130
Yaşadıqları təbii şərait xalqların həyat tərzinə güclü təsir edir. Məsələn, ərəblərin
geyim, qida, yaşayış şəraiti, adət-ənənələri səhra landşaftına uyğunlaşmışdır. Səh-
radan kənarda yaşayan ərəblər də yerli xalqlara uyğunlaşaraq onlar arasında “ərimiş”
– yəni
assimilyasiyaya məruz qalmışlar.
Sivilizasiyalar tarixboyu bir-birini dəyişdirmiş və yeniləşdirmişdir. Onların bir-
birinə təsiri müxtəlifdir. Əgər Böyük Coğrafi kəşflərdən sonra avropalılar “Yeni
dünya”ya səpələnərək Qərb mədəniyyətini yayırdılarsa, hazırda bunun əksi baş verir.
Müxtəlif sivilizasiya areallarından – Çin, Koreya, Vyetnam, Afrika, Latın
Amerika-
sı, Yaxın Şərq və digər ölkələrdən Avropaya gələn miqrantlar öz milli mədəniy-
yətlərini qorumaqla yanaşı, Qərb ənənələrini qəbul edirlər.
• Slavyan-pravoslav sivilizasiyası meşə
landşaftı daxilində formalaşmışdır.
Slavyan evi, məişət əşyaları, şifahi xalq
ədəbiyyatı, əsasən, meşə ilə bağlı olur.
• Qərb sivilizasiyasının formalaşmasında
dənizlər mühüm rol oynamışdır. Məhz buna
görə də bu sivilizasiyanın müasir sərhədləri Av-
ropadan xeyli uzaqda yerləşən Şimali Amerika,
Avstraliya, Yeni Zelandiyanı əhatə edir.
• 38 metr hündürlüyü, 1145 ton çəkisi olan
İsa peyğəmbərin abidəsi
Rio-de-Janeyro-
dakı dağın zirvəsindədir. Abidə Braziliya
və Rio-de-Janeyronun simvolu hesab edi-
lir. Avropalılar Cənubi Amerikanı kəşf
edənə qədər orada yaşayanlar yerli dinlərə
inanırdılar. İndi
isə əhalinin böyük hissəsi
xristian katoliklərdir
.
• Londondakı “Çin şəhəri”nə (China Town)
dünyanın böyük şəhərlərinin əksəriyyətin-
də də rast gəlmək olar. Bu “şəhər”-məhəl-
lələrdə çinli mühacirlər yaşayır, küçələrdə
Çin musiqisi eşidilir, insanlar Çin dilində
danışır, reklamlar heroqliflərlə yazılır, piş-
taxtalarda isə Çin malları satılır.
Müzakirə edin:
– Şəkillərdə hansı sivilizasiyaların bir-birinə təsiri əks olunmuşdur?
Mətn və şəkil üzrə iş
132
T
ÜRK DÜNYASININ SİVİLİZASİYALARARASI ƏLAQƏLƏRDƏ
ROLU
Türk sivilizasiyası – Avrasiyada yaranan ən qədim sivilizasiyalardan biri olub,
eramızdan əvvəl Avrasiyanın geniş çöllərində formalaşmışdır. Hazırda türk xalqları
əlverişli-coğrafi mövqeyə malik olan Ön Asiya, Mərkəzi Asiya, Qafqaz regionları,
Kiçik Asiya yarımadası, Sayan-Altay dağlarının şimal-qərb bölgəsi, Talas vadisi,
Ordos vilayəti, Orxon-Yeniseyətrafı ərazilər, Urmiya gölü hövzəsi, Qara dəniz sahili
ərazilərində məskunlaşmışlar. Türklərin “Böyük çöl”də məskunlaşması onların hə-
yat tərzinə güclü təsir etmişdir. Müvəqqəti köçlər zamanı onlar rahat açılıb-yığılan
alaçıq
və yurtalardan istifadə etmiş, əsasən, heyvandarlıqla məşğul olmuşlar.
Türklərin yerdəyişməsi tarixi mənbələrdə
“Xalqların böyük köçü” adlanır. Bu
nəhəng miqrasiya eramızın II əsrindən başlayaraq 300 ildən çox davam etmişdir.
37
Türk xalqlarının yayıldığı ərazilər
Müzakirə edin:
1. Türk xalqlarının yaşadıqları ərazilərin Avrasiyadakı mövqeyini təhlil edin. Onların hansı
ölkələrdə olduğunu siyasi xəritəyə əsasən tapıb yazın.
2. Hansı qonşu sivilizasiyalar türk xalqlarının inkişafına daha çox təsir göstərə bilər? Bu təsir
özünü necə büruzə verir?
ÇİN
RUSİYA
AVROPA
HİNDİSTAN
İRAN
ƏRƏBİSTAN
ANADOLU
İlk türk
məskənləri
Qədim yayılma
arealları
Köçlərin
istiqaməti
Xəritə üzrə iş
133
• V fəsil •
Qədim və müasir sivilizasiyalar
•
5
V–VI əsrlərdə türklər Altay dağlarından Avropaya qədər yayılaraq Şərq, Qərb,
Slavyan-pravoslav sivilizasiyalarının qovuşduğu ərazilərdə məskunlaşmışlar. Türk-
lər məskunlaşdıqları ərazilərə əvvəlki yurdlarının izlərini aparmışlar. Rusiyada və
Mərkəzi Asiyada təkrarlanan coğrafi adlar bunu sübut edir.
Rus dilindəki coğrafi adları dəftərinizə yazın və türk mənşəli adlara uyğunluğunu müəyyən edin.
Onları xəritədə göstərin.
Türk sivilizasiyası Avropa və Asiya xalqlarına yaxınlaşmış, özündə onların bəzi
xüsusiyyətlərini birləşdirmişdir. Bu proses müasir türk xalqlarının zahiri görünü-
şündə, din, dil, mədəniyyət və iqtisadiyyatında da öz əksini tapır.
Zahiri əlamətlərinə görə müasir türk xalqları bir-birindən fərqlənir. Türk xalq-
larının bir qismi (uyğurlar, yakutlar, qırğızlar və s.) monqoloid, müəyyən bir hissəsi
(qaqauzlar, karaimlər və b.) avropoid irqinin əlamətlərinə malikdirlər.
Türkiyə türk-
ləri, azərbaycanlılar, türkmanlar, tatarlar isə zahiri görünüşlərinə görə hər iki irqin
əlamətlərini daşıyırlar.
Eyni ərazilərdə məskunlaşmış türk və digər xalqların
dil və adət-ənənələri, şifahi
xalq ədəbiyyatı, yazı mədəniyyəti də bir-birinin təsirinə məruz qalmışdır. Belə ki, rus
dilində yüzlərlə türk, eləcə də türk dilində ərəb, fars, latın mənşəli sözlər indiyədək
istifadə olunmaqdadır.
Türk mənşəli adlar
1. Yenisu
2. Bəygöl
3. Qаrаgül
4. Tümən
5. Hacı Tərxan
6. İstigöl
Rus dilindəki coğrafi adlar
Байкал
Астрахань
Каракул
Тюмень
Енисей
Иссык-кул
Qədim Türk arxeoloji abidələri Dağlıq Al-
tayda daha rəngarəngdir, yaxşı qorunmuşdur.
Orxon-Yenisey
yazıları Türk siviliza-
siyasının ən qədim
abidələrindən biridir.
Abidələr Rusiyada
Yenisey çayının yuxarı
axarında, Monqolus-
tanda Orxon çayı sahil-
lərindədir. Türk
ədəbiyyatında bu yazı-
lar “Milli vəsiyyət-
namə” hesab olunur.
Kurqanlar – Altaydan Qafqaza qədər
uzanan Böyük
çölün hər yerində rast gə-
linir. Kurqanlar bürünc, qızıl və gümüş
bəzək əşyaları ilə zəngindir.
Müzakirə edin:
– Türk xalqları üçün ümumi olan daha hansı yazı nümunələri və tarixi abidələri tanıyırsınız?
VII əsrdə yaşamış sərkərdə
Gültəkinin abidəsi. Orxon
çayı hövzəsi
Müzakirə edin
Coğrafiya və Tarix
Coğrafiya və Linqvistika