831
layihələrin heç biri bəyənilmədi.1849-cu ildə Qafqaz canişini knyaz
Vorontsovun tapşırığı ilə xarici işlər nazirliyinin əməkdaşı N.Xanıkov
“Məhəmmədi ruhanilərin təşkili barədə əsasnamə” layihəsini hazır-
ladı. Layihə bütövlükdə bəyənilsə də Krım müharibəsi onun həyata
keçirilməsini ləngidir.1864-cü ildə həmin işi davam etdirmək üçün yeni
komissiya yaradıldı,yerli şiə və sünni məzhəblərinin nümayəndələri
də komissiyanın tərkibinə qatıldılar. Hazırlanan təlimatlar müsəlman
ruhanilərinin vəzifələrini, hüquq və imtiyazlarını, dünyəvi hakimiyyətlə
münasibətlərini tənzim edirdi. 1867-ci ilə qədər hökumətdən yalnız
Şeyxülİslam və müfti maaş alırdılarsa, bu ildən etibarən digər yüksək
rütbəli müsəlman ruhaniləri də maaş almağa başladılar.”Zaqafqaziya
şiə və sünni Məhəmmədi ruhanilər idarəsi haqqında Əsasnamə” Dövlət
şurasının təqdimatı ilə Rusiya çarı tərəfindən 5 aprel 1872-ci ildə
təsdiq edildi.İdarənin təşkilində rus pravoslav kilsəsinin quruluş prin-
sipi əsas götürülmüşdü. Cənubi Qafqazda 2 müsəlman inzibati orqanı
müftinin başçılığı ilə Sünni ruhani idarəsi (müftilik) və Şeyxülİslamın
sədrliyi altında Şiə ruhani idarəsi (Şeyxülİslamlıq) yaradıldı.Tiflisdə
yerləşən bu iki idarənin hər biri sədrdən, idarə heyətinin üç üzvündən,
iki köməkçisi ilə birlikdə katibdən, mütərcim, mirzə və arxivarius-
dan ibarət idi. Hər iki idarənin tabeliyində Tiflis,İrəvan,Yelizavetpol
(Gəncə) və Bakı quberniyalarının hərəsində 1 məscid olmaqla 4 məscid
var idi. Sünni idarəsində 16, şiə idarəsində 20 qazı var idi. İdarələr
Daxili İşlər Nazirliyinin nəzarəti altında idi və birbaşa canişin qarşısın-
da məsuliyyət daşıyırdı. Azərbaycan Demokratik Respublikası (1918-
1920) yaranana qədər cənubi Qafqaz müsəlmanlarının dini işləri bu iki
idarə tərəfindən tənzim edilmişdir. 1918-ci il dekabrın 11-də Şeyxü-
lİslam Məhəmməd Pişnamazzadə vəzifəsindən istefa verir. ADR sosial
təminat və dini etiqad işləri naziri Musa Rəfibəyovun əmri ilə həmin
vəzifəyə axund Ağa Əlizadə təyin edilir. Bu dövrdə İslamı rasionallaş-
dırmaq, müasirləşdirmək meylləri güclənir.
1920-ci ildə Azərbaycanda sovet hakimiyyəti qurulduqdan son-
ra mayın 15-də Dini etiqad işləri nazirliyi və Şeyxülİslamlıq təsisatı
buraxılır, müsəlman din xadimləri təqiblərə məruz qalır, məscidlərin
əksəriyyəti bağlanır.1943-cü ildə faşist Almaniyasına qarşı mübarizədə
dinin imkanlarından istifadə məqsədilə Zaqafqaziya müsəlmanlarının
dini qurumunun yaradılması məqsədə uyğun hesab edilir. Zaqafqaziya
müsəlmanlarının I qurultayı 25-28 may 1944-cü ildə Bakıda keçirilir
və mərkəzi Bakıda olmaqla Zaqafqaziya Müsəlmanları Ruhani İdarəsi
yaradılır. Axund Ağa Əlizadə Şeyxülİslam seçilir.O, idarənin tarixində
832
seçilmiş ilk Şeyxülİslamdır, ona qədər Şeyxülİslamlar dövlət tərəfindən
təyin edilirdilər. Bundan əlavə, 1944-cü ildən etibarən cənubi Qafqazda
müsəlmanların dini təşkilatlanmasındakı dualizm aradan qalxır.4 iyun
1918-Batumida aparılan danışıqların yekunu olaraq Xalq Cümhuriyyəti
ilə Osmanlı arasında “Sülh və dostluq haqqında” müqavilə imzalanıb.
Müqaviləni Azərbaycan tərəfdən Milli Şuranın sədri M.Rəsulzadə və
xarici işlər naziri M.Hacınski, Osmanlı tərəfdən ədliyyə naziri Xəlil
bəy və Qafqaz cəbhəsinin komandanı Vahib paşa imzalamışdı. Bu
müqavilə ilə Xalq Cümhuriyyəti birinci olaraq Osmanlı tərəfindən ta-
nınıb. Müqavilədə Osmanlı dövləti Xalq Cümhuriyyətinə hərbi yar-
dım göstərmək barədə öhdəlik götürüb.İstiqlal Bəyannaməsi bütün
türk-müsəlman dünyasında, ümumiyyətlə bütün Şərqdə ilk dəfə ola-
raq demokratik parlamentli müstəqil Azərbaycan dövlətinin yaradıl-
masını xəbər verirdi. Azərbaycan Demokratik Respublikası rəhbəri
Məhəmməd Əmin Rəsulzadənin təklifi ilə ruhani idarələrini müsəlman
məmurlarına həvalə etməklə Tiflis şəhərindəki ruhani idarələrinin ba-
zasında Bakıda vahid, müsəlman ruhani idarəsinin yaradılması qərara
alındı. Azərbaycan Demokratik Respublikası hökuməti müsəlmanlar
üçün Qafqaz müsəlmanlarının vahid ruhani idarəsinin yaradılmasına
nail oldu. 1918-ci il dekabrın 11-də çar hökuməti orqanlarının təyin
etdiyi Qafqaz Şeyxülİslamı M.Ə.Pişnamazzadə vəzifəsindən istefa ver-
di.Azərbaycan Demokratik Cümhuriyyəti sosial təminat və dini etiqad
naziri Musa bəy Rəfiyevin sərəncamı ilə 48 yaşlı Axund Kərim Ağa
Əlizadə Qafqaz müsəlmanlarının birgə ruhani idarəsinin sədri, Şeyxü-
lİslam təyin edildi. Yeni Şeyxülİslam məzhəb ayrıseçkiliyini rədd edən,
mütərrəqi fikirli, milli heysiyyəti güclü olan, parlamentin işinə kömək
edən bir şəxs idi.Molla Ağa Əlizadə Azərbaycanda ilk Demokratik
Respublikanın yaranmasını ürəkdən alqışlayan din xadimlərindən idi.
Azərbaycan Demokratik Respublikası yaranmasının birinci ildönümü
münasibətilə o demişdir: “Azadlığı yalnız müstəqil yaşamaq yolu ilə
qorumaq və müdafiə etmək olar.Öz əqidəsini və fikrini şövqlə söyləmək
və öz bəşəri iradəsini ifadə etmək yalnız müstəqil ölkədə mümkündür.
Asılı olmayan tədris ocaqlarında orta və ali məktəblərdə ölkənin ca-
maatının faydalana biləcəyi bütün biliklərə yiyələnmiş şüurlu adam-
lar yetişər. Allah-taalanın buyruqlarını yalnız ölkənin istiqlaliyyəti
şəraitində müvəffəqiyyətlə intişara yetirmək olar.İstiqlal hər bir tayfa-
ya və hər bir şəxsiyyətə lazımdır”. Zaqafqaziya Müsəlmanları Ruhani
İdarəsi vahid mərkəz olur və Şeyxülİslam tərəfindən idarə olunur, İdarə
sədrinin birinci müavini sayılır və şiə məzhəb müsəlmanların şəriətlə