- xo’jalik inventarlari va buyumlariga doir xarajatlar
- bu guruhga dehqonchilik va
chorvachilik sohasi xodimlariga berilgangan maxsus Kiyimlar, poyafzal, inventarlar,
ishlatilgan vetpriborlar, dori-darmonlar va boshqa xo’jalik buyumlari qiymati kiritiladi;
- asosiy vositalar amortizasiyasi va ularni saqlash xarajatlari
-bu guruhga
umumishlab chiqarish maqsadidagi asosiy vositalarga hisoblangan amortizasiya ajratmalari,
ularni saqlash, ta'mirlash, bino va inshoatlarni isitish, yoritish, tozalash xarajatlari kiritiladi;
- dala shiyponlarini saqlash va ishchilarni ovqatlantirish xarajatlari
- bu guruhga
dehqonchilik tarmog'iga mo'ljallangan dalalarda joylashgan shiyponlar, palatkalar,
vaqtinchalik notitul inshoatlarni saqlash, ulardagi asosiy vositalarga qilingan amortizasiya
ajratmalari, joriy va kapital ta'mirlash, ishchilarni issiq ovqat bilan ta'minlash xarajatlari
kiritiladi;
- boshqa umumishlab chiqarish xarajatlari
- umumxo’jalik maqsadidagi asosiy
vositalarni ijaraga olish, ularni sug'urta qilish, o'simliklarni va mollarni karantin qilish va
boshqa umumishlab chiqarishga doir tadbirlarga sarflangan xarajatlar kiritiladi.
Umumishlab chiqarish xarajatlarini hisobga olish uchun qishloq xo’jalik korxonasining
ishlab chiqarish bo'linmalari rahbarlari har oyda «Umumishlab chiqarish xarajatlari to'g'risida
hisobot» (18v-shakl) tuzadilar va uni buxgaltyeriyaga topshiradilar. Ushbu hisobotda
belgilangan moddalar kesimida hisobot oyda va yil boshidan boshlab qilingan xarajatlar aks
ettiriladi Yil boshidan boshlab qilingan jami xarajatlar summasi hisobotning oldingi davr va
hisobot oyi ma'lumotlarini jamlash yo'li bilan aniqlanadi.
Qishloq xo’jalik korxonalarida umumishlab chiqarish xarajatlarining sintetik hisobi
2500 «Umumishlab chiqarish xarajatlari» schyotida yuritiladi. Hisob siyosatida belgilangan
tartibga ko’ra qishloq xo’jalik korxonalari ushbu schyotlar tizimida quyidagi schyotlarni
ochishlari mumkin: 2510 «Dehqonchilik umumishlab chiqarish xarajatlari», 2520
«chorvachilik umumishlab chiqarish xarajatlari». Ushbu aktiv schyotlarning debetida nomlari
yuqorida zikr etilgan moddalar bo'yicha haqiqatda sarflangan xarajatlar to'planadi. Bu
schyotlarning kreditida umumishlab chiqarish xarajatlarining hisobdan chiqarilishi aks
ettiriladi. Agar umumishlab chiqarish xarajatlari hisobini hisobot davrlari (oy, chorak, yil)
mobaynida reja tannarxda yuritilsa, u holda 2510 «Dehqonchilik umumishlab chiqarish
xarajatlari», 2520 «chorvachilik umumishlab chiqarish xarajatlari» schyotlarining kreditida
xarajatlar taqsimoti reja tannarxida hisobdan chiqarib boriladi va yilning oxirida haqiqiy
xarajatlar aniq bo'lgach, kalkulyasiya farqi «qizil yozuv» yoki «qo'shimcha yozuv» usullariga
muvofiq ushbu schyotlarning kreditida aks ettiriladi.
2510 «Dehqonchilik, umumishlab chiqarish xarajatlari», 2520 «chorvachilik
umumishlab chiqarish xarajatlari» schyotlarining analitik hisobi qishloq xo'jaligi korxonasi
tarmoqlarining tarkibiy bo'linmalari (brigadalar, fyermalar) bo'yicha 10g va 10d
qaydnomalarda yuritiladi, Ushbu qaydnomalarga yozuvlar tarkibiy bo'linmalar tomonidan
taqdim etilgan «Umumishlab chiqarish xarajatlari to'g'risida hisobot» (18v-shakl)
ma'lumotlari asosida amalga oshiriladi. Ushbu schyotlarning kreditida bo'linmalar bo'yicha
ake ettirilgan ma'lumotlar 10z2 jurnal-ordyerga utkaziladi.
2510 «Dehqonchilik umumishlab chiqarish xarajatlari», 2520 «chorvachilik
umumishlab chiqarish xarajatlari» schyotlarining debetida yuqorida keltirilgan xarajat
moddalariga guvohlik beruvchi hujjatlar asosida quyidagi yozuvlar qilinadi:
Dostları ilə paylaş: |