktəb-lisey haqqında mütləq ayrıca kitab yazmalısan. Mənimlə
bərabər bu işdə gecə-gündüz hər çətinliyə, əzab və əziyyətə qatlaşan
qələmim də bu işə “hə” dedi. O yeganə yaxınım:
mənim həm
dostum
, həm yoldaşım, həm qardaşım və sirdaşım kimi bu
təklifimə birinci səs verdi.
Düzünü deyim ki, bu günə kimi mən qələmimin işindən və
əməllərindən narazı deyiləm. Altımış ildən çoxdur ki,
o mənimlə
birlikdə çalışır, vuruşur, mənim dərk etdiyimi, başa düşdüyümü,
oxudu
ğumu, gördüyümü və dediyimi yazıb. Özü də düz və sərrast
olduğu kimi (M.Ə.Sabir demişkən “düzü-düz, əyrini-əyri”) yazır.
Heç vaxt məni danlanmağa, ayağımın büdrəməsinə yol verməyib.
Yalnız bunu deyə bilərəm ki,
Allah-Taala onu nadan, paxıl və
qısqanc insanlardan, mərdiməzardan, bədnəzərdən və başqa şər
qüvvəllərdən qorusun. Yazdığı sözü-söhbəti heç vədə tükənməsin,
heç vədə yazısının qiymətini,hörmətini, kəsərini itirməsin.
Mənə dostdan və qardaşdan da etibarlı olan,
sanki sədaqət
andı içmiş qələmim mənimlə birgə Vətəninə, torpağına, xalqına,
millətinə və dövlətinə “son nəfəsinə kimi“ layiqlə və şərəflə xidmət
etsin. Tutduğu bu düz, aydın, işıqlı və rahat bədii yaradıcılıq yolunu
axıra kimi inamla, uğurla və şərəflə, heç bir təhlükə ilə üzləşmədən
davam etdirsin: