32
Açıqlama: Avropada astronomiya XV-XVI əsrlərdə inkişaf etməyə
başlamışdır. Nikolay Kopernik (1473-1543) “Dünyanın heliosentrik
sistemi”ni vermişdir. Bu yeni astronomiyanın meydana gəlməsinə və
sürətlə inkişafına səbəb olmuşdur.Tixo Brahe (1546-1601), Lohan
Kepler (1571 1630), Qalileo Qaliley (1564-1642), İsaak Nyuton (1643-
1727) və başqaları astronomiyanın inkişafında böyük rol oynamışlar.
Kepler planetlərin hərəkət qanunlarını vermiş, Nyuton Ümumdünya
Cazibə qanununu kəşf etmiş və müşahidələr əsasında verilmiş Kepler
qanunlarını riyazi olaraq almış və ümumiləşdirmişdir. O ilk dəfə olaraq
bir çox astronomik hadisələrin düzgün izahını vermişdir. Müasir astro-
nomiya elmində N.Kopernikin təklif etdiyi sistemdə Günəş ortada du-
rur, onun ətrafında isə doqquz planet bu tərtiblə düzülmüşdür:-Merkuri,
Venera, Yer, Mars, Yupiter, Saturn, Uran, Neptun, Pluton. Mars ilə Yu-
piterin orbitləri arasında çoxlu xırda planetlər vardır, onlara asteroidlər
deyirlər. Bu planetlərin hamısı Günəş ətrafında qərbdən şərqə tərəf dövr
edirlər.
1781-ci ildə Uran planeti, 1846-cı ildə isə Neptun planeti kəşf
olunur.1930-cu ildə Günəş sisteminin IX planeti Pluton kəşf olunur.
2006-cı il avqustun 24-də Beynəlxalq Astronomiya Ittifaqının Baş As-
sambleyasında qərara alınmışdır ki, Pluton planet deyil. 1859-cu ildə
Kirxhof spektral analiz üsulunu verir. XIX əsrin ikinci yarısında fotoq-
rafiya kəşf olunur və astronomiyada fotoqrafik müşahidələrə başlanılır.
Beləliklə, astronomiyanın ən gənc sahəsi astrofizika yaranır.
ALLAHIN İLK YARATDIĞI RUHLAR ALƏMİ
Açıqlama:İslamın tarixçilərindən olan Əbu Cəfər Muhəmməd İbni
Cərir Təbərinin yazdığı” Təbəreyi Kəbir” adlı kitabında Peyğəmbərə
verilən suallar və onların cavabları şərh edilmişdir. Bütövlükdə isə XVII
əsrdə Mövlana Furatı tərəfindən “Qırx sual” adlı əsəri 1840-cı ildə İstam-
bulda, 1851-ildə Vyanada çap edilmişdir. 1881-ci ildə rus dilinə tərcümə
olunmuş və A.Arxangelskinin “Muhəmməd kosmologiyası”adlı kitabı-
na əlavə edilmişdir.1918-ci ildə İstambulda yenidən”Qırx sual”adı ilə
çap edilmişdir:
“40 sual”-kitabından:- Qurani-Kərimin ayələrindən və Peyğəmbər
(s.ə.s.) tərəfindən söylənilən hədislərdən məlum olur ki, sayı-hesa-
bı bilinməyən qərinələr və əsrlər əvvəl yalnız Tək olan Allah var idı.
Allah həddi-hüdudu, eni-uzunluğu, yaşı, müddəti, vaxt və zamanı,
məkan və yeri bilinməyən aləmdə, bir gizli xəzinə ikən tanınmağını
33
istəmiş, ruhlar və cisimlər aləmini yaradıb öz mərhəmətinin, camalının,
qüdrətinin, kamalının, əzəmətinin, cəlalının, nemətlərinin bolluğunu,
sənətinin çeşidlərini, hikmətlərinin sirlərini göstərmək istəmişdir. Qadir
Allah bütün məxluqatdan əvvəl yoxdan çox nurlu, yaşıl zəbərcəntdən
olan, böyüklüyü Allahdan başqa kimsəyə məlum olmayan, öz nurundan
lətif və əzim bir cövhər var edib, ondan bütün kainatı, bir tərtib içində
tədricən yaradıb. Bunlardan Nuri-Muhəmməd, Lövhu-Məhfuz, Qələm,
Əql və beş kimsənin ruhudur ki, bütün ruhların və cisimlərin başlan-
ğıcı, əsası və ilk cövhəridir. Bütün ruhların və cəsədlərin başlanğıcı və
qaynağı da bu cövhərdir.(Varlığı mümkün olan əşyaya və varlığının
davamı dəyişikliyə uğramazsa, ona, cövhər deyilir.Əgər dəyişikliyə
uğrayarsa, ona ərəz deyilir.)
Cənabi-Haqq Öz məhəbbəti ilə o cövhərə baxınca, cövhər utandı-
ğından o andaca əriyərək su kimi axmış, xalıs üzü (qaymağı)su üzünə
çıxınca, ondan əvvəl külli nəfsi yaratmış, sonra mələklərin ruhlarını,
sonra sırası ilə digər Peyğəmbərlərin, imamların, valilərin, alimlərin,
ariflərin, abidlərin, möminlərin, sıra ilə Qiyamət gününə qədər dünyaya
gələcək bütün insanların, kafirlərin, cinlərin, şeytanların, heyvanların,
bitkilərin nəfsini yatarmışdır.Onların hər birisi üçün mərtəbələrinə görə
bəlli məqamlar göstərmiş,hər ruh öz cinsini tapmış və hər toplum öz
məqamında qalmışdır. Sonra Əqli yaradaraq bütün ruhlara əql və şüur
bəxş etmiş və bütün yaratdığı ruhların talelərini və qəza-qədərlərini ilk
yaratdığı Qələmlə Lövhi Məhfuzda yazmışdır.
Duyğu və hiss vasitəsi ilə dərk edilməsi mümkün olmayan və “Giz-
li xəzinə” olan Uca Allah yaratdığı insanların ruhunu dərk edə bilən,
əql və şüur sahibi olaraq yaratmışdır ki, digər canlılardan fərqli olaraq
yalnız insan öz əqli, şüuru ilə bu kamilliyi bu gözəlliyi dərk edə bilsin.
Sonra Ərşı daşıyan dörd mələyi, Peyğəmbər mələkləri və sayı-hesabı
bilinməyən mələk və huriləri yaratmışdır.
Bu aləmin ən yüksəyinə, ən lətif və gözəlinə “Qeyb aləmi”Ləhut və
ya Cəbərut aləmi deyilir. Bu aləmin axırıncısına Ruhlar-aləmi, məna və
ya əmr aləmi deyilir. Bu aləmin aşağısına və cisimlərə yaxın olanına
Bərzax aləmi və ya Misal aləmi deyilir. Beləliklə ruhlar və mələklər
aləmi,yəni “Məlakul-aləm”bu 14 çeşid ruhlarla tamamlanmışdır.
34
ALLAH SONRA CİSİMLƏR ALƏMİNİ YATARDI
Allah-taala mələklər və ruhlar aləmini yaratdıqdan 2 min il sonra
əzəli iradəsi ilə adını, şanını bəlli etmək üçün cisimlər aləmini yaratdı.
Bunun üçün ilk Gövhərə məhəbbətlə bir daha baxmışdır.Gövhər Allahın
baxışından utanaraq su tokmüş və üzünün suyu dalğalar kimi hərəkətə
gəlib yüksəlmişdir.Dalğalanan Gövhərin uca hissəsindən Ərşi-Əzəm
vücuda gətirmişdir.O biri hissəsindən Kürsü, Cənnət, Cəhənnəm, yed-
di qat göyü şəkiləndirmiş və dörd ünsür bədənə gəlib formalaşmışdır.
Ərşi-Əzəmin altında və onun nurundan Kürsünün, Cənnətlərin üstündə
ağ inci kimi bir fəza yaratmışdır ki, Sidrətul-Müntəhadır. Bura Cəbrail
ilə Müqərrəb mələklərin məkanıdır. Ərşi-Əladan Əsfəli-səfilinə (yer
qatinin ən aşağısına) qədər bu surət aləmi, bu tərtib üzrə nizam tapıb
15 ceşid də Mülk aləminin yaradılışı tamamlanmışdır.Bu aləmlərin üst
təbəqəsinə Ülvü aləm, (Bəqa aləmi) davamlılıq aləmi,axirət aləmi de-
yilir.Orta təbəqəsinə orta aləm, göy cisimlərinin aləmi, Fələklər aləmi
deyilir. Alt təbəqəsinə Qəvn və fəsad aləmi, cisimlər aləmi, ünsürlər
aləmi,axırıncısına isə pozulma aləmi (məhv olmaq), yəni Dünya aləmi
deyilir.
Beləliklə, ruhlar və mələklər aləmi ilə Mülk aləminin toplumu,yəni
çeşidli ruhların növləri ilə bəsit, sadə cisimlərin siniflərinin hamı-
sı, hərflər kimi 29 olaraq (14“Məlakul-aləm”və 15”Mülk aləmi”) ta-
mamlanmışdır. Hər iki aləmin varlıqlarının birləşməsindən üç qisim
mürəkkəb cisim bədənə gəlmişdir:Mədənlər, bitkilər və heyvanlar əmələ
gəlmişdir ki, bu da, hərflərin birləşməsindən hecalar, isim və fellərlə
çeşidli kəlmələrdən əmələ gələn bir cümlənin meydana gəlməsinə və
bunlardan da Cahan kitabının sonsuz mənalar qazanmasına bənzəyir.
İbrət gözü ilə bu aləmə baxan Ariflər hər birində bir çox hikmətlər
görürlər. Beləcə övliyalar Cənabi-Haqqın sənətinin sirlərini idrak edər
və içindəki dərin mənanı anlayaraq, onun yüksək hüzurunu taparlar.
Bilinməz nə vaxtdan firlanır bu tac,
Nə zaman pozular bu gözəl əsas,
Belə nazik fikri dərindən duyub,
Ağıl ölçüsüylə dərk etmək olmaz. (Ömər Xəyyam)
Dostları ilə paylaş: |