203
Bu iclasda bir nəfər də olsa azərbaycanlı, müsəlman yox idi. Əsas
məqsəd də Azərbaycanla Osmanlını bir-birindən ayırmaq,
Ermənistan
ərazisini
genişləndirmək
idi.
Zəngəzurun
Azərbaycandan zorla qoparılaraq Ermənistan SSR-ə verilmiş
hissəsində Qafan, Gorus, Sisyan və Mehri rayonları yaradıldı.
Nəticədə Naxçıvan digər Azərbaycan torpaqlarından ayrı salındı.
Zəngəzurun Azərbaycanda qalan hissəsində isə Zəngilan, Qubadlı,
Laçın rayonları yaradıldı. Zəngəzurun 4505 kvadrat kilometrlik bir
hissəsi itirildi. [227].
Ermənistanın sovetləşməsindən sonra Zəngəzurda milli toq-
quşmalar müəyyən qədər səngisə də, bolşevik Rusiyasının təzyiqi,
məkrli planları, sırf xristian təəssübkeşliyi, ermənipərəstliyi,
imperiya maraqları və “sapı özümüzdən olan baltaların” şərəfsiz
xəyanətləri nəticəsində bu əzəli Azərbaycan torpağının Ermənistana
verilməsi istiqamətində atılmış addımlar sonralar da ardıcıl olaraq
addım-addım davam etdirildi. Qəzanın sovetləşməsi və yuxarı
hissəsinin Ermənistanın tərkibinə daxil edilməsi burada yaşayan
azərbaycanlı əhaliyə qarşı ayrı-seçkilik siyasətinin yeni forma və
məzmunda davam etməsinə də şərait yaratdı. Ermənistan SSR
rəhbərliyi tərəfindən müxtəlif bəhanələrlə azərbaycanlı qaçqınların
öz doğma yerlərinə qayıtmalarına nəinki imkan verilmədi, əksinə,
qəzada sayları xeyli azalmış azərbaycanlıların sıxışdırılmasına
başlandı. Ermənilər zaman-zaman Zəngəzurun Azərbaycan SSR-də
qalmış Laçın, Qubadlı, Zəngilan rayonlarına da iddialar irəli
sürmüş, müəyyən dərəcədə buna nail də olmuşdular. Arxiv
materiallarının təhlili göstərir ki, bu ərazi mübahisələrinin heç biri
bircə dəfə də olsun Azərbaycan SSR-in xeyrinə həll olunmayıb.
Məsələn, Şuşa qəzası torpaq şöbəsinin müdiri Roqozinin 26 iyul
1923-cü il tarixli məruzəsində göstərilirdi ki, Zəngəzur və Şuşa
qəzalarının tərəkəmələri arasında sərhəd mübahisəsinin həlli zamanı
silahlı toqquşma baş verməsin deyə, 20 yaylaq ermənilərə
verilmişdir. Məruzədə göstərilirdi ki, «bu hal tamamilə qeyri-
normal idi, belə ki, sərhəd məsələsinin həll olunmaması səbəbindən
qara qüvvələr bulanıq suda balıq tuturlar və əhalini qızışdırırlar və
204
bununla da ermənilərlə müsəlmanlar arasında milli ədavətin
yaradılmasına səbəb olurlar» [230].
Erməni məkrinin təsiri altında yeni inzibati vahidlik-Mehri
rayonunun yaradılması adı altında Zəngilan rayonunun daha üç
kəndi-Nüvədi, Ərnəzir və Tuğut Ermənistana verilmişdi. XX əsrin
əvvəlində ssenarisi cızılmış planın tam icrası əsrin sonunda SSRİ
adlandırılan “xalqlar həbsxanasına” çevrilmiş Rusiya imperiyasının
açıq hərbi-siyasi dəstəyi ilə tam reallaşdırıldı.
1988-ci ildə ermənilərin «Qarabağ» fitnəkarlığı həm də Er-
mənistan SSR-də yaşayan azərbaycanlıların öldürülməsi və kütləvi
deportasiyası ilə müşayiət olundu. Ermənistan SSR-dən ilk qaçqın
dalğası 1987-ci il fevral ayının sonu - martın əvvəllərindən
başlayaraq Zəngəzurun Sisian, Qafan, Gorus, Mehri rayonlarından,
demək olar ki, bütün azərbaycanlı əhalisi öz doğma yurdlarından
deportasiyasına başlandı. 1991-ci ilin avqustunda Zəngəzurun
azərbaycanlılar yaşayan sonuncu - Mehri rayonunun Nüvədi
kəndinin əhalisinin qovulması ilə Zəngəzur bölgəsinin türk-
süzləşdirilməsi prosesi başa çatdırıldı. Qarabağ müharibəsi isə
1988-ci il noyabrın 24-də Zəngəzurun Qubadlı bölgəsinin Eyvazlı
kəndinin erməni silahlı qüvvələri tərəfindən talan, qarət edilib
tamam yandırılıb xarabalığa çevrilməsi ilə başlamışdı [128].
1918-1920-ci illərdə Zəngəzurun demoqrafik vəziyyətinin də-
yişməsinə, Qərbi Zəngəzurun Ermənistana birləşdirilməsinə gətirib
çıxaran faciəli proseslər: hərbi, siyasi, idari, mənəvi-psixoloji və s.
çox az fərqlə 1992-1993-cü illərdə yenicə müstəqilliyini əldə etmiş
Azərbaycan Respublikasında təkrar olundu. Zəngəzurun tək bir
erməninin də yaşamadığı Laçın, Qubadlı, Zəngilan rayonları Dağlıq
Qarabağ və ətraf rayonlarla birlikdə Azərbaycandan qoparıldı.
Rusiya Federasiyası ordusunun fəal hərbi-siyasi dəstəyi, birbaşa
iştirakı ilə, ABŞ, Fransa, Böyük Britaniya və digər aparıcı
dövlətlərin siyasi yardımı ilə Ermənistan silahlı qüvvələrinin 1993-
cü il oktyabrın 29-da Zəngilan rayonunu işğal etməsi ilə tarixi Zən-
gəzur torpaqlarının azərbaycanlı əhalidən təmizlənməsi və
205
Ermənistan Respublikasının nəzarətinə keçməsi prosesi
tamamlanmış oldu [233].
BMT Təhlükəsizlik Şurasının müvafiq qətnamələrində də
Ermənistanın işğalı tanınır və nəticələrinin aradan qaldırılmasının
vacibliyi tələb edilir. Azərbaycan xalqı və onun hökuməti dünya
güclərinin hərbi - siyasi havadarlığı, fəal dəstəyi ilə reallaşdırılan bu
təcavüz aktı ilə heç zaman barışmamış və barışmayacaqdır [234].
206
207
4.4. Zəngəzur bölgəsində demoqrafik təkamül, köç, deportasiya,
soyqırımı və işğal tarixinin icmalı (XIX -XX əsr)
Azərbaycan XIX əsrin ilk otuzilliyində romanovlar Rusiyası
tərəfindən işğalı və işğaldan sonrakı müstəmləkə əsarəti dövründə
Vətənimiz çox ciddi sosial-iqtisadi, ictimai-siyasi və b.
təbəddülatlara məruz qalmışdır. Hələ işğalın gedişində və ondan
dərhal sonra imperiyanın yeni «cızılmış» sərhədləri boyunca
cənubdakı iki müsəlman-türk səltənəti – Qacarlar və Osmanlı
səltənətləri ilə Quzey Azərbaycanın müsəlman əhalisi arasında
xristian əhalisindən «sanitar kordonu» yaratmaq, rus-Qacar və rus-
Osmanlı müharibələrinin gedişində öz satqın xislətlərinə sadiq
qalıb, əsrlər boyu yaşadıqları ölkəyə xəyanət etmiş erməniləri
Tehran və İstanbul hökumətlərinin haqlı cəzasından qurtarmaq üçün
çar Rusiyası erməniləri kütləvi şəkildə Osmanlı və Qacar
ərazisindən Şimali Azərbaycana köçürüb onları bu ölkənin aborigen
türk-müsəlman əhalisinin ən yaxşı torpaqlarında yerləşdirərək həm
də özünə sadiq xristian dayağı yaratmaq siyasətini yürütmüşdür.
Nəticədə bütövlükdə Quzey Azərbaycanın, habelə onun ayrı-ayrı
bölgələrinin, o cümlədən Zəngəzurun demoqrafik durumunda köklü
mürtəce dəyişikliklərin əsası qoyulmuşdur.
Çar işğalları ərəfəsində və onun gedişində Qarabağ xanlığının,
daha sonra isə əsasən Qarabağ əyalətinin, eləcə də Zəngəzur
bölgəsinin əhalisi haqqında XIX əsrin əvvəllərinə aid məlumatlar
son dərəcə kasaddır. Bəzi məlumatlara görə: “1805-ci ildə
Qarabağın əhalisi 10 min 100 nəfər idi, onlardan 10 mini
azərbaycanlı, cəmi 100-ü isə erməni olub” [236]. Ancaq bu rəqəmi
təsdiq edən digər etibarlı mənbə olmadığı üçün doğruluğuna hökm
vermək, fikrimizcə, yanlış olardı. Həm də Qarabağda yaşayan
xristian albanların da çoxu tədricən ya türkləşmiş, ya da
erməniləşmişdi.
«Qarabağ əyalətinin təsviri»nə görə, 1823-cü ildə Zəngəzur
bölgəsinin əsas hissəsini özündə birləşdirmiş Sisian mahalının
Dostları ilə paylaş: |