|
![](/i/favi32.png) Agrotexnologiyalar instituti odiljon shermatov agrosanoat majmuasiAgrosanoat majmui iqtisodiyoti11
shakllanganiga uncha katta vaqt bo‘lgan emas. Adabiyotlarda
“Agrosanoat integrasiyasi”, “Agrobiznes”, “Agrosanoat majmuasi”
tushunchalarining paydo bo‘lishi 1950 yillar oxiriga to‘g‘ri keladi.
“Agrosanoat majmuasi iqtisodiyoti” alohida fan sifatida 1960
yillardan boshlab o‘rganila boshlandi. Bizning mamlakatimizda bu fan
1970 yillarning o‘rtalarida shakllandi va mutaxassislar tomonidan
o‘rganilib, rivojlantirilmoqda. “Agrosanoat majmuasi iqtisodiyoti” fani
dinamik rivojlanib borayotgan fanlar qatoriga kiradi. Shu sababli
dunyo iqtisodiyotida va mamlakat iqtisodiy siyosatida yuz berayotgan
hodisalar “Agrosanoat majmuasi iqtisodiyoti” fanining rivojlanishiga
bevosita ta’sir etadi. Shunday ekan, fan o‘z predmetini o‘rganishda
tarixiy–dealektik rivojlanish usulidan ham keng foydalanadi. Bunda
majmuaga kirgan bir tarmoqda yuz bergan o‘zgarish uning boshqa
tarmoqlari foliyatida o‘z aksini topishi doimiy hisobga olinib turiladi.
Demak, “Agrosanoat majmuasi iqtisodiyoti” fani boshqa iqtisodiy fanlar
kabi iqtisodiyotda yuz berayotgan barcha o‘zgarishlarni bir-biriga
bog‘liq holda o‘rganadi.
1.3. “Agrosanoat
majmuasi iqtisodiyoti” fanining vazifalari
“Agrosanoat majmuasi iqtisodiyoti” fanining asosiy maqsadi
o‘quvchilarni majmuaning iqtisodiy masalalari bo‘yicha davlat
standartlari darajasida barcha zaruriy bilimlar majmuasi bilan
qurollantirishdir. Mutaxas sislarga majmuada yuzaga keladigan ko‘plab
iqtisodiy muammolar va masalalarning moʻtadil yechimini topishda
nazariy asos bo‘lib xizmat qiladi.
“Agrosanoat majmuasi iqtisodiyoti” fanining asosiy vazifasi
o‘quvchilarni agrosanoat majmuasi tarmoqlarida iqtisodiyotning
dolzarb masalalari bilan tanishtirish, ularni yechish bo‘yicha
mutaxassislarga yetarli darajada bilim berishdir. Ushbu masalalarga
quyidagilarni kiritish mumkin:
- agrosanoat integrasiyasi;
- agrosanoat majmuasi tarmoq tarkibi;
- agrosanoat majmuasi tarmoqlari rivojlanishining hozirgi holati;
-majmua tarmoqlaridagi ishlab chiqarish omillaridan samarali
foydalanish yo‘llari;
- agromarketing;
- agrosanoat majmuasi menejmenti;
|
|
|