20
Gümrü müqaviləsinə görə Naxçıvan, Şahtaxtı və Şərur əraziləri Türkiyə himayəsindəydi. Referendum təyin
olunacaq dövrə qədər burada Türkiyə qoşunları saxlanılmalıydı. Nərimanovun bu məlum bəyanatı etirazlarla
qarşılanır, yerlərdə aksiyalar keçirilirdi. İxtişaşlar baş verdiyindən Türkiyə qoşunlarının Naxçıvan ətrafında
olmasından istifadə edən Nərimanov ərazi siyasəti məsələsində qətiyyət göstərmək istədi. Sovet Azərbaycanının
Xarici işlər naziri Behbud bəy Şahtaxtinskini Naxçıvana göndərib təlimatlandırdı. Şahtaxtinski xalqın həyəcanına
şərik olaraq etiraz aksiyasında söyləyirdi: “Azərbaycan sizi torpaqlarınızla birlikdə Ermənistana satıb, əgər mən
Bakıda olsaydım, buna qəti surətdə razılıq verməzdim. Siz torpağınızla birlikdə öz müstəqilliyinizi saxlamaq
istəyirsinizsə, burada istinad edəcəyiniz yeganə qüvvə Türkiyə qoşunlarıdır”. Atatürk və Stalinin təbirincə deyilsə,
“Türk qapısı” olan Naxçıvanın əhalisi tarixdə qətiyyət göstərərək silahlı müqavimət həddinə qədər mübarizə aparıb
Ermənistan idarəçiliyinə daxil olmadı. Sovet Ermənistanının liderlərindən olan Nazaretyan “Afərin,
azərbaycanlılar” məqaləsini Naxçıvanın müstəqil Sovet respublikasına göndərdi. Tezliklə Naxçıvanda keçirilən rəy
sorğusu erməni siyasətinə, xülyalarına əl yeri qoymadı. Əhalinin 90 faizi Naxçıvanın Muxtar Respublika
statusunda Azərbaycanın tərkibində qalmasına səs verdilər. Bu statusa hüquq qazandıracaq “Qars müqaviləsi”nin
Türkiyə tərəfındən Qafqaz respublikalarının hər biriylə ayrı-ayrılıqda ikitərəfli qaydada imzalamaq cəhdi gərgin
proseslərə çevrildi. Və Türkiyə tərəfinin bu məsələ də ümid yeri Nərimanov idi. Türkiyə Xarici işlər naziri Yusif
Kamal Azərbaycan səfiri İbrahim Əbilovdan xahiş edirdi ki, Nərimanovla əlaqə yaradıb, bu məsələyə köməklik
göstərməsini ondan xahiş etsin. Bunun nəticəsində Nərimanov “Qars müqaviləsi”nin ratifikasiyasında Türkiyənin
istəklərinə uyğun hərəkət etdi. Nəriman Nərimanov ərazi itkilərinə baxışını belə açıqlamışdı: “Əgər Azərbaycanın
müsəlman kommunistlərinin əksəriyyəti millətçilik əhval-ruhiyyəsində olsaydı, inanın ki, Ermənistan Zəngəzuru
olmazdı, Gürcüstana müftə neft verilməzdi”. Amma bu da bir faktdır ki, “Nərimanov bəyanatı”na əsasən
Zəngəzurun
təxminən
4504,5
kv.m
ərazisi
Ermənistana
bağışlandı.
Nəriman Nərimanov və Məmməd Əmin Rəsulzadə münasibətləri
Bu iki tarixi şəxsiyyət arasında əlaqələrin hansı formada olması maraq doğursa da, indiyə qədər
öyrənilməmişdir. Sadəcə M.Ə.Rəsulzadə irsini araşdıran Azərbaycan Xalq Cümhuriyyətinin tədqiqatçıları
Nərimanovun siyasi fəaliyyətinə ideoloji rakursdan yanaşaraq, müəyyən anlaşılmazlığa, səhvlərə yol vermişlər.
Nərimanovşünaslar da heç bir tarixi dəlilə, fakta əsaslanmayan Azərbaycanın Müsavat dövrünə münasibətdə
eyni səhvləri təkrar etmişlər. Bəs həqiqət necədir? Bu həqiqətləri arayıb-ortaya çıxarmaq üçün arxiv materialarına,
dövrün mətbuat səhifələrinə, Nərimanov və Rəsulzadənin nitqlərinə, məqalələrinə nəzər yetirmək gərəkdir. Əlbəttə
ki, bu iki tarixi şəxsiyyət Azərbaycanın bir-birinin əksi olan müxtəlif ideoloji sistemlərini müəyyənləşdirmiş,
dövlətçilik yolu seçmişlər. Nərimanov və Rəsulzadənin istəkləri arasındakı fərqi ortaya qoymaq üçün yaranmış
siyasi situasiyalar, Azərbaycanın xarici dövlətlərlə münasibətləri, beynəlxalq şərait nəzərə alınmalı, qərəzsiz
şəkildə təhlilini tapmalıdır. Tarixi şəxsiyyətlər arasında münasibətlərə ilk dəfə mərhum professor Şamil Qurbanov
toxunmuş, bəzi məqamlara aydınlıq gətirmişdir. Sadəcə, Şamil müəllim məsələyə Nərimanovun siyasi nöqteyi-
nəzərindən “Rəsulzadənin istədiyini biz istəmirik” cavabını əsas götürmüş bu şəxsiyyətlərin bir-birinə olan
münasibətlərinin emosional tonunu araşdırmasma əlavə etmək istəməmişdir. Ancaq istər Nərimanov, istər
Məmmədəmin Rəsulzadə öz çıxışlarında, yazılarında bir-birilərinin ünvanına çox kəskin ittihamlarda bulunmuşlar.
“Müsavat ölmüşdür, tarix onu məhvə məhkum etmişdir”. Bu hökmü Nərimanov Moskvadan Bakıya
dönəndən sonra “Təzə Pir” məscidinin həyətindəki görüşündə səsləndirmişdir. Həmin vaxt M.Ə.Rəsulzadənin
Moskvaya Stalinin yanında çalışmasına baxmayaraq Müsavata qarşı kampaniya aparılırdı. Azərbaycan Xalq
Cümhurriyyəti “milli burjua hökuməti”, “varlı və mülkədarların mənafelərinə xidmət edən siyasi quruluş” kimi
ittihamlara hədəf olurdu. “Moskvadan Bakıya vürud edən Nəriman “Təzə Pir” meydanında xalqa xitabən söylədiyi
nitqində diyordu ki, məxsusi bir komisiyon təşkil etdik. Bu komisiyon əski hökumətin ovraqını tədqiq ediyor. Bir
kaç gün sonra nəticəni elan edəcək, o vaxt siz də görəcəksiniz ki, nə kimi xainlər sizi idarə ediyormuş”.
Nərimanovun “xain” adlandırdığı hökumətin başında dayanmış M.Ə.Rəsulzadə Türkiyədə nəşr etdirdiyi
“Azərbaycan Xalq Cümhuriyyəti” əsərində bolşeviklərin təftişçilik işini xatırladandan sonra yazır: “Fəqət
Nərimanov və yoldaşları ruslara satmadıqları bir şey buraxmadılar”. Bütün bu söz atışmaları, qarşılıqlı ittihamlar
Nərimanovun bolşeviklərə aldanışını anladığı 1923-cü ilədək, M.Ə.Rəsulzadənin isə ömrünün axrınadək davam
etmişdir.
Azərbaycanın müstəqilliyinə münasibətdə fərqliliklər bu iki tarixi şəxsiyyət arasında ziddiyyətlərə yol açsa
da, ittihamlar heç vaxt şəxsi xarakter almamışdır. Nərimanovla Rəsulzadə eyni dövrün meydana çıxardığı millət
fədailəridir.
Onlar
bir-birini çox yaxından tanımış, hətta bəzi tarixi mərhələlərdə eyni siyasi mövqedən çıxış etmişlər.
Hər ikisi siyasətə “Hümmət” sosial demokrat qrupundan gəlmiş, eyni mövqeni paylaşmışlar. M.Ə.Rəsulzadə
“Stalinlə ixtilal xatirələri”ndə öz siyasi keçmişinin sosial demokratlara bağlılığını göstərərək, “Hümmət”in onun
tərəfindən yaradılaraq, sonradan başqa həmfikirlərinə ötürdüyünü yazır. Azərbaycan Milli hökumətinin ilk milli
təhlükəsizlik naziri Nağı bəy Şeyxzamanlı Türkiyədə mühacirətdə yaşadığı dönəm qələmə aldığı “Biz və ağlar”