ADAU-
nun Elmi Əsə
rl
ə
ri. G
ə
nc
ə
, 2016,
№
1
147
mış və verilmiş maşınların dəyəri 66,6 milyon
manat və ya 239,7% artmışdır.
Azərbaycan Respublikasının Prezidenti İl-
ham Əliyev cənabları Azərbaycan Respublikası
Nazirlər Kabinetinin 2010-cu ilin sosial-iqtisadi
inkişafının yekunlarına və 2011-ci ildə qarşıda
duran vəzifələrə həsr edilmiş iclasında demişdir:
«Aqrolizinq … kənd təsərrüfatının inkişafına bö-
yük dəstəkdir, bu sahədə də dövlətin müdaxiləsi
və siyasəti əlbəttə ki, həlledicidir. Əgər indi Azər-
baycanda traktor istehsal olunmasaydı, vəsait kə-
nara gedəcəkdi… İndi texnikanın bir hissəsi artıq
Azərbaycanda istehsal olunur».
Lakin ölkəmizdə kənd təsərrüfatı məhsullar
istehsalçılarının maddi-texniki təchizat səviyyəsi-
nin yüksəldilməsi sahəsində həyata keçirilən
məqsədyönlü tədbirlərin əhatə dairəsinin geniş-
lənməsinə və onun daha da möhkəmləndirilməsi
sahəsində kifayət qədər tədbirlərin görülməsinə
baxmayaraq texnikadan istifadə göstəriciləri bir o
qədər də yaxşılaşmamışdır. Bunları 2-ci cəd-
vəldəki göstəricilərdən daha aydın görmək olar
[2, s. 75-78].
2-ci cədvəldəki məlumatlardan aydın gör-
mək olur ki, dövlət tərəfindən bir sıra tədbirlərin
görülməsinə baxmayaraq ölkəmizin kənd təsərrü-
fatının texniki təchizat səviyyəsi bir o qədər də
yaxşı deyildir. Belə ki, 1990-cı ilə nisbətən 2014-
cü ildə əkin sahəsinin hər 1000 hektarına düşən
traktorların sayı 46,4%, taxıl kombaynlarının sayı
71,2%, qarğıdalıyığan kombaynların sayı dəfələr-
lə, kartofyığanların sayı 66,7%, çuğunduryığanla-
rın sayı 44,8%, pambıqyığan maşınların sayı isə
73,4% azalmışdır. Bu isə bir kombayna düşən bit-
ki əkinləri sahəsinin müvafiq olaraq 244,4%;
149,6 dəfə; 178,8%; 81,7% və 3,7 dəfə artmasına
səbəb olmuşdur. Bu dövrdə bir traktora düşən
əkin sahəsi 39 hektardan 70 hektara çatmış, ya-
xud da 31 hektar və ya 79,5% artmışdır. Müqa-
yisə üçün deyək ki, bir traktora düşən əkin sahəsi
Kanadada 63 hektara, ABŞ-da 38 hektara, Fran-
sada 14 hektara, Almaniyada isə 11 hektara bəra-
bərdir. Texniki təchizatın aşağı səviyyədə olması
yüksək məhsuldarlıqlı və yüksək rentabelli tex-
nologiyalardan istifadə edilməsini, əmək məhsul-
darlığının yüksəlməsini, yerli kənd təsərrüfatı
məhsullarının rəqabət qabiliyyətinin təmin olun-
masını ləngidən əsas amildir. Mütəxəssislərin he-
sablamalarına görə bu səbəb üzündən dünyada
hər il 15 milyon ton taxıl, 7 milyon ton güd, 1
milyon tondan çox ət itkisinə yol verilir.
Məlum olduğu kimi, kənd təsərrüfatı texni-
kasının əsas istehsalçıları ABŞ, Almaniya, Fransa
və İtaliyadır. Dünyada dörd ən iri şirkət kənd tə-
sərrüfatı texnikasının 40%-ə qədərini istehsal
edir. Burada ən yüksək xüsusi çəkiyə ABŞ-ın
John Deere şirkəti (18%) malikdir. Bundan sonra
Case New-Holland -11%, AGCO -7%, Claas -4%
şirkətləri gəlir. Bu barədə 3-cü cədvəldəki mə-
lumatlara əsasən daha ətraflı təsəvvürə malik
olmaq olar.
* Yalnız kənd təsərrüfatı texnikasının əsas
istehsalçıları onun beynəlxalq şirkətləri üzrə
2009-cu ilin məlumatları verilmişdir.
Kənd təsərrüfatı texnikasının istehsalı sahə-
sində dünya liderləri ilə yanaşı, bir sıra «adi»
oyunçular da fəaliyyət göstərirlər. Bunlara Alma-
niyanın yemyığan maşınların istehsalı sahəsində
ixtisaslaşmış, «Felle», «Krone», «Welger» şirkət-
lərini,
Norveçin «Kveerneland», Fransanın
«Kuhn», Avstriyanın «Pottinger» şirkətləri və s.
misal göstərmək olar.
Müstəqil Dövlətlər Birliyi (MDB) ölkələ-
rində kənd təsərrüfatı texnikası bazarında həlledi-
ci subyektlərdən biri Rusiya Federasiyasının
«Rostselmaş» kombayn zavodudur. Zavodda əsas
etibarilə taxıl və yemyığan kombaynlar, qoşqular,
kənd təsərrüfatı traktorları istehsal olunur. Bun-
dan başqa, ölkədə «Traktor zavodları konserni»,
habelə mühərrikin gücü 250 a.q.-dən çox olan
kənd təsərrüfatı traktorları istehsal olunan «Peter-
burq traktor zavodu» fəaliyyət göstərir. Adları çə-
kilən şirkətlərdə istehsal edilən məhsulların 92%-i
ölkənin öz daxilində istifadə olunur.
MDB ölkələri içərisində liderlik edən şir-
kətlər sırasında «Minsk traktor zavodu» (kənd tə-
sərrüfatı traktorlarının 30-dan çox modelini is-
tehsal edir, Rusiya Federasiyasının ərazisində üç,
Azərbaycanın ərazisində isə bir yığma müəssisəsi
vardır) və «Qomselmaş» istehsalat birliyi (taxıl
və yemyığan kombaynlar istehsal edir) xüsusi yer
tutur. Ukraynada isə «Xarkov traktor zavodu»
fəaliyyət göstərir [3].
Uzaq və yaxın xarici ölkələrdə kənd təsər-
rüfatı texnikası istehsalı sahəsində məşhur olan
şirkətləri qeyd etməkdə məqsədimiz ondan ibarət-
dir ki, perspektivdə onlarla
inteqrasiya əlaqələrinə
girmək və iş birliyi qurmaqla (artıq bir neçə ildir
ki, Minsk traktor zavodu ilə Gəncə avtomobil za-
vodu arasında qarşılıqlı əlaqə şəraitində kənd tə-
sərrüfatı üçün traktorlar istehsal olunur) ya onla-
rın filiallarını və ya yığma müəssisələrini yarat-
maq və yaxud da vaxtilə Mingəçevirdə və Zə-
yəmdə fəaliyyət göstərən kənd təsərrüfatı üçün
texnika istehsal edən zavodun işini bərpa etməklə
ölkəmizin bu sahədə tələbatının ödənilməsində
dönüş yaratmaq olar.