Agrotexnologiyalar instituti odiljon shermatov agrosanoat majmuasi
Yüklə 0,94 Mb. Pdf görüntüsü
|
| Тақризчилар:
S.R.Umarov- “Toshkent irrigatsiya va qishloq xo‘jaligini mexanizatsiyalash muhandislari instituti” milliy tadqiqot universiteti professori i.f.d. Q.H.Muftaydinov- Andijon mashinasozlik instituti, “Iqtisodiyot” kafedrasi professori i.f.d. Darslik Andijon qishloq xo‘jaligi va agrotexnologiyalar instituti Kengashining 2022-yil 29-dekabrdagi 8-sonli majlis bayoni bilan ma’qullangan. ISBN: 978-9943-9651-2-6 © O.Shermatov. Agrosanoat majmuasi iqtisodiyoti (Darslik). 2023 y. © “Step by step print” MChJ bosmaxonasi. Andijon – 2023. 3 KIRISH O‘zbekiston agrar mamlakat hisoblanib, qishloq xo‘jaligi mamlakat iqtisodiyotida salmoqli o‘rinni egallaydi. Iqtisodiyotni raqamlashtirish sharoitida aholini oziq-ovqat mahsulotlari, sanoat korxonalarini xomashyo bilan ta’minlash hamda mamlakat valyuta tushumini ko‘paytirish manbai, iqtisodiyotning boshqa tarmoqlari uchun potensial bozor sifatida qishloq xo‘jaligining ahamiyati beqiyosdir. Shu asosda qishloq xo‘jaligida maxsulot yetishtirish xajmi va sifatini bozor talablariga moslashtirish,yetishtirilgan qishloq xo‘jaligi maxsulotlarni qayta ishlash va tayyor maxsulotlarni iste’molchilarga yetkazish bilan bog‘liq ishlab chiqarish zanjirini shakllantirishda agrosanoat majmuasi tarmoqlarining o‘rni va ahamiyati kattadir. Raqamli iqtisodiyot sharoitida agrosanoat majmuasi korxonalari faoliyatining asosiy maqsadi-jamiyat uchun yetarli xajmda va sifatda qishloq xo‘jaligi mahsulotlari yetishtirish, qayta ishlash, hamda iste’molchilarga yetkazib berish bilan bog‘liq tizimni bir meyorda barqaror ishlashini ta’minlash asosida aholi turmush darajasini oshirishga xizmat qilishdan iborat. Majmuada bugungi sharoitda eng ilg‘or va samarali xisoblangan iqtisodiy mexanizmlarni yaratish, innovasiya va novasiyalarni faoliyatga samarali tadbiq etish, tizimda resurslar bozorini samarali yo‘lga qo‘yish xamda yuksak darajada bilim va tajribalarga ega bo‘lgan inson kapitalini shakllantirish dolzarb masalalardan hisoblanadi. Agrosanoat majmuasini rivojlantirish eng avvalo majmua tarkibiga kiruvchi korxonalarning iqtisodiy barqarorligini ta’minlash asosida turli toifadagi korxonalarni o‘zaro iqtisodiy xamkorligini yanada rivojlantirishga xizmat qiladi. Mamlakat agrosanoat majmuasining rivojlantirishga O‘zbekiston Respublikasi Prezidenti va hukumati tomonidan doimiy alohida e’tibor qaratilmoqda. O‘tgan davr mobaynida agrosanoat majmuasi tarmoq hamda korxonalari faoliyatini tashkil etish va samarali faoliyatini yo‘lga qo‘yish yuzasidan mustahkam huquqiy baza yaratildi va xozirgi kunda yanada takomillashtirilmoqda. Iqtisodiy islohotlar natijasida mamlakat iqtisodiyotida sezilarli darajada tarkibiy va sifat o‘zgarishlari amalga oshirildi. Ayniqsa, mulkiy munosabatlar takomillashdi va bu holat agrar sohada nodavlat sektorning tez rivojlanishiga asos bo‘ldi. Bugungi kunda qishloq xo‘jaligida maxsulot ishlab chiqarish asosan agroklasterlar, fermer xo‘jaliklari, tomorqa yer |