13
sına sərf olunan məbləğin yalnız 0,5 faizini təşkil edirdi.
Lakin XIX əsrin 70-ci illərinin sonlarından etibarən neftçı-
xarmada Azərbaycan milli kapitalı artmağa başlamışdı.
1878-ci ildə milli kapitalı təmsil edən firmaların gündəlik
neft hasilatı bu iri neft sənayesi rayonundan ümumi ha-
silatın 4,2 faizini, Azərbaycan-erməni birgə kapitalını təm-
sil edən firmaların gündəlik neft hasilatı 8 faizini, birgə
rus-Azərbaycan firmalarının ümumi hasilatı isə 1,6 faizini
təşkil edirdi (23, v.27).
XIX əsrin axırlarında milli burjuaziya nümayəndə-
lərinə məxsus firmaların mövqeyi zəifləyir və onlar bütün
firmaların cəmi 5 faizini təşkil edirdi. Azərbaycan-erməni
qarışıq kapitalı olan firmalar ləğv olunmuş, rus-Azərbay-
can firmaları isə ümumi neftin cəmini - 0,2 faizini çıxa-
rırdı. 1883-cü ildə 135 neft sənayesi müəssisəsi sahibkar-
ları içərisində milli kapital nümayəndələrinin sayı 17 nəfər
idi (23, v.44): H.Z.Tağıyev, H.Səlimxanov, A.M.Qafarov,
A.Qarayev, M.Q.Səlimxanov, Q.B.Həşimov, N.Nuriyev
və b. (18,v.14).
XIX əsrin axırlarında isə 167 neft sənaye müəssisə-
lərindən 49-u azərbaycanlılara mənsub idi. Bu müəssisə-
lərin əksəriyyəti xırda idi. Məsələn, ildə 100 min pud neft
hasil edən müəssisələrin 33,3 faizi, 100-500 min pud neft
hasil edənlərin 48,7 faizi, 500 min pud – 1 milyon pud neft
çıxaranların isə yalnız 12,5 faizi azərbaycanlı: H.Z.Tağı-
yev, H.Səlimxanov, A.M.Qafarov, A.Qarayev, M.Q.Sə-
limxanov, Q.B.Həşimov, N.Nuriyev və b. (18, v.14 ) kapi-
talistlərin payına düşürdü. Bunun səbəbi neft sənayesinin
inkişafına daha böyük kapital qoyuluşunun tələb olunması
14
idi. Çox kiçik istisnalarla yerli milli kapitalistlərdə isə belə
imkanlar yox idi.
XX əsrin əvvəllərindən başlayaraq milli burjuaziya
nümayəndələrinin mövqeyi bir qədər qüvvətlənməyə baş-
layır. Onların içərisində H.Z.Tağıyev, A.M.Nağıyev, Ş.Əsə-
dullayev, İ.Hacınski, L.Manafov, M.Muxtarov və başqa-
ları fərqlənirdilər.
H.Z.Tağıyev 1873-cü ildən neft hasilatı işinə başla-
mışdı. XIX əsrin 80-cı illərindən onun artıq həm ağ nefti
və sürtkü yağları zavodu da vardı. 1896-cı ildə o, 32,3 mil-
yon pud neft çıxarmış və 2 milyon pud neft emal etmişdi
(81). Bəzi məlumatlara görə, XX əsrin başlanğıcında onun
varidatı 16 milyon rubl təşkil edirdi (19, v.79). H.Z.Tağı-
yev 1897-ci ildə neft mədənlərini və ağ neft-yağ zavo-
dunu, Xəzərdə neft gəmilərini 5 milyon qızıl rubla ingilis
bankının direktorlarından biri olan E.Qubbarda satmışdı.
Lakin o, ingilis maliyyəçilərinin yeni yaratdıqları firmada
“Oleum” da iki səhmdar payçı kimi iştirak edirdi (86,
s.36-37). Onun özünün və həyat yoldaşının əlində saxla-
nılmış səhmlər onlara bu fırmanın direktorlar şurasının
üzvləri olmağa imkan vermişdir. 1915-ci ildə H.Z.Tağı-
yev, zadəganlardan Əlibəy Aşurbəyov, tacir Ağahüseyn
Tağıyev və Əsədulla Əhmədov neftçıxarma və neftsatışı
üzrə «H.Z.Tağıyev – neft sənaye cəmiyyəti» adlı şirkət
yaratmışdılar (42).
Digər iri azərbaycanlı kapitalist Ağa Musa Nağıyev
idi. O, XIX əsrin 70-ci illərindən sonra neftçıxarma və neft
emalına başlamışdı. 1900-cü ildə A.M.Nağıyevin şirkəti
7,5 milyon pud neft çıxarmışdı.
15
1908-ci ildə A.M.Nağıyevin Ramanadakı neft mədən-
lərində 308 fəhlə, Sabunçuda olan neft mədənlərində isə
634 nəfər işləyirdi (17, v.30). Onun vəfatından sonra neft
mədənləri və sənaye müəssisələrindən istifadə etmək üçün
«Musa Nağıyevin varisləri» adlı səhmdar cəmiyyəti təşkil
olunmuşdur(42). Cəmiyyəti Mirzə Şəmsi oğlu Əsədulla-
yev, Məlikməmməd Kərimov və Tağı Ağa Əli oğlu Nağı-
yevin daxil olduğu qrup idarə edirdi (28, v.3). Cəmiyyətin
Binəqədidə, Sabunçuda, Zabratda, Bülbülədə, Qalada, Bi-
nədə, Əmircanda, Xırdalanda, Digahda, Masazırda, Fat-
mayıda, Biləcəridə, Sarayda və Zığda mədənləri var idi.
Digər neft kapitalisti olan Şəmsi Əsədullayev XIX əs-
rin 90-cı illərində neft çıxarmaqla məşğul olmuş və sürətlə
varlanmışdı. 1890-cı ildə Ramanada Şəmsi Əsədullayevin
neft quyuları fontan vurmuş və gündə 800 min pud neft
çıxarılmışdır (17, v.31).
Şəmsi Əsədullayev və Ağa Musa Nağıyev 1896-cı ildə
«Böyük Puta» adlı yerdə Məşədi Əbdülrəhman Məşədi
Əliqulu oğluna məxsus 242 desyatinlik torpaq sahəsini sa-
tın alıb, neft mədənlərini salmışdılar. Şəmsi Əsədullayev
1900-cü ildə, 7,3 milyon pud neft çıxarmış, 11,5 milyon
pud neft məhsulları satmışdır. 1904-cü ildə Şəmsi Əsədul-
layev və İbad bəy Tahirov Moskvada, Zakaspidə və İranda
neft məhsulları satışı üzrə müqavilə bağlamışdılar. 1907-ci
ildə onun Ramanıdakı mexaniki təmir emalatxanasında,
qazan emalatxanasında, elektrik stansiyasında 466 nəfər,
neft mədənində isə 16 nəfər fəhlə işləyirdi (17, v.32).
1905-ci ildən mövcud olan Əmiraslanov qardaşlarına
məxsus “Neftçıxarma firması” da nisbətən iri idi. Bu firma
16
1905-ci ildə 81 min pud, 1908-ci ildə 908,4 min pud,
1910-cu ildə 1 milyon 307 min pud neft çıxarmışdır.
Əlibəy və Balabəy Aşurbəyov qardaşlarına məxsus
firma 1901-ci ildən mövcud idi. Bu firma 1904-cü ildə 28
min pud neft çıxardığı halda, 1911-ci ildə bu rəqəm 1
milyon 324 min puda qalxmışdı. İri firmaların biri 1900-
cü ildən fəaliyyət göstərən «Mayılov və Tahirov» neft cə-
miyyəti idi. Bu firma 1904-cü ildə 1 milyon 912 min pud,
1908-ci ildə 2 milyon 550 min pud (24, v.176), 1913-cü
ildə oktyabrın 1-nə kimi 4 milyon 746 min pud neft hasil
etmişdir. 1913-cü ildə A.Quliyev, M.Mirbabayev, İ.Quli-
yev və M.Ələsgərov Bayılda neft çıxarmaq üçün sahə
almış və «Heybət» cəmiyyəti yaratmışdılar. Cəmiyyətin
ilkin kapitalı 115 min rubl idi (77, s.67).
Göründüyü kimi, neft sənayesində Azərbaycan milli
kapitalı həlledici olmasa da, müəyyən rol oynayırdı. «Bakı
və onun rayonu» toplularında cəmləşdirilmiş statistik ma-
teriallara əsasən neft sənayesində Azərbaycan milli kapi-
talının nümayəndələrinin sayını müəyyənləşdirmək müm-
kün olmuşdur. Doğrudur, bu hesablamanı tam dəqiq hesab
etmək olmaz. Belə ki, bu toplularda gətirilən 1904-cü
ildən 1913-cü illərə dair olan məlumat bütün illəri əhatə
etmir. İllərin çoxu üzrə azərbaycanlı kapitalistlərin, onlara
məxsus olan firmaların adları göstərilsə də onların bəzisi
üzrə hər birinin mülkiyyətində olan mədənlər, həmin mə-
dənlərdə işləyən fəhlələr, mədənlərin və firmaların istehsal
səviyyəsi, illik neft məhsulu barəsində məlumat verilmir.
Məsələn, 1904-cü ilə dair məlumata görə Bakı neft səna-
yesində azərbaycanlı kapitalistlərə məxsus olan firmaların
Dostları ilə paylaş: |