242
kimi quzu kimi gəzən bir adam namərdcəsinə mənə yumruq
zərbəsi endirsin. Əluzunluq etməyi mən ona göstərəcəm.
Qurban olsun Floridanın anasına, yoxsa elə zaldaca mən
onu cəhənnəmə vasil edərdim.
- Sinyor Karlos, bəlkə bu fikirdən əl çəkəsiniz, - deyə
Osvaldo xahişə əl atmağa məcbur oldu. - Migel, özündən
asılı olmayaraq bu hərəkətə əl atmışdı. O, heç də sizinlə
ədavətə girmək istəmirdi.
- Buna baxmayaraq mən onu cəzalandırmalıyam. - deyə
Karlos lovğa-lovğa dilləndi və özündən tam razı olaraq
ikrah hissi ilə sözünə davam etdi. - Sinyor, nə deyirsiniz-
deyin, ancaq mən onu al qanına qəltan edəcəm. Onun kimi
adamlar bizim əhatəmizdən uzaq olmalıdır.
- Mən sizin yerinizə olsaydım, onun babasına görə bu
ədavətə müvəqqəti son qoyardım, - deyə Osvaldo ona
səmərəli təklif verdi. - necə olsa da, sinyor Rodriges Karta-
hena bütün Kataloniyada hörmətli bir adamdır. Sizin atanız
da ona hüsn-rəğbət bəsləyir.
- Atamın yeri başqa, mənim yerim başqa. - deyə Karlos
üzünü turşudaraq narazı halda həmsöhbətinin sözünə
düzəliş verdi. - Şəxsən mən sinyor Kartahena barədə o
fikirdə deyiləm. Lakin buna baxmayaraq Migel heç olmasa,
babasına oxşamalı idi.
243
Onun bu nankorcasına dediyi sözlər Osvaldoya təsir
etsə də, o, işinin xatirinə təkzib verməyi lazım bilmədi. İndi
onun əsas vəzifəsi münaqişə edənlərin arasındakı ədavəti
aradan götürmək idi. Osvaldo nə qədər israr etsə də Karlos
özünü o yerə qoymayıb dediyinin üstündə dururdu. Guya
ki, Migeli duelə dəvət etsə, rəqibini döyüşdə məğlub
edəcək. Halbuki vitse-kapitanı dueldə məğlub etmək asan iş
deyildi. Əgər, onların arasında duel baş versə, sözsüz ki,
Migel həmin döyüşdən qalibiyyətlə çıxacaqdı.
- Sizdən artıq dərəcədə xahiş edirəm, öz fikirinizdən
dönəsiniz, - deyə Osvaldo yenə də israr etdi. - aranızdakı bu
ədavət heç kimə xeyir gətirməyəcək. Bədbəxtçilik baş verə
bilər.
- Sözsüz ki, bu ədavət Migelə xeyir gətirməyəcək. -
deyə Karlos müştəbeh halda başını tərpədərək giley-güzarla
dilləndi, sonra birdən üzünü həmsöhbətinə tərəf tutub
müəmmalı tərzdə sözünə davam etdi. - Açığını deyin, siz
bir dost kimi onun tərəfini saxlayırsınız, yoxsa burada
başqa bir məqsəd var? Bildiyimə görə siz cəngavərsiniz.
Cəngavərlər isə belə hadisələrdə sülh axtarmır, yalnız
döyüşün baş verməsində maraqlı olurlar.
- Sizə necə deyim, - deyə Osvaldo qaşlarını düyünləyib
qeyri-müəyyən tərzdə dilləndi, sonra xeyli tərəddüd edib
244
ehtiramla sözünə davam etdi. - əsasən mən bu xahişimi,
gələcəkdə görüləcək ümumi işimizin xatirinə, edirəm.
- Mən nədənsə, sizi düzgün başa düşmədim? - Karlos
çiyinlərini çəkərək müəmmalı tərzdə soruşdu.
- Demək istəyirəm ki, biz sabah sizin əminiz, hörmətli
Xuan Odovaldonun başıçılığı altında Mərkəzi Çili
sahillərinə ekspedisiyaya yola düşəcəyik. Artıq hamımızın
həmin ekspedisiyada hansı işlə məşğul olacağı əvvəlcədən
təyin edilib. Siz idarə heyətinin üzvüsünüz, Migel isə
“Destino” gəmisinin vitse-kapitanı.
- Bunun mətləbə nə dəxli var? - deyə təəccüb içində
olan Karlos yenə də müəmmalı tərzdə soruşdu.
- Mən onu demək istəyirəm ki, sizin aranızda duel baş
versə, onda bizim ümdə işimizə böyük xələl gətiriləcək. İlk
növbədə zərbə kapitan Xuana dəyəcək. Əgər, Migel dueldə
xəsarət alsa, onda “Destino” vitse-kapitansız qalacaq. Belə
olan halda kapitan Xuan ekspedisiyanın yola düşmə gününü
təxirə salacaq. Sonrası isə özünüz təsəvvür edin nə ola
bilər? Nə atanız, nə də ki, əminiz bu işə görə sizin başınızı
sığallamayacaq. Deyək ki, Migel sizin qarşınızda günahkar-
dır, amma bütün bu işdə hamı, yalnız sizi günahlandıra-
caqlar. Sizin ucbatınızdan ekspedisiya təxirə salına bilər.
Ona görə də siz məcburiyyət qarşısında qalıb bu dueldən
imtina etməlisiniz.
245
Osvaldo ona həqiqətən də lazımlı məsləhət verirdi.
Karlosa görə ekspedisiya təxirə salına bilərdi. O, bir anlığa
fikrə getdi. Bu hərəkətinə görə nə atası, nə də əmisi başını
sığallamayacaqdı, əksinə onu kəskin surətdə cəzalandıra
bilərdilər. Karlos ilk növbədə Migeli rahat buraxıb qisasdan
əl çəkməli idi. O, qisasını sonra da ala bilərdi.
Bəs, Karlos bu biabırçılıqdan necə yaxa qurtaracaqdı?
Necə olsa da, Migel onu Floridanın yanında vurmuşdu. O,
Migeldən qisasını almasa, onda Floridanın yanında biabır
olaçaq. Belə olan halda Karlos birdəfəlik qızın gözündən
yox olmalı idi. Beləliklə o, çıxılmaz vəziyyətə düşmüdü.
İstər-istəməz o, rəqibinin yanında məğlub sayılırdı. Ümumi
işin xatirinə Karlos bunu etməli və bu haqda qərar çıxarmaq
onun kimi bir adam üçün çətin idi.
- Belə çıxır ki, Migelin bəxti gətirdi. - deyə Karlos
utandığından Osvaldonun üzünə nəzər salmadan dilləndi. -
Müəyyən vaxta kimi qoy o, yaşasın. İşdir, biz Mərkəzi Çili
sahillərinə gedəndə aborigenlər onu öldürməsələr, onda
mən özüm onun həyatına son qoyacam.
- Sinyor Karlos, bu haqda mən sizə heç bir söz deyə
bilmərəm. - deyə Osvaldo qeyri-müəyyən tərzdə dilləndi və
bir balaca tərəddüd edəndən sonra o, bənizinə daha da ciddi
ifadə verərək ehtiramla sözünə davam etdi. - Bütün bunlara
Dostları ilə paylaş: |