“Kitabxana-İnformasiya Elmləri: tədris və təcrübədə yeni çağırışlar”
Beynəlxalq elmi konfransının materialları
- 60 -
Azərbaycan Respublikası Mədəniyyət və Turizm Nazirliyinin təşkilatçılığı ilə 2005-ci
ildən etibarən respublikanın qabaqcıl kitabxanalarının əməkdaşları, respublika ərazisində fəa-
liyyət göstərən bütün MKS-lərin direktorları, digər aparıcı kitabxana mütəxəssislərinin iştirakı
ilə silsilə ümumrespublika müşavirəsi keçirilir. Sonuncu ümumrespublika müşavirəsi 2014-cü
il aprel ayının 29-da ―Azərbaycan Respublikasında kitabxana-informasiya sahəsinin 2008-
2013-cü illərdə inkişafı üzrə Dövlət Proqramı‖nın icra müddətinin başa çatması münasibətilə
Azərbaycan Milli Kitabxanasında keçirilmişdir. ―Azərbaycan gerçəkliyi və kitabxanalar:
yekunlar-gələcəyə baxış‖ mövzusunda məruzə ilə çıxış edən mədəniyyət və turizm naziri
Əbülfəs Qarayev Dövlət Proqramının icrası zamanı əldə edilmiş nəticələrdən, kitabxana siste-
minin günün tələbləri səviyyəsində qurulması istiqamətində görülmüş işlərdən və qarşıda
duran vəzifələrdən danışmışdır. Tədbir çərçivəsində ―Kənd Kitabxana-İnformasiya Mərkəzi‖
pilot layihəsinin və ―ALİSA‖ proqramının təqdimatı olmuşdur. Müşavirə işini seksiyalar üzrə
iclaslarla davam etdirmişdir. Seksiyalarla iş kitabxana işçiləri üçün xüsusilə maraqlı və əhə-
miyyətlidir. Bu zaman hər bir kitabxanaçı kitabxana fəaliyyəti üzrə maraqlandığı istiqamətdə
mövcud yeniliklərdən xəbər tutur, yeni təcrübə əldə edir. Hazırda 2016-cı ilin ikinci yarısında
növbəti Ümumrespublika müşavirəsinin keçirilməsi planlaşdırılır.
Bu gün regional kitabxanalar bir tərəfdən, milli və regional kitab mədəniyyəti irsini qo-
ruyub saxlayır, regionun tarixini öyrənir, regional informasiya tələbatını ödəyir, iqtisadiyya-
tın, elmin, mədəniyyətin inkişafına kömək edir, onun ənənələrini yaşadır, digər tərəfdən, bü-
tün mədəni müxtəlifliyi əks etdirir, mədəniyyətlərarası əlaqələr üçün şərait yaradır, ölkəni, re-
gionu dünyaya tanıtdırır. Bu zaman ən böyük məsuliyyət kitabxanaçı kadrların üzərinə düşür.
Odur ki, qarşıya qoyulmuş
məqsədlərə nail olmaq, kitabxananın funksiyalarını
dövrün tələblə-
rinə uyğun şəkildə həyata keçirmək üçün regionlarda kitabxanaçı kadrların ixtisas biliklərinin
daim təkmilləşdirilməsi, bir sıra keyfiyyətlərin inkişaf etdirilməsi məqsədilə nazirlik tərəfin-
dən 2015-ci ildə bir neçə zona müşavirələri təşkil edilmişdir. Əsasən 3 zona - Quba-Xaçmaz,
Gəncə-Qazax və Şirvan zonasını əhatə edən bu müşavirələrdə Mədəniyyət və Turizm naziri-
nin müavini Vaqif Əliyev, Kitab dövriyyəsi sektorunun müdiri Lətifə Məmmədova, Region-
larla iş sektorunun müdiri Pərviz İsgəndərli, Milli Kitabxananın direktoru professor Kərim
Tahirov, 30 rayon (şəhər) Mədəniyyət və Turizm şöbəsinin müdirləri, MKS-nin kitabxana di-
rektorları və digər kitabxanaçı kadrlar iştirak etmişlər. Müzakirələrdə kənd kitabxana filialları,
onların indiki vəziyyəti, mövcud problemlər haqqında danışılmış, kitabxana işini günün tələb-
ləri səviyyəsində qurmağın vacibliyi, yerlərdə kitabxanaçı kadrların yerləşdirilməsi, onların
ixtisasının artırılması məsələsi səsləndirilmişdir. Eyni zamanda bəzi regionlarda kitabxanala-
rın maddi-texniki bazasının zəif olması, kənd kitabxanalarında kompyuterlərin olmaması,
oxuculara xidmət prosesində CD və DVD-lərdən istifadənin mümkünsüzlüyü, bir çox ucqar
kəndlərdə telefon xətlərinin və digər kommunikasiya vasitələrinin yoxluğu, internetə çıxışın
olmaması, kitabxana fondlarının düzgün komplektləşdirilməməsi, kiçik və orta biznesin, fer-
mer təsərrüfatının inkişafı və təbliğinə, regionlarda turizm obyektlərinin təbliğinə kömək
məqsədilə mövcud yeni nəşrlərin, uşaq ədəbiyyatının alınması, ixtisaslı kadrların azlığı kimi
bir sıra məsələlər başlıca müzakirə obyekti olmuşdur. Müşavirədə Azərbaycan kitabxanalarını
vahid şəbəkədə birləşdirən ilk milli Avtomatlaşdırılmış Kitabxana-İnformasiya Sistemi
(ALİSA) haqqında ətraflı məlumat verilmiş, sistemin kitabxanalarda tətbiqi məsələləri, siste-