235
Azərbaycanın cənubi-şərqində, Lənkəran və Astara inzibati
bölgələrinin ərazisindədir və Talış dağlarının ərazilərini əhatə
edir.
Milli Parkın yaradılmasında əsas məqsəd həmin ərazini ən
azı olduğu kimi saxlamaq, 3-cü dövrün relikt və endemik bitki
növlərini mühafizə etmək, Respublikanın "Qırmızı Kitabı" na
düşmüş flora və fauna növlərinin qorunub saxlanılması, ətraf
mühitin monitorinqinin həyata keçirilməsi, ictimaiyyətin
məlumatlandırılması, eləcə də tədqiqatlar, turizm və istirahət
üçün şəraitin yaradılmasıdır.
Parkın ərazisinin çox hissəsini meşələr və şimali-qərbdən
cənubi-şərqə doğru uzanan sıra dağlar əhatə edir. Ərazidə
əsasən yayı quraq keçən mülayim-isti iqlim növü hakimdir.
Buranın yayı quraq, payızı rütubətli və qışı mülayimdir. Hirkan
Milli Parkının ərazisi şaquli qurşaq üzrə çox ucalmasa da (1000
m-ə qədər), şərqdən qərbə dağlara qalxdıqca meşələrin şaquli
qurşaqlar üzrə dəyişdiyini müşahidə etmək olar. Aşağı hissədə
şabalıdyarpaq palıd, dəmirağac və vələsin (ipək akasiya, Xəzər
lələyi, Hirkan ənciri, Qafqaz xurması, Azat və başqaları ilə
birlikdə) üstünlük təşkil etdiyi meşələr yayılmışdır. Hündürlüyə
qalxdıqca, əsasən dəmirağac, qismən də şabalıdyarpaq palıd
azalır, onları fısdıq meşələri əvəz edir.
Buranın meşələrində ayıdöşəyi, Hirkan bigəvəri, Hirkan
şümşadı, pırkal, müxtəlif lianlar geniş yayılmış və bitkilərin
əksəriyyətinin adı Azərbaycanın "Qırmızı Kitabı"na düşmüşdür.
Bu Parkın yerləşdiyi Lənkəran bölgəsinin subtropik
meşələrinin ən səciyyəvi xüsusiyyətlərindən biri də burada
Hirkan növlü meşələrin yaxşı saxlanılması, bir çox endemik,
nadir ağac və kol bitkilərinin geniş yayılmasıdır.
Parkın entomofaunası endem növlərlə zəngindir. Burada
"Qırmızı Kitabı" a düşmüş növlərdən Tündqırmızı Talış uzun-
bığı, Talış kökyeyəni, üçpərli Talış qaçağanı, palıd diserkası, ey-
fema, Talış brameyası, iri tənək hafı, Oxim qızılı kəpənəyi,
Aleksandra sədəflisi, Talış məxməri kəpənəyi və başqa həşərat-
236
lara rast gəlmək olar. Ərazidə suda-quruda yaşayan heyvan
növlərindən adi triton, daraqlı triton, Suriya sarımsaqiyli qur-
bağası, Qafqaz xaçlıcası, adi quru qurbağası yayılmışdır.
Milli Parkın ərazisində sürünənlərdən Aralıq dənizi
tısbağası, zolaqlı çılpaqgöz kərtənkələ, girdəbaş yovşanlıq
kərtənkələsi, xarabalıq kələzi, Eskulap ilanı və s. növlər
mövcuddur. Hirkan Milli Parkının ornitofaunasına daxil olan
qara leylək, məzar qartalı, qıvrımlələk qutan, turac, mərmər
cürə, Talış qırqovulu, Hirkan arıquşu, toğlugötürən və s. quşla-
rın adları Azərbaycanın "Qırmızı Kitabı"na daxil edilmişdir və
ərazinin bitki aləminin zənginliyi burada çoxsaylı heyvanların
yaşamasına imkan yaratmışdır. Parkın heyvanat aləmi çox
zəngindir. Burada məməlilərdən bəbir, xallı maral, vaşaq,
porsuq, qaban, cüyür, yenot və s. növlərə rast gəlmək olar. Hir-
kan Milli Parkı həmçinin öz nadir təbiət abidələri ilə də məş-
hurdur. Burada 100-dən çox təbiət və mədəniyyət abidələri var.
Ən məşhur təbii meşə abidələrindən biri Astara bölgəsinin
Züngüləş kəndi yaxınlığında yerləşir. Xəzər dənizinin yaxınlı-
ğı, təbiətin rəngarəngliyi ərazidə ekoturizmin inkişafı və ətraf
mühitin öyrənilməsi üçün əlverişli şəraitlidir.
Ağ göl Milli Parkı Azərbaycanın ən məşhur çöl-göl eko-
sistemi olub, köçəri və yerli quşların və digər heyvanların məs-
kunlaşdığı ərazilərdən biridir. Ağ gölün qorunmasının beynəl-
xalq əhəmiyyətli olub, göldə adları Beynəlxalq Təbiəti Mü-
hafizə İttifaqının "Qırmızı Siyahı"sına və Azərbaycan Respub-
likasının «Qırmızı Kitabı»na daxil edilmiş quşların məskun-
laşması ilə əlaqədardır.
Ağ göl mühüm su-bataqlıq ərazisi kimi miqrasiya edən
quş növlərinin qışlama yeri olub, 2001-ci il 25 may tarixində
"Əsasən su quşlarının yaşama yerləri kimi beynəlxalq əhəmiy-
yəti olan sulu-bataqlıq yerlər haqqında" Ramsar Konven-
siyasının «Ramsar Siyahısı»na daxil edilmişdir. Ağ göl Ağca-
bədi və Beyləqan bölgələrinin inzibati ərazisində yerləşir, onun
qorunmasında ilk addım 1964-cü ildə 9173 hektar sahədə Ağ
237
göl Dövlət Təbiət Yasaqlığı yaradılarkən atılmışdır. 1978-ci
ilin 2 mart tarixində gölün 4400 hektara bərabər olan su əra-
zisinə ciddi qorunma statusu verilmiş və Ağ göl Dövlət Təbiət
Qoruğu yaradılmışdır. 2003-cü ilin 5 iyul tarixində Respublika
Prezidentinin müvafiq Sərəncamı ilə Ağ göl Dövlət Təbiət
Qoruğunun sahəsi 17 924 hektara qədər artırılmış və ərazi Milli
Park elan edilmişdir. Parkın ərazisi ancaq bataqlıqlar deyil,
həmçinin tipik çöl və yarımsəhra landşaftlarından ibarətdir.
Ağ göl Milli Parkının yaradılmasının əsas məqsədi mü-
hüm su-bataqlıq ərazilərini, həmin əraziyə xas olan yarımsəhra
landşaftını, göldə və onun ətrafında məskunlaşmış nəsli
kəsilmək təhlükəsi altında olan fauna növlərini qorumaq, ərazi
üçün xarakterik olan bəzi fauna növlərini keçmiş ərazilərinə
reintroduksiya etmək, eləcə də ətraf mühitin monitorinqini,
əhalinin ekoloji cəhətdən maarifləndirilməsini və ekoturizmin
inkişafını təmin etməkdir. Ağ gölün dərinliyi 0.5-2.5 m ara-
sında dəyişir, əsasən qamışlıqlarla əhatə olunmuşdur, suyunun
səviyyəsi yay mövsümündə azalaraq, ən aşağı həddə çatır. Par-
kın ərazisində yayı quraq keçən yarımsəhra və quru bozqırların
mülayim-isti iqlim növü hakimdir. Belə iqlim şəraiti (gölün
suyunun bəzən qışda donması müstəsna olmaqla) burada quşlar
və məməlilərin məskunlaşması üçün əlverişli şərait yaradır. Ağ
göl üçün yarımsəhra, şorlaşmış torpaq və göl şəraitinə uyğun-
laşmış bitki örtüyü səciyyəvidir, ərazidə bitki növlərindən əsa-
sən duzlaq çoğanı, qışotu, qamış, şahsevdi, sarıbaş, qaraşoran,
yovşan, qırtıc və başqaları yayılmışdır. Burada suda-quruda ya-
şayan heyvanlardan yaşıl quru qurbağası, kiçik Asiya qurbağası
və göl qurbağasına rast gəlinir. Sürünənlərdən Aralıqdənizi tıs-
bağası, Xəzər tısbağası, koramal, zolaqlı kərtənkələ, adi suilanı,
qızıl təlxə, xaltalı eyrenis, gürzə və digər növlər yayılmışdır.
Ağ göl Milli Parkında quşlardan mərmər cürə, turac, bəz-
gək, qara leylək, böyük və kiçik qarabattaqlar, harayçı və fısıl-
dayan qu quşları, Misir vağı, çobanaldadan, böyük su fərəsi,
sultan toyuğu, ərsindimdik, qıvrımlələk qutan, ağquyruq dəniz
Dostları ilə paylaş: |