Ü M U M İ D İ L Ç İ L İ K – I I C İ L D
171
İbtidai insanlar zaman keçdikcə mövcud işarələri
“oxumaqla” yanaşı, bu və ya başqa anlayışı bildirmək üçün
özləri müəyyən işarələr etməyə başlamışlar. Məsələn, bu
və ya başqa heyvanın izini torpaq üzərində göstərməklə
həmin heyvandan ovlamaq istədiklərini bildirmişlər. Bu
işarələr fikri müəyyən vasitə ilə başqasına çatdırmağa cəhd
etməyin lap ilk mərhələsi hesab edilir.
İbtidai insanlar izlərdən başqa, şərti mənalı işarələr-
dən də geniş istifadə etmişlər. Belə ki, meşəlik yerlərdə ova
çıxan adamlar öz yoldaşlarına müəyyən məlumat vermək
üçün ağacların üzərində istiqaməti bildirən işarələr etmiş-
lər. Zaman keçdikcə bu kimi işarələrdən daha mürəkkəb
şəkildə istifadə olunmuşdur.
Dostları ilə paylaş: