Qishloq xo’jalik korxonalarida umumishlab chiqarish xarajatlarining hisobi va
ularning taqsimlanishi.
Qishloq xo’jalik korxonalarida umumishlab chiqarish xarajatlari deganda ularning
ishlab chiqarish tarmoqlari va sohalariga umumiy holda tegishli bo'lgan hamda u yoki bu
mahsulot tannarxiga to'g'ridan-to'g'ri kiritib bo'lmaydigan, balki ularning tannarxiga bilvosita,
ya'ni taqsimlash yo'li bilan olib boriladigan xarajatlar tushuniladi. Odatda, qishloq xo’jalik
korxonalarida umumishlab chiqarish xarajatlari dehqonchilik va chorvachilik tarmoqlarini
boshqarish, bir vaqtning o'zida turli tarmoq va sohalarga xizmat ko’rsatuvchi bo'linmalar
xarajatlarini o'z ichiga oladi.
Dehqonchilik va chorvachilik tarmoqlari va ularning turli sohalariga ixtisoslashgan
qishloq xo’jalik korxonalarida umumishlab chiqarish xarajatlari quyidagi moddalari bo'yicha
guruhlanadi:
- asosiy va qo'shimcha ish haqi xarajatlari
- bu guruhga dehqonchilik va chorvachilik
sohasi mutaxassislari, xodimlari va ishchilariga, chunonchi, agronomlar, zootexniklar,
vetvrach, vettexniklar, labarotoriya mudiri va xodimlari, brigadirlar, fyerma mudirlari,
hisobchilar, qorovullar va shu kabi boshqa umumishlab chiqarish maqsadidagi xodimlarga
hisoblangan mehnat haqlari kiritiladi;
- ijtimoiy sug'urtaga ajratmalar
- bu guruhga dehqonchilik va chorvachilik sohasi
mutaxassislari, xodimlari va ishchilariga, chunonchi, agronomlar, zootyoxniklar, vetvrach,
vettexniklar, laboratoriya mudiri va xodimlari, brigadirlar, fyerma mudirlari, hisobchilar,
qorovullar va shu kabi boshqa umumishlab chiqarish maqsadidagi hodimlarga hisoblangan
mehnat haqidan ijtimoiy sug'urtaga qilingan ajratmalar kiritiladi;
- mehnat himoyasi va texnika xavfsizligi xarajatlari
- bu guruhga dehqonchilik va
chorvachilik sohasida mehnat himoyasi va texnika xavfsizligini ta'minlashga qaratilgan
tadbirlarga sarflashdigan xarajatlar kiritiladi;
|