ahmedalhasan313.wordpress.com
27
Əvvəla onu da qeyd edək ki, Əli ibn Muhəmməd Səmərinin İmam Mehdi (ə.s)’dan
rəvayət etdiyi hədis haqqında nəql edilən bir söhbət var. Onun mətni belədir: … Mən
dedim ki, “Ey mövlam, həqiqətən də bizim alimlərimiz Əmrin Sahibi (ə.s) haqqında bəzi
hədisləri nəql etdilər. Böyük qeybətə girməsi əmr edildiyi zaman o demişdir, “Böyük
qeybətimdə məni gördüyünü iddia edən kəslər yalançıdır.” Buna baxmayaraq bir çox
şəxslər onu görmüşdür, hətta sizin belə aranızdan.” O da belə dedi: “Doğru söylədin,
lakin o (ə.s) bunu o zamanda demişdir, çünki Bəni-Abbas fironları ilə yanaşı öz ailəsindən
də xeyli düşmən var idi, hətta o qədər ki, Şiələr bir-birini İmam haqqında danışmaqdan
çəkindirdi. İndiki zamana gəlincə, xeyli zaman keçdi və düşmən ümidini kəsdi. Bizim
torpaqlarımız onların idarəçiliyi xaricindədir və biz də onların zülmündən qorunmaq-
dayıq. Həmçinin İmam (ə.s)’ın bərəkətilə düşmənlərinin heç birinin bizə əli çata bilməz.”
- Ğeybəti Numani: s.187; Təfsiri-Əyyaşi: 2/56, Biharul-Ənvar: 52/341, Mücəmul-Əhadis: 5/2
Məntiq prinsiplərinə əsasən insanların qəbul etdiyi əqli qaydalardan biri də budur ki,
“Naməlum bir məsələ və xüsusi bir məsələ eyni statusdadır”. Və “Süfyaninin xürucun-
dan və göydən gələn seyhədən (nidadan) əvvəl məni gördüyünü iddia edən kəslər
iftiraçı bir yalançıdır” şəklində olan Səmərinin rəvayətində mövcud olan məsələ
naməlum bir məsələdir. Şübhəsiz o, xüsusi bir məsələ ilə eyni statusdadır, yəni belə də
deyilə bilər: “Süfyaninin xürucundan və göydən gələn seyhədən (nidadan) əvvəl məni
gördüyünü iddia edən kəslərin bir qismi iftiraçı bir yalançıdır.” Onsuz da hədisdə
ümumiyyətə işarə edən açıq bir ibarə yoxdur, əksinə xüsusa işarə edən açıq bir ibarə
vardır. O ibarə İmam Mehdi (ə.s)’ın qiyamından əvvəlki dövrdə onu təmsil edəcək birini
göndərəcəyini açıqlayan rəvayətlərdir. Onların arasında məzkur rəvayət (bu, İmam Baqir
(ə.s)’dan nəql edilən rəvayətdir) və Yəmani barədə olan rəvayətlər vardır, həmçinin
bundan başqaları da çox saydadır.
Xüsusilə də məntiq prinsiplərilə tanış olmayan kəslər üçün məsələni daha geniş şəkildə
açıqlamaq üçün deyirəm: Bu məsələ ya müəyyən (məlum) ya da qeyri-müəyyən
(naməlum) olmalıdır. Məlum olan şey isə ya ümumiyyəti, ya da xüsusiyyəti
müəyyənləşdirməlidir. Çünki “…məni gördüyünü iddia edən kəslərin HAMISI iftiraçı
bir yalançıdır” deyilsəydi, bu ümumiyyətə işarə edən bir məsələ olardı. Çünki cümlədə
“hamısı” ifadəsi keçmişdir. Əgər “…məni gördüyünü iddia edən kəslərin BİR QİSMİ
iftiraçı bir yalançıdır” deyilsəydi, bu da xüsusiyyətə işarə edən bir məsələ olardı. Çünki
bu cümlədə “bir qismi” ifadəsi keçmişdir. Lakin məsələni qeyri-müəyyən olaraq
saxlasanız və (hamısı, bir qismi kimi) bir işarə (indikator) işlətməsəniz, onda bu, xüsusi
bir məsələ ilə eyni statusda olacaq. Bu səbəbdən ümumiyyətinə işarə edən açıq bir işarə
olmadıqca, ümumiyyətdən söz edilə bilməz. Çünki bu işarə yoxdursa və var olan şey
xüsusiyyətə işarə edirsə, bu məsələ həqiqətən də xüsusi bir məsələdir. Yuxarıdakı məsələ
isə, qeyri-müəyyən bir məsələdir və onun ümumiyyətinə işarə edən heç bir işarə yoxdur,
əksinə onun xüsusiyyətinə işarə edən bir işarə vardır (və bu, İmamların (ə.s)
Ansarullah Production
28
rəvayətləridir). Ona görə də bu məsələ xüsusi məsələlərdən biridir və həmçinin
Səmərinin rəvayəti hər cür elçiliyin kəsildiyinə işarə etməməkdədir.
Elə isə onlar necə möhkəmi mütəşabihə çevirirlər? Nə haqla möhkəmi bir kənara atırlar?!”
Və bugün təqlidçilər bəzi müctehidlərin İmam Mehdi (ə.s)’ın bəzi şəxslərə göründüyünü
qəbul etdikləri halda necə olur ki, Əhməd əl Həsən (ə.s)’a gəldikdə bunu inkar edirlər.
İshaq ibn Əmmar əs-Seyrəfi nəql edir: Əba Əbdillah (ə.s)’ın belə dediyini eşitdim:
“Qaimin iki qeybə çəkilməsi olacaqdır. Onlardan biri uzundur, digəri isə qısa. Birincidə
onun yerini xüsusi şiələri biləcək, DİGƏRİNDƏ İSƏ ONUN YERİNİ YALNIZCA XAS
DİN DOSTLARI BİLƏCƏK.”
- Kafi: 1/340, hədis 19; Təqribul-Məarif: 190; İsbatul-Huda: 3/445, hədis 29; Biharul-Ənvar:
52/155, hədis 10 və 11; Ğeybəti-Numani (azəricə): s.184, hədis 1
Əbu Bəsir nəql edir: Əba Əbdillah (ə.s) buyurdu: “Bu işin sahibinin mütləq qeybə
çəkilməsi olacaq. Qeybə çəkildiyi zaman da mütləq insanlardan uzaq olacaq. Nə gözəl
mənzildir Təyyibə (Mədineyi-Münəvvərənin adlarından biridir). OTUZ NƏFƏRLƏ
BİRGƏ heç bir vəhşət və tənhalıq yoxdur.”
- Kafi: 1/34, hədis 16; Təqribul-Məarif: 190; Biharul-Ənvar: 52/157, hədis 20; Ğeybəti-Numani
(azəricə): s.205, hədis 41
Beləliklə, inkarçılara özlərinin dəlil gətirdiyi hədisin açıqlamasını verərək bunu Əhməd
əl Həsən (ə.s)’a qarşı istifadə edə bilməyəcəklərini açıqladıqdan sonra, daha bir həqiqəti
də açıqlayacağıq.
MUHƏMMƏD İBN NUSEYR
Həqiqət budur ki, İmam Mehdi (ə.s)’ın kiçik qeybəti dövründə sadəcə bir naibi olmuşdur
ki, o da Muhəmməd ibn Nuseyr əl-Numeyr olmuşdur. Lakin onun barədə yalan və
iftiralar ortaya çıxararaq haqqı qəsb edilmiş və tərk edilmişdir. Beləliklə insanlar həqiqi
naibdən uzaqlaşıb, Hüseyn ibn Ruh və Əli ibn Muhəmməd Səməri kimi Bəni-Abbasa
çalışan saxtakar hökumət adamlarına və onların naib olduqlarına inandılar. Nəticədə
haqdan tamamilə uzaqlaşaraq batilə yuvarlandılar. Və həqiqi naib olan Muhəmməd ibn
Nuseyri tərk etdilər. Halbuki İmamlardan (ə.s) olan hədislərdə Nuseyrin bab olacağı
öncədən xəbər verilmiş, onun şəxsiyyəti təriflənmiş və xas Şiələrdən olduğu vurğulan-
mışdı. Lakin bunlara baxmayaraq insanlar iftira və böhtanlara uyaraq onun naibliyini
inkar etdilər.
Əbu Muhəmməd Həsən Əskəri (ə.s) buyurdu: “MUHƏMMƏD İBN NUSEYR biz
Əhlibeytin (ə.s) möminlər üzərində höccətidir. O gizlədilmiş inci kimidir və Səlmanın
məqamındadır. Höccətlərimizdən bir höccəttir. Kim onun məqamına şübhə edər, onun
Dostları ilə paylaş: |