1 Ramiz Də
Yüklə 2,51 Mb. Pdf görüntüsü
|
226 Nəhayət, onlar gəlib leytenant Ramiresin evinə çatdılar. Qabağına qulluqçu çıxıb cavan zadəganların gəlişinin səbəbini öyrəndi. Migel bildirdi ki, kapitan Markosu görmək üçün bura gəlib. Xəbər verildi ki, kapitan limana gedib. Sonra leytenant Ramiresi xəbər aldı. O, da polkovnik Alonsogilə getmişdi. - Onda mən kapitan Markosu burada gözləyəcəm. - deyə Migel içəri girmək üçün bir bəhanə axtarır və qulluq- çunu gözləmədən atın yüyənini ona verib həyətə daxil oldu. Qulluqçu Migeli çox yaxşı tanıdığından onun içəri girməsinə heç bir etiraz etmədi. Halbuki vitse-kapitanın içəri girməyə ixtiyarı yox idi. Qulluqçu qapını açıb atları içəri saldı. Migel içəri girəndə qapının ağzında bir atın bağlan- dığını görüb üzünü qulluqçuya tutaraq müəmmalı tərzdə soruşdu: - Bəs, bu at kimindir? - Bu at leytenant Karlos Odovaldonundur. - O, başını dik tutaraq tərəddüd etmədən cavab verdi. Migel bu adı eşidən kimi hirsindən dişlərini bir-birinə sıxdı. O, özünün bu qəribə hərəkətini büruzə verməmək üçün üzünü evə tərəf çevirdi və bir az dayanandan sonra təmkinlə soruşdu:
227 - Əgər, leytenant Ramires ilə kapitan Markos evdə yoxdursa, bəs leytenant Karlos kimin yanındadır? - Leytenant Karlos sinyora Florida ilə qonaq zalında söhbət edir, - deyə məcburiyyət qarşısında qalan qulluqçu laqeydliklə dilləndi. - səhv etmirəmsə, sinyora İlona da onların yanındadır. Qulluqçu çox yaxşı bilirdi ki, Migel Floridanı ürəkdən sevir. Hər gecə sevgilisi ilə bu evdə görüşdüyündən də xəbəri vardı. Məhz buna görə də o, bu axrıncı düzəlişi gözdən pərdə asmaq üçün dedi. Halbuki o, öz gözü ilə görmüşdü ki, Karlos ilə Florida qonaq zalında təklikdə söhbət edirlər. Qəzəbini gizlədə bilməyən Migel coşaraq sürətli addımlarla evə tərəf yollandı. Sözsüz ki, burada münaqişə baş verməli idi. Məhz buna görə də Osvaldo irəli keçib dostunun qabağını kəsdi: - Migel, özünü ələ al. Öz qəzəbinlə bu evdə dava sala bilərsən. - Qabağımdan keç. - Migel gözlərini bərəldərək dostu- nun üstünə qışqırdı. - Migel, heç olmasa başa düş nə etmək istəyirsən? - deyə Osvaldo narahat halda dillənərək əlləri ilə dostunun çiyinlərindən tutdu. - Migel, özünü ələ almasan səni içəri buraxan deyiləm. Karlos bilə-bilə səni hirsləndirir ki,
228 aranızda silahlı münaqişə baş versin. Sonra isə hər şeydə səni günahlandırıb ekspedisiyadan kənarlaşdırmağa başlayacaq. Özün bilirsən ki, o, şər adamdır. Ən əsası da odur ki, sən həm Floridanı, həm də İlonanı burada biabır etmiş olursan. Karlos çalışır ki, bütün ətrafdakılara pislik etsin. Migel, səni xəbərdar edirəm, əgər, sən belə bir vəziyyətdə içəri girsən, onda hamı bu münaqişədə səni günahlandıracaqlar. Unutma ki, leytenant Ramiresin və kapitan Markosun həyat yoldaşları buradadırlar. Bəlkə də onlar kənarda dayanıb sənin bu hərəkətlərinə tamaşa edirlər. Sən nə etdiyini bilmirsən. Heç olmasa onlara görə özünü ələ al. Bu sözlər o qədər də sərt söylənilməsə də Migelə müəyyən mənada təsir etdi. Bundan sonra o, yavaş-yavaş sakitləşməyə başladı. Migel yavaş-yavaş əsəblərini çilovlayıb evə daxil oldu və birbaşa qonaq zalına yollandı. Vitse-kapitanın sakitləşməsinə baxmayaraq dostu onun ardınca yollandı. Karlos ilə görüşdə hər şey baş verə bilərdi. Həm də Osvaldo yaxşı başa düşürdü ki, Karlos çox həyasız və üzlü adamdır, atmaca sözləri ilə hər bir adamı özündən çıxara bilərdi. Təklikdə onların arasında belə bir ciddi olmayan söhbət olsa, münaqişə yaratmamaq üçün Migel hər şeyə birtəhər göz yuma bilər. Ancaq onların yanında Florida olacaq. Belə olan halda isə Migel sözsüz
229 ki, rəqibinin təhqirlərinə dözə bilməyəcək və Karlosu susdurmaq üçün fiziki qüvvəsindən istifadə edəcək. Vitse- kapitan qonaq zalına çatanda Floridanı kresloda əyləşmiş, Karlosu isə onun başı üzərində durub nəsə danışdığını gördü. Qız sevgilisini görən kimi diksindi və Migelin gəlişinə mat-məəttəl qaldı. O, bir az Migelə nəzər salandan sonra xəcalətdən başını aşağı saldı və başının qara seyrək tükləri gözlərinin üstünə töküldü. Karlos isə Migeli görəndə qızdan belə ayrılmadan, əksinə, kreslonun arxasından yapışaraq, narazı halda ona nəzər saldı. O, həqiqətən də həyasız və üzlü bir adam idi. Etdiyi hərəkətə görə bir balaca da olsun məsuliyyət hiss etmirdi. Hətta bu hərəkəti ilə Migeli qıcıqlandırmağa başladı. Hirsini içərisində boğan vitse-kapitan deməyə hələlik söz tapmadı, sadəcə olaraq kinli baxışlarını Karlosun üzərinə yönəltməklə kifayətləndi. Sanki onun gözünü tor örtmüşdü. - Mədəniyyəti olan hər bir zadəgan başqa otağa girəndə mütləq qapını döyməlidir. - deyə Karlos başını dik tutaraq ikrah hissi ilə dilləndi. Bu Migelə atılmış birinci təhqir idi. Əlbəttə, o, belə bir vəziyyətdə bu sözün qabağında söz tapa bilməzdi. Çünki Karlosun bu iradı haqq idi, çünki o, içəri girməmişdən əvvəl həqiqətən də qapını döyməli idi. Bütün bunlara Yüklə 2,51 Mb. Dostları ilə paylaş:
|