21
məqaləsində M.Ə.Rəsulzadəyə xitabən yazır: “Əvət, Məmmədəmin bəy əfəndi, şu siyasi səhnəyə sosial-demokrat
olaraq qatılmışsmız. Və bu ideologiyanızdan ki, aşağı-yuxarı iyirmi yeddi ildən bəri daşıyırsınız, nə milli hökumət
dövründə, nə də on dörd illik mühacirət dövründə heç bir zaman ayrılmamışsınız. Bu qayəniz və sosial demokrat
məsləkiniz sizin üçün müqəddəs ola bilər”. Nağı bəy Şeyxzamanlının emosiyaya qatılaraq yazmış olduğu bu fıkirlər
mühacirət dönəmində Müsavat Partiyası daxilində yaranan fraksiyaçılıqdan doğurdu. Ona görə də bu
söylənilənlərdə Rəsulzadənin fəaliyyətinə kölgəli heç bir məqam yoxdur və ola da bilməz. Sosial-demokrat ideyası
bolşevizmlə heç cür uyğun deyil və bu iki ideya arasında hardasa yaxınlaşmalar olsa belə, sosial-demokratlar
nəslinin yetişməsi ötən əsrin əvvəllərində Azərbaycanda tarixi reallıqlardan doğurdu.
Nəriman Nərimanovun siyasi fəaliyyətində tarixi reallıqlar daha çox özünü göstərir. Ötən əsrin əvvəllərində
milli mətbuatın təşəkkülü və inkişafı bir neçə istedadlı publisistlərin yetişməsinə şərait yaratdı ki, onlardan biri
M.Ə.Rəsulzadə, digəri isə Nəriman Nərimanovdur. Nərimanov Məmmədəminin rəhbərlik etdiyi “İrşad”, “Açıq
söz” qəzetlərində müntəzəm publisistik yazılarla çıxış etmiş, ölkənin problemlərinə baxışda eyni mövqe
sərgiləmişlər. Onların qəzetçilik fəaliyyəti, birgə çalışmaları onu deməyə əsas verir ki, bu iki tarixi şəxsiyyət bir-
birini yaxından tanımış, düşüncələrinə, məfkurəsinə bələd olmuşlar.
Bəzi tarixi sənəd və faktlardan bəlli olur ki, Nərimanovun siyasi fəaliyyətində Azərbaycan Xalq
Cümhuriyyətinə münasibəti xüsusi yer tutur. Sovet dövrünün tarixçiləri guya Nərimanovun Azərbaycan Xalq
Cümhuriyyətinə qarşı ardıcıl mübarizə aparması haqda yazdıqları heç bir dəlilə əsaslanmır. Nərimanov Milli
hökumət dönəmində Azərbaycanda yaranmış vəziyyət barədə baş nazir Nəsib bəy Yusubbəyliyə açıq məktub
ünvanlamış, fıkirlərini açıq şəkildə bildirmişdir. Bu məktubla yanaşı bir-iki məqalədən başqa milli hökumət barədə
tənqidi fikirlər səsləndirməmişdir.
Müstəqil Azərbaycan Cümhuriyyətinin yıxılmasını, bolşeviklərin hakimiyyətə gəlməsinin səbəblərini
Nərimanovun fəaliyyətinin nəticəsi kimi qiymətləndirmək tarixi gerçəkliklərə uyğun deyil.
Nərimanovun AXCP-yə münasibətini, Həştərxanda olarkən hazırladığı “Qafqazın işğalına baxış”
məruzəsində öyrənmək olar. Nərimanov sözügedən məruzədə deyirdi: “Əgər 1918-ci ilin sentyabrında, yaxud
oktyabrında mənə desəydilər ki, fəaliyyət dairənizi genişləndirin, bu nə mənəvi, nə hüquqi, nə də siyasi nöqteyi-
nəzərdən məqsədəuyğun deyildi. Gərək etiraf edək ki, bizim Qafqazdan getməyimiz heç kimdə heyifslənmə hissi
doğurmadı. Çünki bu yerli əhalinin milli-tarixi düşüncələrini, sosial-məişət ənənəsini, mənəvi tələblərini nəzərə
almadan bir siyasət həyata keçirirdi”.
Nərimanovun yazdığı kimi, “yerli əhalinin milli-tarixi düşüncələrini, sosial-məişət ənənəsini, mənəvi
tələbləri”ni Azərbaycan Xalq Cümhuriyyəti nəzərə aldıqdan, xalqın istəklərinə, istiqlal düşüncələrinə uyğun
siyasəti həyata keçirdiyindən sosialistlər heç bir dəstəyə malik deyildilər. “Mən bu vəziyyəti o zamanlar da
açıqlayırdım, amma mənim sözlərimə baxan olmadı. Mən o zamanlar tam inandım ki, Bakıdakı Sovet hakimiyyəti
daşnakların əlindədir”. Bunu da Nəriman Nərimanov söyləyirdi.
1920-ci ildə Azərbaycan parlamenti hakimiyyəti müsəlman kommunistlərə təhvil verdikdən sonra repressiya
dalğası başladı. XI Qızıl Ordunun başında dayanan Pankratov Müsavat liderinin oradan götürülməsi əmrini
vermişdir. Əvvəl Lahıçda gizlənən, sonra isə Tiflisə gəlmək istəyən M.Ə.Rəsulzadə həbsdə olarkən təsadüfən əlinə
düşən qəzetdəki bir məqaləni “Stalinlə ixtilal xatirə”lərində qələmə alaraq yazırdı: “Azərbaycan Sovet hökumətinin
sədri doktor Nəriman Nərimanovun imzası ilə ilk səhifədə rəsmi bir məlumat vardı. Məlumatın xatirimdə qalan
mətnini burada nəql edirəm: “M.Ə.Rəsulzadəni vilayətlərdə hər cür təhlükədən qorumaq məqsədilə Sovet
hökuməti onun paytaxta gətirilməsinə qərar vermişdir. Burada isə həyatı əmniyyət altındadır, əhalinin bu xüsusda
əmin olmasını və həyəcana düşməməsini tövsiyə edirik”.
M.Ə.Rəsulzadəni qorumaq bəhanəsiylə ümumi fikir azdırılsa da, onun dərhal güllələnməməsinin səbəbləri
vardı. İran inqilab hökumətinin görkəmli liderlərindən olan Heydər xan Əmioğlu Sovet Azərbaycanının əksər
nüfuzlu şəxsləriylə əlaqə yaradaraq “Məmməd Əminin başından bir tük əskik olmamalıdır” mesajını ünvanlamışdı.
Bir müddətdən sonra Bakıya gələn Stalin yalnız Nərimanova bildirir ki, həbsxanaya gedib, Rəsulzadə ilə
görüşmüş, “burdakı kommunistlər sizdən qorxurlar, bir qismi sizin öldürülməyinizi, bir qism isə həbsdə
qalmağınızı istəyirlər” söyləmişdi. Aralarında olan razılaşmaya uyğun Müsavat lideri Stalinlə birgə Moskvaya
yollanmış, bir müddət Kremldə çalışdıqdan sonra xaricə mühacirət etmişdi.
Rəsulzadə “Stalinlə ixtilal xatirələrində” yazır ki, Stalinin məqsədi onunla Nərimanov şəxsiyyətini üz-üzə
qoymaq, bu kəskin münasibətlərdən öz missiyası üçün istifadə etmək olub. Rəsulzadə adı çəkilən xatiratında
Nərimanovun hakimiyyət imkanlarına da yer ayırıb. Belə ki, “Osoba otdel” Nərimanovun sərəncamına əhəmiyyət
verməmiş, Rəsulzadə ilə Lahıçda həbs olunan Abbasqulu Kazımzadə məhbəsdən buraxılmamışdı.
Nərimanovun “biz onun da həbsdən azad olunmasını demişdik” sözlərinə Rəsulzadə belə cavab vermişdi:
“Ola bilsin ki, demişdiniz, amma olan oldu, icazə vermədilər”.
Bu iki böyük şəxsiyət ideya və məzmunca müxtəlif dövlət quruluşlarının məsləkdaşları kimi Azərbaycan
tarixində öz missiyalarnı yerinə yetirmişlər. Hər ikisinin amalı Azərbaycana xidmət olub, hər ikisi milli
Azərbaycan uğrunda çalışıblar. M.Ə.Rəsulzadə və onun müstəqil Azərbaycan tərəfdarları sözdən reallığa
çevirdikləri respublikanı Nəriman Nərimanovun sosialistlərinə təhvil verirkən, bu müstəqilliyin davamı olacağına