8
Torpaqların dövlət ehtiyacları üçün alınması haqqında
Qanunun
56‐cı
maddəsində
kompensasiyanın
qiymətləndirilməsində nəzərə alınmalı olan amilləri göstərir. Bunlar:
• iddiaçılara ödəniləcək kompensasiya elə prinsipə
əsaslanmalıdır ki, torpaqlarını tərk etmələrinin və başqa
yerə köçürülmələrinin tələb olunması ilə bağlı və onun
nəticəsində zərər və narahatlıq çəkən bütün şəxslərin
əmlakları, dolanışıq üçün vasitələri, gəlirləri, yaşayış
standartları, onların məruz qaldıqları zərər və narahatlığın
baş verdiyindən sonra ağlabatan müddətdə, köçürülənədək
malik olduqları şəraitdən əlverişsiz şəraitə düşməmələri
baxımından bərpa edilsin;
• ödəniləcək kompensasiya qiymətləndirilərkən mövcud
inflyasiya;
• torpağın bu Qanunun 58‐ci maddəsinə əsasən müəyyən
edilmiş bazar qiyməti;
• alınmanın təsirinə məruz qalan şəxsdən torpağın müəyyən
hissəsinin alındığı hallarda alınan torpağın həmin şəxsin
saxlanılan (alınmayan) torpağından ayrılması nəticəsində
şəxsə dəyə biləcək zərər;
• alınmanın təsirinə məruz qalan şəxsdən torpağa sahibliyin
əldə edilməsi nəticəsində həmin şəxsin digər daşınar və ya
daşınmaz əmlakına, yaxud həqiqi gəlirinə dəyən və ya dəyə
biləcək zərər;
• alınma nəticəsində şəxs yaşayış, həyata keçirdiyi sahibkarlıq
fəaliyyətininin və ya iş yerini dəyişməyə məcbur
edilmişdirsə, belə yerdəyişmədən irəli gələn bütün xərclər
və itkilər.
9
ÖZGƏNİNKİLƏŞDİRİLMƏNİN QAYDALARI
Qanunvericilik zərurət yarandıqda hökumətə dövlət ehtiyacları
üçün torpaqları satın almaq hüququ verir. “ Torpaqların dövlət
ehtiyacları üçün alınması haqqında” Qanunun 4‐cü maddəsinə
əsasən torpağın alınmasına əsas verən dövlət ehtiyacı yarandıqda
“...dövlət ehtiyacları üçün tələb olunan hər hansı torpaq və ya paylı
mülkiyyətdə olan torpaqda müvafiq pay (paylar) mülkiyyətçi
(mülkiyyətçilər) ilə razılaşma əsasında, belə razılıq əldə edilmədikdə
isə, məhkəmənin qanuni qüvvəyə minmiş qərarı əsasında məcburi
qaydada dövlət tərəfindən kompensasiya ödənilməklə bu Qanuna
uyğun olaraq alına bilər”.
Qanunun tələbinə görə “Dövlət, alınmanın təsirinə məruz qalan
şəxslərlə razılıq əldə etməkdə və həmin torpaq üçün bazar qiymətini
və ya bərpa qiymətini ödəməkdə bütün səylərindən istifadə etmək
öhdəliyini daşıyır və bu öhdəliyi yerinə yetirənədək bu Qanunda
alınma ilə bağlı müəyyən edilmiş müvafiq səlahiyyətlərdən istifadə
edə bilməz”.
Hansı torpaqlar alına bilər?
Torpaqların dövlət ehtiyacları üçün alınması haqqında
Qanunun 5‐ci maddəsinə əsasən aşağıdakı torpaqlar dövlət
ehtiyacları üçün alına bilər.
İstifadədə, icarədə olmasından və torpaq sahəsindən istifadəyə dair
müəyyən edilmiş yüklülüklərdən (məhdudiyyətlərdən) asılı
olmayaraq aşağıdakı torpaqlar bu Qanuna uyğun olaraq dövlət
ehtiyacları üçün alına bilər:
• xüsusi mülkiyyətdə olan torpaqlar;
• bələdiyyə mülkiyyətində olan torpaqlar;
• Dövlət mülkiyyətində olan torpaqlar üzərində istifadə və
icarə hüquqları dövlət ehtiyacları üçün geri alınır.
10
Alınmanın təsirinə məruz qalan şəxs
“Torpaqların dövlət ehtiyacları üçün alınması haqqında”
Qanun torpaqların alınmasının təsirinə məruz qalan şəxslərin
dairəsini müəyyənləşdirir. Qanuna görə:
• Torpağın və ya onun müəyyən hissəsinin alınması
nəticəsində öz torpağından köçürülən və həmin torpaqda
yaşamaq və ondan istifadə hüququnu itirən,
• torpağının və digər əmlakının miqdarının, dəyərinin və ya
faydalılığının azalmasına məruz qalan,
• sahibkarlıq fəaliyyətini tam və ya qismən davam etdirmək
iqtidarında olmayan,
• iş yerini itirən,
• ümumi istifadə imkanlarını əldə etməkdən məhrum olan,
• əmlakının, yaxud da yaşamaq üçün vasitələrinin hər hansı
digər itkisi və azalmasına məruz qalan şəxs alınmanın
təsirinə məruz qalan şəxs hesab edilir.
Qanunun tələbinə görə belə şəxs qanunla müəyyən edilmiş
qaydada və yuxarıda verilən abzasda nəzərdə tutulan itki və
məhrumiyyətlər nəzərə alınmaqla kompensasiya almaq hüququna
malikdir.
Torpağa mülkiyyət hüququna dair dövlət reyestrindən çıxarışı
(kupça) və ya pay torpağa dair Dövlət Aktı olan şəxslərdən əlavə
aşağıda göstərilən şəxslər də alınmanın təsirinə məruz qalanlar
kateqoriyasına aiddir:
• torpaqla bağlı dövlət qeydiyyatına alınmış mülkiyyət,
istifadə və ya icarə hüquqları olan, habelə qanunvericiliklə
dövlət qeydiyyatı tələb olunmayan qanunauyğun istifadə və
ya icarə hüquqları olan şəxslər;
• siyahıya alma dövründə yazılı sənədlərlə təsdiq edilən
torpaqla bağlı qanuni, lakin dövlət qeydiyyatına alınmamış
mülkiyyət, istifadə və ya icarə hüquqları olan şəxslər.
11
Yadda saxlayın ki, “Torpaqların dövlət ehtiyacları üçün
alınması haqqında” Qanun qüvvəyə minənədək torpaq üzərində
mülkiyyət, icarə və ya istifadə hüquqlarının əmələ gəlməsi üçün əsas
olan dövlət orqanının və bələdiyyənin aktlarının və müqavilənin
qanunvericiliyin tələblərinə riayət etməməklə qəbul edilməsi və ya
bağlanması şəxsin torpaqla bağlı hüquqlarının qanunsuz hesab
edilməsi üçün əsas ola bilməz.
Yuxarıda göstərilən alınmanın təsirlərinə məruz qalan şəxslər
itirdikləri torpaqla bağlı kompensasiya və digər yardımlarla təmin
edilirlər.
Alınmanın təsirinə məruz qalanlar həmçinin aşağıdakılardır:
• ikinci əldən icarəyə verən qismində icarəçi, üçüncü şəxslərə
istifadəyə verən qismində istifadəçi və ya istifadəçi ilə şifahi
və ya yazılı həqiqi sübutla təsdiq edilən razılaşma əsasında
torpağı qısa müddətli istifadə edən şəxslər;
• torpağa hüququnun yaranmasına səbəb olan, qanun
tərəfindən tanınan uzun müddətli istifadə əsasında
torpaqda yaşayan şəxslər;
• yaşadıqları torpaqla bağlı qanuni hüquqları olmayan
şəxslər.
Bu kateqoriyaya aid olan şəxslər daşınmaz əmlak istisna
olmaqla, yalnız onların köçürülməsi ilə bağlı yardımla və
köçürülmə zamanı həmin şəxslərin daşınar əmlakına vurulmuş
zərərin ödənilməsinə yönəlmiş yardımlarla təmin edilirlər.
Yuxarıda göstərilən və alınmanın təsirinə məruz qalan hər
hansı şəxsin ailə üzvləri qismində torpaqda yaşayan şəxslər də
alınmanın təsirinə məruz qalan şəxslər hesab edilirlər.
Torpaqları dövlət ehtiyacları üçün alan orqan
“Torpaqların dövlət ehtiyacları üçün alınması haqqında”
Azərbaycan Respublikası Qanununun tətbiqi ilə əlaqədar əlavə
Dostları ilə paylaş: |