1 Ramiz Dəniz
Yüklə 2,72 Mb. Pdf görüntüsü
|
203 yaşamış ermənilərdə böyük fərq var. Onlar bir-birilərilə heç də yaxşı davranmırlar. Bundan əlavə Qarabağ quldur klanı hakimiyyətdə olduğu üçün Ermənistan erməniləri Qarabağ ermənilərinə düşmən münasibəti bəsləyirlər. - O ki qaldı Bakıda 32 min erməninin yaşamasına bu nəsə inandırıcı görünmür. – deyə Sergey həmsöhbətinə şüb- hə dolu nəzər saldı. - Bunu təkcə mən yox, hətta Bakıdan çıxıb gəlmiş ermənilər də təsdiqləyə bilər. İstəsən, mən onlardan biri ilə səni tanış edərəm. Səndən qabaq mən onunla burada görüşmüşəm. Elmlər namizədi heç bir cavab verməsə də, lakin baxışları onun bu məsələyə maraqlı olmasından xəbər verirdi və Abram o dəqiqə anladı ki, rus pedaqoqu o cür adamlarla söhbət etmək arzusundadır. Yəhudi biznesmen ondan icazə alıb Jannaya zəng etdi ki, geri qayıdanda Arturu da içəri dəvət etsin. Hal-hazırda həmin erməni dost-tanışları ilə zalda oturub, pivə içirdi.
204 XIX fəsil. Səmimi söhbətdən sonra tarixçi alimin ermənilərə olan münasibəti yavaş-yavaş dəyişir Heç beş dəqiqə keçməmiş Janna həmin adamla içəri daxil oldu və həmin an onu ziyalıya təqdim etdi. Artur boyda yəhudi biznesmenindən bir qədər alçaq, möhkəm bədənli, oynaq hərəkətli, yaraşıqlı bənizli, 48 yaşında çox danışmağı xoşlamayan bir adam idi. O, da Abram kimi yerli bazarda iki böyük topdan satış, lakin yəhudi biznesmenindən fərqli olaraq, meyvə-tərəvəz konteynerləri işlədirdi. Artur gördü ki, masa arxasında olanlar bir qədər içkilidirlər, odur ki, o, tərəddüd etmədən özünə bir badə araq süzüb tanışlığa görə sağlıq dedi. Sergey daddığı təamlardan, eşitdiyi musiqidən ovqatı xoş olmaqdansa o, uzun müddət hiyləgər adamın alətinə çevrildiyi üçün, hələ də özünə gəlməmişdi. Lakin buna baxmayaraq masa arxasında olanlar onun könlünü almaq üçün şərəfinə badə qaldırırdılar. Erməni biznesmenin rus ziyalısının hansı sahədə çalışdığını bilən kimi öz xislətinə uyğun olaraq yaltaqcasına dedi: - Əziz qonaq, Qafqazda gəzməli yerlər həddindən artıq çoxdur, amma istirahət etmək üçün lazımi servis
205 yaradılmayıbdır. Sizin yerinizə olsam, imkanlı dostları bura cəlb edib buralarda istirahət mərkəzləri tikdirərəm. Ruslar öz zövqlərinə uyğun kurort mərkəzlərində komfort yarada bilərlər. Ali təhsil ocaqlarında tədris keçən tələbələr isə buradakı şəraiti görəndən sonra, başqa yerlərə getməkdən imtina edərlər. - İltifatınıza görə sizə öz minnətdarlığımı bildirirəm. Hal-hazırda turizm sahəsində gedən rəqabəti nəzərə alsaq, imkanlı, xüsusən də əcnəbi turistləri bura cəlb etmək, bir qədər çətin prosesdir. Stavropol diyarında fəaliyyət göstərən müvafiq strukturlar turizm kompaniyalarına dəstək verməlidir. Elə bu vaxt arxadan Artura mobil telefonu zəng çaldı və o, zəngə cavab verəndə məlum oldu ki, əlaqə yaradan Nazimdir. Çünki o, həmin adama “Norik” deyə müraciət edirdi. O, bir qədər danışandan sonra söhbətini yekunlaşdır- maq üçün bu ifadələri söylədi: “Burada nə baş verdiyini Janna mənə danışdı. Heç qoyaram ki, kimsə sənin xətrinə dəysin? Qardaş, qəti narahat olma, uzağı bir saata sənin yanında olacam”. Onların arasında olan mehribançılığı görən Sergey təəccübdən yerindəcə donub qaldı. Bu nədir, ilğımdır, yoxsa yuxu? – deyə rus ziyalısı öz- özünə düşündü. - Bir-birilərinə qənim kəsilən iki millətin
206 nümayəndələri elə münasibətdədirlər ki, hətta qardaşlar onların arasında olan mehribançılığa həsəd apara bilər. Bəlkə, telefonda danışan Nazim yox, başqa millətin nümayəndəsidir? İndiki zamanda hər deyilənə inanmaq olmaz, lakin bütün bu qəribəliklər mənim gözümün qarşı- sında baş verir. Belə çıxır ki, Eduardın və onun ailəsinin dediyi kimi, heç də ermənilərin hamısı azərbaycanlılara qarşı ifrat düşmənçilik münasibəti bəsləmir. Fürsətdən istifadə edən Abram izah etdi ki, Nazimlə Artur təxminən 35 il əvvəl Bakıda bir məhəllədə yaşayıblar və onlar indiyənə kimi bir-birilərilə əlaqə saxlayırlar. Bir neçə gün qəmgin görünən elmlər namizədinin rəngi-rufu açıldı və o, xoş əhval-ruhiyyə ilə ətrafındakı adamlarla diskussiya aparmağa başladı. Sergey birinci olaraq Artura intriqalı sual verdi: - Artur, Abram deyir ki, sən Bakıda doğulmusan. Bu həqiqidir? - Əlbəttə! Buna şübhə etməyə bilərsiniz. - Uzun müddət ayrılıqdan sonra vətən üçün darıxmırsan ki? Artur ətrafına, xüsusən də pəncərədən o tərəfə, zal istiqamətinə diqqətlə nəzər salıb, sifətini qabağa verib asta səslə dedi: Yüklə 2,72 Mb. Dostları ilə paylaş:
|