20
7. Məlikov və Mahmudov – 1.608.755 pud
8. İ.B.Hacınski – 1.092.910 pud.
II. 500 min puddan 1 milyon puda qədər neft istehsal
edən sahibkarlar – Z.Aşurbəyov qardaşları, M.Səlimov,
A.Məlikov.
III. 200 mindən 500 min puda qədər neft hasil edən 9
sahibkar: Qədimov, H.Mustafayev, İ.Nabatov, Z.Babayev,
Babayev və Balayev, Hacınski və Qədimov qardaşları,
Q.A.Rzayev, A.Quliyev, S.B.Səlimxanov.
IV. 100 mindən 200 min puda qədər neft hasil edən 12
sahibkar.
V. 1400 puddan az neft hasil edən - 26 sahibkar (77,
s.67-69).
Göründüyü kimi, 1914-cü ildə Bakı neft sənayesində
azərbaycanlı kapitalistlərin böyük əksəriyyətini 1 milyon
puddan az neft istehsal edən sahibkarlar təşkil edirlər. Bəs
azərbaycanlı sahibkarların Azərbaycan neft sənayesində
ümumi mövqeyi necə idi?
Məlum olduğu kimi, Bakı neft sənayesində azərbay-
canlı sahibkarların tutduğu mövqeyi müəyyənləşdirmək
üçün, onların mülkiyyətində olan mədənlərin miqdarını və
miqyasını, bu mədənlərdə çalışan fəhlələrin sayını, həm-
çinin çıxarılan neftin miqdarını müəyyən etmək vacibdir.
Eyni zamanda, digər kapital nümayəndələrinin neft səna-
yesində mövqeyini müəyyən edib, tutuşdurma yolu ilə
məqsədə nail olmaq olar. Demək, azərbaycanlı kapitalist-
lərə məxsus olan mədənlərin, orada çalışan fəhlələrin sa-
yını və hasil olunmuş neftin, eləcə də istehsal edilmiş neft
məhsullarının miqdarını müəyyən etməklə yanaşı, digər