238
düzəldib bir daha sinyoraya tənzim edərək özünə xas olan
bir mədəniyyətlə dedi:
- Sinyor Karlos ilə işim olduğu üçün bura gətmişəm.
- A-a, mən elə bildim ki, siz başqa şeyə görə bura
gəlmisiniz. - deyə Santana böyük bir hiyləgərliklə bu
kəlməni işlətdi və üzünü Karlosa tutub müammalı tərzdə
sözünə davam etdi. - Sinyor, sizə nə olub, üzünüzü dəsmal-
la tutmusunuz? Bəlkə bir şey olub?
- Xeyr, heç bir şey olmayıb, - deyə Karlos birtəhər
hirsini boğaraq qətiyyətlə dilləndi. - sadəcə olaraq, dişim
ağrımağa başladı.
- Diş ağrısına dözmək heç də asan deyil. - deyə İlona
qeyri-müəyyən tərzdə başını yırğalayaraq məyus halda
başını tərpətdi.
Kapitan Markosun həyat yoldaşı Santana Truxilyo de
Sanços Seviliyada, o qədər də varlı olmayan bir ailədə
anadan olmuşdur. O, şəhərlidən çox kəndli zadəganının
arvadına oxşayırdı. Santana balacaboy, dolubədənli, geniş
sinəli, yumrusifət, enlialınlı, uzun qəhvəyi rəngli qalın saçı
olan, qırx iki yaşında gülərüz bir qadın idi. Qalın qaşları,
qalın dodaqları, xoş sifəti ona xüsusi cazibədarlıq verirdi.
O, hər bir qonaqla mülayim rəftar edir, həmişə də öz
mənfəəti üçün çalışırdı. Santana Migeli ailələrinin köhnə
tanışı kimi tanıyır və həmişə də ona xüsusi qayğı göstərirdi.
239
Karlosu isə təxminən altı aydan çoxdur ki, tanıyır və
adlısanlı, dövlətli bir ailədən olduquna görə Santana ona
eyni hörmət edir və qızları ilə görüşməyinə narazılıq
etmirdi. Halbuki Karlosun nəyə qadir olduğunu o, çox
yaxşı bilirdi. O, isə bütün bunlardan istifadə edib bu ailə
üzərində həyasızlıqlar edirdi. İş o yerə gəlib çatmışdı ki, o,
bağda Floridanı zorlamaq istəmişdi. Bu hadisədən İlonanın
xəbəri vardı və o, bu barədə anasına xəbər verməmiş
olmazdı. Lakin Santana yenə də əmin idi ki, onun iki
qızından biri polkovnik Alonsonun gəlini ola bilər.
Santana özünü avam kimi aparsa da, lakin artıq bilirdi
ki, Karlos ilə Migel arasında münaqişə baş verib. Səbəbi isə
Floridadır. Bu haqda İlona mütəmadi olaraq anasına xəbər
çatdırdı. Ancaq Migel elə bilirdi ki, onunla Florida arasında
olan əlaqədən nə kapitan Markosun, nə də ki, Santananın
xəbəri var. Ona görə də o, bir balaca özünü burada gümrah
aparırdı. Əgər, o, bilsəydi ki, bu xəbərdən Floridanın
anasının xəbəri var, onda Migel utandığından onun
qarqaısında başıaşağı dayanar və buranı təcili tərk etmək
üçün min-bir bəhanə axtarıb tapardı.
Migel ilə Karlosun arasındakı münaqişədən Santananın
xəbəri olduğundan o, onların arasındakı düşmənçilik
baxışları və fikirlərini müvəqqəti uzaqlaşdırmaq üçün
müəyyən tədbirlərə əl atmalı idi. Bu sahədə onun təcrübəsi
240
çox idi və əlbəttə ki, öz bacarığından istifadə edəcəkdi. İlk
növbədə Santana qızının müşayiəti ilə zalın ortasında
qoyulmuş dairəvi masanın arxasında əyləşdi və zalda
olanların hamısını masaya dəvət etdi. Hamı bu dəvəti istər-
istəməz qəbul etdi. Karlos dəsmalı ağzından çəkməyərək
hirslə dedi:
- Sinyora, icazənizlə mən on dəqiqəliyə həyətə çıxar-
dım. Dişlərim yaman sızıldayır.
- Gedin, amma tez qayıdın ha. - deyə Santana giley-
güzarla dilləndi.
Karlos ağzı qanlı-qanlı onlarla masa arxasında, xüsusən
də Migel ilə birlikdə bir masa arxasında əyləşmək istəmirdi.
Ancaq o, gedib ağzının qanını yuyub bura qayıtmalı idi.
Sırtıq zadəgan Santananın arxasına keçəndən sonra Migelə
başı ilə işarə etdi ki, o, da durub bayıra çıxsın. Karlos öz
qisasını ondan almaq istəyirdi.
- Sinyora Santana, sizin icazənizlə vacib iş olduğuna
görə mən də həyətə çıxardım. - deyə Osvaldo dostunu
qabaqlayaraq əli ilə onun çiyninə vurub Migelin burada
qalmağını məsləhət bildi.
Bu münaqişəni aradan qaldırıb, qarşı duran tərəfləri
müvəqqəti olaraq barışdırmaq lazım idi. Bunun üçün
kənarda olan adamlar böyük səy göstərməli idilər. Migel
kompromissə gedə bilərdi, onun rəqibi isə yox. Karlos çox
241
təhlükəli bir adam idi və ona pislik edən adamı heç vaxt
bağışlamazdı.
Qisasını almaq üçün o, hətta rəqibinin üstünə arxadan
hücum edib onu məhv edərdi. Lakin belə hallarda da o,
sakit dayanmaz və adam qarşısında da cavab verə bilərdi.
İndi isə Santananın içəri girməsi ilə gözlənilmədən
Karlosun hirsi birdən-birə soyudu. Bunu onu sübut edirdi
ki, bu münaqişədə yalnız o, günahkardır və bu işdə o, heç
cürə özünə bəraət qazandıra bilməzdi.
Beləliklə, Osvaldo zərər çəkmiş Karlosun ardınca zalı
tərk etdi.
Evin sağ kənarında aqaçları sulamaq üçün içərisində su
olan çəllək vardı. Karlos elə oradaca yuyunmağa başladı.
Hava isti olduğundan o, başını birbaşa çəlləyin içinə saldı,
Osvaldonun ondan zəhləsi gedirdi, lakin ümumi işin xətrinə
o, bu münaqişəni aradan qaldırmalı idi. Karlos yuyunan
kimi cəngavər arxadan ona yaxınlaşıb ehtiramla dedi:
- Mənə elə gəlir, zədə möhkəm deyil. Sinyor, bu hadisə
birdən-birə baş verdi. Heç başa düşmürəm, necə oldu ki,
Migel sizi vurdu. Bu gözlənilməz oldu.
- Bu hərəkətinə görə o, qanı ilə cavab verəcək. - deyə
Karlos hiddətlə dillənərək Osvaldoya nəzər salmadan başını
və üz-gözünü dəsmal ilə qurulaya-qurulaya həmin tərzdə
sözünə davam etdi. - Gör, dünyanın harasıdır ki, dünənə
Dostları ilə paylaş: |