H Ü M A Y İ - Ə R Ş
77
Təyyar əfəndi və hərb
Möhtərəm dayısının təcəllisinin əksi olan bu ali vəsfli zat, Ərzurumda
o qışı keçirmiş və 1268 [m.1851/1852] hərbinin başlaması ilə öhdəsinə
götürdüyü beş yüz nəfərdən ibarət alaya rəis təyin edilmiş, əvəzsiz xid-
mət lər göstərmişdir. Bu xidmət Ərzurum vali və komandanı, üç tuğlu
Əbdürrəhman paşa tərəfindən təqdirə layiq görülmüş və bəzi gizli xü-
suslara aid tapşırıqları Təyyar əfəndiyə buyurmuşdur.
O cümlədən, Qars mütəsərrifinə təcili göndərilmək istənilən olduqca
gizli bir sənəd Təyyar əfəndi vasitəsilə göndərilmişdir.
Məktubun çatdırılma şəkli
Əbdürrəhman paşa mərhum mürşidin yanına gələrək Təyyar əfən-
dinin bir mühüm iş üçün Qarsa getməyinə icazə istəmiş. Təyyar əfəndiyə
bu təklif söylənildiyində dayısının verəcəyi əmrə uyğun hərəkət edəcəyini
ifadə etmişdir. Bunun üzərinə paşa mərhum:
“Təyyar əfəndi, sizə etimadım tamdır. Bu, olduqca mühüm bir
sənəddir. Çox təcili bir surətdə Qars mütəsərrifinə yetişməlidir. Yolda
–müharibə səbəbilə – hər cür maneə çıxa bilər. Bunu götürüb yerinə çat-
dır mağı və ən qısa bir zamanda cavabını alıb gətirməyi gözünüz kəsirmi?
Qəza ilə mühasirə kimi təhlükəli bir işə uğradığınızda canı verib bu
sənədi ələ verməməniz lazımdır. Götür-qoy edin və qəti cavabınızı verin”
- demiş.
Təyyar əfəndi cavabında: “Mürşidimin ali əmri ilə inşaallah, bu sə nə-
di götürmək və cavabını gətirmək məncə asan bir iş kimi görünür. Allah
eləməsin, elə bir hal baş verdikdə can verib əmanəti ələ verməməyə çalı-
şacağıma şübhə etməyin” – demiş.
Bu qəti cavabdan sakitləşən paşa həzrətləri sənədi Təyyar əfəndiyə
verərək tez hərəkət etməsini buyurmuşdur. Və o gecə Təyyar əfəndi ya-
nına üç dilavər də götürərək Qarsa doğru yola düşüb Ərzurumdan ayrıl-
mışdır.
Həqiqətən, yaxın bir zamanda Təyyar əfəndi yoldaşları ilə Qarsa ye-
tişmiş və məktubu mütəsərrifə tapşıraraq cavabını almış, dərhal hərəkət
etmiş. Paşa həzrətləri bir axşam hökumətdən çıxdığında evinə getməyib
Həzrəti Pirin xanəgahına təşrif buyurmuşlar. Paşa davamlı Təyyar əfən-
didən və sənəddən bəhs etməkdə imiş.
Həzrəti Pir cavabında: “O, mənim bacım oğludur, Allahın lütfü və
kə rəmi sayəsində həm sənədi Qarsa aparacaq və həm də cavabını alıb
qayıdacaq ümidindəyəm”, demiş.
Bu mövzuda aralıqda söhbət cərəyan etməkdə ikən üç yoldaşı ilə Təyyar
əfəndinin sağ-salamat gəldikləri xəbərini Mühibbüddin əfəndi Həzrəti
Pirə ərz etdiyində paşa təəssüf içində “Eyvah, bir maneə çıxıb Qarsa gedə
bilməyiblər” demiş, Həzrəti Şeyx isə “Cavabını belə alıb gəlmişdir” - deyə
cavab vermişdir.
Təyyar əfəndi yuxarıya çıxıb paşaya möhürlü zərfi verdiyində paşa bu
məktubun Qars mütəsərrifinin yazdığı cavab olduğuna inanınca Təyyar
əfəndinin gözlənildiyindən də qısa bir zamanda Qarsa gedib qayıtmaqla
80
H Ü M A Y İ - Ə R Ş
arzu olunan məsələni sona yetirdiyindən çox duyğulanmış və “Xızırın
atına mindin də gedib gəldin, yoxsa ismin Təyyar olduğu üçün uçaraq
gedib gəldin?” deyə məmnuniyyət və şükranını bildirmişdir.
Rütbə verilməsi
Bu hadisədən xeyli təsirlənən bu alicənab komandan Təyyar əfəndi və
yoldaşlarını xəbərdar edərək hər birinin bir hərbi rütbə ilə təltiflərinə dair
arzusunu bildirmişdir.
Bu hərbdəki xidmətləri üçün Təyyar əfəndiyə yüzbaşı rütbəsi
verilmişdir. Fəqət Həzrəti Pirin əmrilə Təyyar əfəndi bu rütbədən əfv
diləməsini vali paşadan xahiş etmişdir.
Məsələdən xəbərdar olan bu nəcib komandan Həzrəti Pirin yanına
gələrək “Əfəndim, bu rütbənin Təyyar əfəndinin ləyaqəti ilə mütənasib
olmadığını mən də bilirəm. Fəqət yaxın bir gələcəkdə Təyyar əfəndinin
ən böyük rütbələri qazanması üçün sağ qaldıqca çalışacağam, lütfən icazə
buyurun, qəbul etsin” – deyə xahiş etmişsə də, “məqsədimiz rüt
bəni
sorğu-suala çəkmək deyil, çox böyük bir lütf, bəxş və təqdir olduğuna
qane olduğuma əmin ola bilərsiniz. Ancaq Təyyarın cərəyan edən cihad
əmrini dünyəvi rütbəsi müqabilində zay etməsini istəmərəm. Vacibi-
taala həzrətlərinin sizin kimi qiymətdar bir mücahidin hüsnü-şəhadətinə
istinadən Təyyara bəxş etdiyi bol əcri dünya mənsəblərinin ən ulusundan
da yüksəkdir. Bu bazarlıqda Təyyarın aldanmaması üçün bundan istefa
etməsini söylədim. Lütfən bu himməti Təyyardan əsirgəməyin” – deyə
arifanə cavab verdikdə paşa həzrətləri artıq israr dan əl çəkmiş və bu
sözdən daha da məmnun və razı qalmışdır. 1270 [m.1853-54]
Siracəddin əfəndinin doğulması
1268 [m.1851/52] hərbi davam etməkdə ikən Sirac əfəndi Cicimlidə
babası ocağında Əminə xanımdan dünyaya gəlmişdir.
Doğum müjdəsini Qarabağın Cəbrayıl uyezdində Gəyən düzü
adlanan yerin Həkəri çayına yaxın bir guşəsində və bir təpənin yanında
yerləşən Hovuslu adlanan kənddən Dəli Qəhrəman adında bir fədai,
hərbin bütün şiddətinə baxmayaraq gəlib Ərzurumda Həzrəti Piri
müjdələmişdir.
Ərzurumda yerləşdiyi məhəllə
Mübarək Dərviş ağa camesi yaxınlığında Mıxçızadələrin xanələrində
yerləşmişdir. Burada Poslu Mahmud əfəndi və əllamə Şaşı Mustafa əfəndi
həzrətləri Həzrəti Pirə intisab etmişdir.
Züleyxa xanım ilə izdivacı
1271-ci il tarixində [m.1854/55] Şəkinin Qurtqaşın kəndindən olub
Ərzuruma hicrət etmiş Hacı Əbdüləzim əfəndinin iffətli qızı Züleyxa
xanım ilə izdivac bağlamışlar.