121
• IV fəsil •
Bioehtiyatların müxtəlifliyi və ondan istifadə
•
4
Regional ekoloji problemlərə əyani misal kimi Abşeronun neftlə çirklənmiş əra-
zilərini göstərmək olar. Azərbaycan hökuməti dövlət və özəl şirkətlərlə birgə
tor-
paqların rekultivasiyası ilə bağlı qərar qəbul etmişdir. Görülən tədbirlər torpaq və su
hövzələrinin təmizlənməsinə, bitki örtüyünün bərpasına imkan vermişdir. Neft və
neft məhsulları ilə çirklənmiş 1430 hektar torpaq sahəsi Azərbaycan hökumətinin
2006–2013-cü illər ərzində həyata keçirdiyi tədbirlər nəticəsində təmizlənmişdir. Bu
tədbirlər
Azərbaycanın ekoloji siyasətinin tərkib hissəsinə aiddir. Hazırda ekoloji
siyasət hər bir dövlətin siyasətində mühüm yer tutur.
Lokal ekoloji böhran daha
kiçik
ərazini əhatə edir. Böyük Şor gölünün əvvəlki vəziyyəti buna misal ola bilər.
Ekoloji siyasət – ətraf mühitin mühafizəsi və təbii ehtiyatlardan səmərəli istifadə
edilməsi üçün siyasi, iqtisadi, qanunverici, maarifləndirici-təbliğat xarakterli təd-
birlər sistemidir. Bütün dövlətlər, xüsusilə iqtisadi cəhətdən inkişaf etmiş dövlətlər
mütərəqqi ekoloji siyasəti formalaşdırmağa çalışır. Ekoloji siyasətin məqsədi
təbiətin, cəmiyyətin və iqtisadiyyatın balanslı inkişafı üçün şərait yaratmaqdır.
№
Ekoloji siyasətin istiqamətləri
Ekoloji siyasətin məqsədi
1.
Siyasi
ətraf mühitin mühafizəsi uğrunda hökumətlərin,
siyasi və
ictimai təşkilatların fəaliyyəti
2.
İqtisadi
ətraf mühiti çirkləndirən müəssisələrin ödəmə və vergi
sistemlərinin yenidən işlənməsi,
həmçinin təbiətdən səmə-
rəli istifadə edənlər üçün güzəşt və imtiyazların tətbiqi
3.
Qanunverici
cəmiyyət, istehsalat və təbiət arasında münasibətlərin
tənzimlənməsinə yönəldilmiş qanunların qəbul edilməsi
4.
Maarifləndirici və təbliğat
əhalinin ekoloji biliklərinin və mənəvi məsuliyyətinin
formalaşdırılmasına kömək edilməsi
5.
İnzibati nəzarət
təbiəti mühafizə qanunvericiliyinə əməl olunmasına və
təsərrüfat
fəaliyyətinə nəzarət, ekoloji monitorinq
Müzakirə edin:
– Yaşadığınız əraziyə yaxın yerləşən hansı çirklənmiş ərazini (su hövzəsi, mədən, tala, küçə və s.)
yeniləşdirmək istərdiniz? Onun yerində hansı layihəni həyata keçirərdiniz?
• Böyük Şor gölü, 2000-ci il. Beynəlxalq ekspert-
lərin fikrincə, Böyük Şor gölü dünyanın ən çirk-
lənmiş su hövzələrindən biri olub, Abşeronun
ekoloji vəziyyətinə mənfi təsir göstərirdi. Yarım
əsrdən çox müddətdə gölə neft-mədən suları və
ətraf yaşayış məntəqələrinin çirkab suları
axıdılıb.
Mətn və şəkil üzrə iş
a
b
• Böyük Şor gölü sahilində “Olimpiya” stadionu, 2015-ci il.
Gölün təmizlənməsi problemi Bakı şəhəri və ətraf qəsə-
bələrin sosial-iqtisadi inkişafı ilə bağlı
dövlət proqramı
çərçivəsində öz həllini tapmışdır. Nəticədə
Böyük Şor
gölü sahilində bulvar və park salınmış, I Avropa Oyun-
larının keçirildiyi Bakı Olimpiya Stadionu tikilmişdir.
122
Ekoloji siyasətin təmin olunmasında əsas rol dövlətə məxsusdur. Lakin bu siya-
sətin hazırlanmasında və həyata keçirilməsində beynəlxalq təşkilatlar, elmi ictimaiy-
yət, ictimai hərəkatlar da iştirak edir.
• “Qrinpis” – beynəlxalq müstəqil ekoloji qeyri-
hökumət təşkilatıdır. 47 ölkədə şöbəsi var.
“Qrinpis”in məqsədi – ətraf mühitin mühafizəsi,
ekoloji maarifləndirmə, qlobal iqlim dəyişikliyi,
meşə sahələrinin azalması, balıq
ovu sənayesinin
hədsiz artması, kommersiya xarakterli balina
ovu, gen mühəndisliyinin inkişafı, radiasiya
təhlükəsi və qütb regionlarının təbiətinin
qorunması kimi qlobal ekoloji problemlərdir.
• “Təmiz şəhər” – ekoloji vəziyyətin
yaxşılaşdırılması və ekoloji problemlərin
həlli üçün Azərbaycan Respublikası
Prezidentinin sərəncamı ilə
təsis olunmuş
ictimai təşkilat.
Hazırda təşkilat aşağıdakı layihələri
həyata keçirir: “Abşeron göllərinin
ekoloji bərpası”, “Təmiz Binəqədi” və
“Balaxanı Sənaye Parkı”.
1. Sadalanan tədbirlərin ekoloji siyasətin hansı istiqamətlərinə uyğun gəldiyini müəy-
yən edin:
a) təbii resurslardan istifadə, zərərli maddələrin tullantıları üçün ödənişlərin yığılması,
b) təbii ehtiyatlardan
qənaətlə istifadə edən, aztullantılı texnologiyaya malik təkrar emal
müəssisələri üçün vergi və kredit güzəştləri;
c) Azərbaycan Respublikası Ekologiya və Təbii Sərvətlər Nazirliyinin qərarına əsasən
ekoloji cəhətdən zərərli müəssisələrin fəaliyyətinin dayandırılması;
d) orta təhsil sistemində ekoloji biliklərin icbari tədrisi;
e) Bakıda “Ekologiya ili” çərçivəsində “Gənclik ekoloji inkişaf uğrunda” beynəlxalq elmi-
praktik konfransın
keçirilməsi;
f) Azərbaycan Respublikasının qanunlarına tabe olmamaga, ətraf mühitə və insanların
sağlamlığına zərər vurulması hallarına görə məsuliyyətə cəlb olunma.
Abşeronda neftlə çirklənmiş sahil
Neftdən təmizlənmiş ərazilərdə ağac əkilməsi
Müzakirə edin:
1. Fotoşəkillərdə göstərilən tədbiri həyata keçirmək üçün ekoloji siyasətin hansı istiqa-
mətlərindən istifadə olunur?
2. “Ekoloji böhran” və “ekoloji siyasət” terminlərini necə başa düşürsünüz?
3. Ekoloji siyasətin ekoloji problemlərin həllinə yardımçı olmasına və dünyanı ekoloji
böhrandan xilas etməsinə inanırsınızmı?
Biliklərin tətbiq edilməsi və yoxlanılması
www.greenpeace.org
və http://tamizshahar.az/ saytlarında “Qrinpis” və “Təmiz
şəhər” təşkilatlarının məqsədləri və həyata keçirdikləri layihələr barədə daha
ətraflı məlumat alın.
Dərsdən sonra