Agrotexnologiyalar instituti odiljon shermatov agrosanoat majmuasi
Yüklə 0,94 Mb. Pdf görüntüsü
|
| 5
to‘g‘risida hamda sohani boshqarish, tartibga solib turish maqsadida zarur boshqaruv qarorlarni qabul qilish uchun yetarli darajada nazariy va amaliy bilimlarni shakllantirish hisoblanadi. Oliy ta’limning Iqtisodiyot (qishloq xo‘jaligida) ta’lim yo‘nalishida “Agrosanoat majmuasi iqtisodiyoti” fanidan tashqari “Qishloq xo‘jaligi iqtisodiyoti” va “Fermer xo‘jaliklari iqtisodiyoti” fanlari xam o‘tiladi. Ushbu fanlarda qishloq xo‘jaligi va uning tarmoqlari iqtisodiyoti chuqur o‘rganilishini hisobga olib, fanlarda asoslanmagan takrorlanishga yo‘l qo‘ymaslik uchun qishloq xo‘jaligi ekin turlari va chorvachilik yo‘nalishlari iqtisodiyoti ushbu fanda alohida bob sifatida o‘rganilmaydi. “Agrosanoat majmuasi iqtisodiyoti” fanining barcha boblarini tinglovchilarga yetkazishda pedagogik texnologiyalarning “blis-so‘rov”, “insert”, “aqliy hujum”, “pinbord”, “delfi”, “klaster” kabi usul va texnikalaridan keng foydalaniladi. Yuqorida sanab o‘tilgan masalalarni ilmiy hal etish uchun zaruriy nazariy bilimlarni o‘zlashtirishda ushbu darslik asos bo‘lib xizmat qiladi degan umiddamiz. 6 1-BOB. “AGROSANOAT MAJMUASI IQTISODIYOTI” FANINING PREDMETI VAZIFALARI VA O‘RGANISH USULLARI 1.1. “Agrosanoat majmuasi iqtisodiyoti” fanining predmeti, boshqa fanlar bilan bog‘liqligi “ Agrosanoat majmuasi iqtisodiyoti” fani iqtisodiy fanlar tarkibiga kirib, maxsulot ishlab chiqarish, qayta ishlash va sotish jarayonlarini samarali tashkil etishda tarmoqni moddiy–texnika xamda xizmat turlari bilan ta’minlash bilan bog‘liq iqtisodiy munosabatlarni o‘rganadi. Har qanday ishlab chiqarish iqtisodiyoti ma’lum tarmoq, soha va xizmatlar yig‘indisidan iboratdir. Ushbu tarmoq, soha va xizmatlar ichida agrosanoat majuasi eng asosiy sohalardan biri bo‘lib, jamiyatning hayoti, turmush darajasi ko‘p jihatdan uning rivojlanishi bilan belgilanadi. Agrosanoat majmuasida insonlar uchun hayot manbai hisoblangan oziq-ovqat, kiyim kechak, sanoatning ko‘plab tarmoqlari uchun xomashyo mahsulotlari ishlab chiqariladi. Boshqacha qilib aytganda, insonlarning hayoti bilan bevosita bog‘langan soha hisoblanadi. Shu asosda agrosanoat majmuasini rivojlanishini ta’minlaydigan bilimlarni o‘rganish zarurati tug‘iladi. Natijada boshqa iqtisodiy fanlar qatorida agrosanoat majmuasi iqtisodiyoti fani ham rivojlanib kelmoqda. “ Agrosanoat majmuasi iqtisodiyoti” fani o‘z o‘rganish ob’yektlari va predmetiga ega. Fanning predmeti ob’yektiv iqtisodiy qonunlarning agrosanoat majmuasiga kiruvchi tarmoqlarida amal qilishining o‘ziga xos tomonlarini o‘rganish hisoblanadi. Doimiy rivojlanishda bo‘lgan ushbu fan agrosanoat majmuasi tarmoqlari iqtisodiyotida yuz berayotgan o‘zgarishlar, ulardagi ishlab chiqarish omillari: mehnat resurslari, yer va suv fondi, asosiy ishlab chiqarish vositalari va tadbirkorlik imkoniyatlaridan samarali foydalanish yo‘llarini o‘rganadi. Fan agrosanoat majmuasiga kiruvchi tarmoqlarning o‘ziga xos xususiyatlarini, ularda ishlab chiqarishni samaradorligiga ta’sir qiluvchi omillar va ularning ta’sirini ham o‘rganadi. “ Agrosanoat majmuasi iqtisodiyoti” fani agrosanoat majmuasi tarmoqlari taraqqiyotidagi ijobiy va salbiy tendensiyalarni o‘rganadi va mutaxassislarga ularni yaxshilash yo‘nalishlari to‘g‘risida zarur |