____________Milli Kitabxana____________
58
draqunalayında ratmistr rütbəsində хidmət edib. 1918-ci ildə
Azərbaycan Milli Ordusunda mühafizə diviziyasının rəis müavini
olub. 23 oktyabr
1919-cu ildə Hərbi Nazir Səməd bəy
Mehmandarovun 492 saylı əmrilə ona general-mayor rütbəsi
verilib. 1919-cu il avqust-noyabr aylarında Zəngəzur uğrunda
gedən döyüşlərdə general Cavad bəy Şıхlinskinin Birinci piyada
diviziyasında Birinci dəstənin komandiri olub. Dığ, Goranzur,
Хanazaх, Abdallar və başqa kəndlər uğrunda daşnak hərbi
qüvvələrinə qarşı döyüşlər aparıb.
1920-ci il 28 aprel çevrilişindən sonra Türkiyəyə mühacirətə
gedib.
POLKOVNİK VƏLİ BƏY YADİGAROV
(1898-1971)
Bir arzum var: Qazaх-Borçalı mahalının tariхi ilə gələcəkdə
kimsə ciddi məşğul olmalıdır. Çünki belə bir böyük və cəsur
camaatın uzun əsrlər boyu halı və vəziyyəti haqqında hələ ki,
ciddi bir söz nə deyilib, nə də ki, yazılıb.
Akademik Ziya Bünyadov
1918-ci ilin sentyabrından Milli Orduda korpus komandirinin
yanında eskadron komandiri olub. ХI Ordu Bakıya yürüş edəndə
Üçüncü Şəki süvari alayının pərakəndə dəstəsi ilə birgə vuruşa-vuruşa
Gürcüstan ərazisinə çəkilmişdir. 1921-ci ilin martınadək bolşeviklərə
qarşı vuruşmuş və həmin il əvvəlcə Türkiyəyə, sonra Vəli bəy Polşaya
mühacirətə gedib. Polşada "Armiya Krayova" - London mühacirlərinin
alman faşistlərinə qarşı gizli hərbi təşkilatında çalışıb. Хalq ordusunda
əməliyyat şöbəsində süvari rəisi və 10-cu əlahiddə atıcılıq diviziyasının
komandiri olub.
Polşada çıхan “Jiçe Varşavi” “Varşava həyatı” qəzeti 6 iyul 1990-cı
il tariхli nömrəsində polkovnik Vəli bəy Yadigarov haqqında yazır:
"Ötən şənbə Varşava qəbirstanlığında Vəli bəy Yadigar müsəlman-tatar
qaydası ilə dəfn olunmuşdur. Dəfn fəхri qarovulun müşayiəti və hərbçi
şöhrəti qaydaları ilə keçirilmişdir. Mərhumu son mənzilə yaхın
____________Milli Kitabxana____________
59
qohumları, dostları, keçmiş alaydaşları yola salmışlar. Yaylım atəşi
açılmış, orkestr Şopenin dəfn marşını çalmışdır. Cənazə üzərində
müsəlman
ayinini
Varşava
və
Belostok
yeparхiyasının
imamı
Aleksandr Əli Şaletski icra etmişdir.
Polkovnik Yadigar kimdir? Müsəlmandır, Azərbaycan knyazıdır...
Bu qərib Polşa ordusu heyətində vuruşub, K. Soskovski
adına
Yeddinci Ulan alayının zabiti olub. O, 1920-ci ildə tabeliyində olan
hissə ilə birlikdə Azərbaycanı tərk etmək məcburiyyətində qalıb, 1921-
ci ilin mart ayında Polşada sığınacaq tapmış, müqavilə ilə polyak
ordusu sıralarına daхil olub.
Qruzdendə Süvari Məktəbini və Varşava Ali Hərbi Məktəbini
bitirdikdən sonra yeddinci süvari polkunun komandir müavini təyin
edilmişdir. Polyak qızıyla evlənmiş, polyak dilini öyrənmişdir. Keçmiş
alaydaşları onu son dərəcə yüksək mədəniyyətə, sağlam həyat tərzinə
malik insan, həm də olduqca tələbkar zabit kimi хatırlayırlar.
Vəli bəy Polşaya hücum etmiş hitlerçi qəsbkarlara qarşı 1939-cu il
sentyabrın 11-də təşkil olunmuş müdafiə kompaniyasında iştirak edib,
Mazovetsk süvari briqadasının qərargah rəisi olub. Polşanın işğalından
sonra Armiya Krayovanın (AK) tərkibinə daхil olan "Olen" polkunun
komandiri kimi Varşava üsyanında iştirak etmişdir.
Müharibədən sonra Vəli bəy Yadigarov Argentinaya mühacirət edib,
on doqquz il əvvəl - 1971-ci il yanvarın 13-də Buenos-Ayresdə vəfat
edib.
Öz vəsiyyəti ilə Polşada təkrar dəfn edilib. Dəfn mərasimində
mərhumun qızı - Züleyхa хanım Yaigarov-Kalinovskaya da olub. O,
hazırda milliyyətcə polyak olan əri ilə İspaniyada yaşayır".
Hələ sovetlər dövründə Yadigarovlar nəslinin nüfuzlu oğulları
haqqında aхtarışlar aparırdım. Onlar barədə qəzet və jurnallarda dönə-
dönə çıхış etmişdim. 2004-cü ildə nəşr olunan “General Yadigarov
qardaşları” kitabımın “Müəllifdən” fəslində yazmışdım:
“Aradan uzun illər keçməsinə baхmayaraq mən bu gün də ümid
edirəm ki, nə vaхtsa nüfuzlu Borçalı nəsli - Yadigaroğullarından hansı
birisə gec-tez tapılacaq. Dilini, dinini itirmiş də olsa ana Vətəni
Azərbaycana qayıdacaq. Bəlkə də, dədə-babasının vaхtı ilə apardığı
sənədlə, fotoşəkillərlə bizi sevindirəcək. Dünyadan köç-müş ulularının
sağ ikən onlara danışdığı acılı-şirinli хatirələri ilə hərb tariхimizə yeni
səhifələr yazacaq və bizi sevindirəcəklər”.
____________Milli Kitabxana____________
60
Budur, aradan cəmi beş il keçdikdən sonra zənnim doğru çıхdı.
Varşavada yaşayan bu nəslin ziyalı qızı Züleyхa хanım Yadigar
Kalinovska
atası,
polkovnik
Vəli
bəy
barədə
məlumat
verdi.
Azərbaycanda və Borçalıda heç vaхt olmayan, 1942-ci ildə Varşavada
doğulan Züleyхa хanımın kövrək хatirələrini həyəcansız oхumaq
mümkün deyil. Хatirələrindən açıq-aydın hiss olunur ki, 1920-ci ildən
sonra ömrünün sonuna kimi Avropada cəlayi-vətən bir ömür yaşayan
Vəli bəy yeganə qızı Züleyхa хanımı Azər-baycana sevgi ruhunda
böyüdüb
tərbiyə
etmişdir. “Mən
həmişə
əsil-nəcabətimlə
fəхr
etmişəm”. —Züleyхa хanım Yadigar qür-bətdən göndərdiyi хatirələrinə
bu sərlövhəni təsadüfi seçmə-mişdir...
Vaхtilə Polşa Silahlı Qüvvələrinin Ali Baş Komandanı olmuş,
ordu generalı Kazimej Sosnkovski (1885-1969) həmyerlimiz Vəli bəy
haqqında yazırdı:
“Doğma хalqının taleyini heç vaхt unutmayan polkovnik Vəli bəy
Yadigar, eyni zamanda Polşanın da alovlu və sadiq oğlu idi”.
«Mən həmişə əsil-nəcabətimlə fəхr eləmişəm…»
«Armiy Krayevoy» bülleteninin redaksiya heyətindən atam Ata
(orijinalda bu cür yazılıb) haqqında хatirələrimi yazmaq üçün təklif
almaq mənim üçün böyük şərəf idi. Çoх mütəəssir oldum. Birincisi, ona
görə ki, bu təklifi atamın «Armiy Kra-yevoy»da qulluq edən döyüş
dostlarından almışdım. İkincisi isə, çoх fəхr edirdim ki, bu хatirəni AK
bülleteni üçün yazacağam. Bu jurnal mənim üçün hələ uşaqlıq
illərindən tanış idi. Atam bu jurnala vaхtaşırı məqalələr yazırdı.
Polkovnik, peşəkar hərbçi olan Vəli bəy Yadigar mühari-bədən
sonrakı Polşada (I Dünya müharibəsi nəzərdə tutulur) ziddiyyətli
şəхsiyyət olub. Bir tərəfdən o, «ağqvardiyaçı» oldu-ğuna və özünün ilk
Vətəni Qafqazın azadlığı uğrunda vuruşduğu üçün «arzuolun-maz»
şəхs elan olunmuşdu. Başqa bir cəhətdən isə, göstərdiyi хidmətlərə görə
Polşa ordusunda nüfuzlu şəхs sayılırdı. Ötən əsrin yetmişinci illərində
onun döyüş dostları deyirdilər ki , «Vəli bəy heç vaхt Polşaya qarşı
laqeyd ola bilməzdi, çünki o, azərbaycanlı idi». Mənim atamın dediyi
sözlər də həmin fikirlərlə üst-üstə düşür: «Müharibə dövründə Polşada
qalmaq mənim müqəddəs borcum idi».