Al-lulu vəl-mərcan
Yüklə 5,61 Mb. Pdf görüntüsü
|
80 136. (Bir dəfə) Abdullah İbn Zeyddən Peyğəmbərin (necə) dəstəmaz aldığını soruşdum. (Bunu eşitdikdə) o, bir qab (su) istədi və onlar üçün Peyğəmbərin dəstamaz aldığı kimi dəstəmaz aldı. Sonra qabdan əllərinə su tökdü və onları üç dəfə yudu. Sonra (sağ) əlini qabın içinə salıb bir ovuc su ilə həm ağzını yaxaladı, həm də burnunun içini yudu. Bunu üç dəfə təkrar etdi. Sonra (yenə) əlini qabın içinə salıb (ovuclarındakı su ilə) üç dəfə üzünü yudu. Sonra hər iki əlini dirsəklərə qədər iki dəfə yudu. Sonra (yenə) əlini qabın içinə salıb (yaş əlləri ilə) əllərini qabağa və dala apararaq bir dəfə başına məsh çəkdi. Sonra hər iki ayaqlarını topuqlara qədər yudu. (Sonra dedi: “Peyğəmbər belə dəstəmaz alardı)”. (Buxari 186, 192, Muslim 346, 578)
137. Əbu Hureyra rəvayət edir ki, Peyğəmbər buyurdu: “Qoy dəstəmaz alan kəs burnuna su alıb (içini) yusun, (ayaqyolunda) daşla təmizlənən kəs tək sayda (daşla silinsin).” (Buxari 161, Muslim 350, 585)
138. Əbu Hureyra rəvayət edir ki, Peyğəmbər buyurdu: “Biriniz yuxudan oyanıb dəstəmaz aldığı zaman burnunun içini üç dəfə yusun. Çünki şeytan burun deşiyində gecələyir.” (Buxari 3295, Muslim 351, 587)
Vacib Olması
139. Abdullah İbn Amr rəvayət edir ki, səfərdə olduğumuz zaman Peyğəmbər bizdən geri qaldı, sonra da namazın vaxtının çıxmağına az
81 qalmış gəlib bizə çatdı. (Namazın vaxtı çıxacaqdı deyə,) biz dəstəmaz alıb ayaqlarımıza məsh etməyə başladıq. Peyğəmbər (bunu görcək) uca səslə iki və ya üç dəfə belə buyurdu: “Atəşə girən topuqların vay halına!” (Buxari 60, 96, 163, Muslim 355, 595)
140. Əbu Hureyrə yanımızdan keçirdi. İnsanlar təmizlik üçün hazırlanmış bir su qabından dəstəmaz alırdılar. Əbu Hureyrə: “Dəstəmazı tam və kamil alın, çünki Əbul Qasım buyurdu: “Oda yanacaq dabanların vay halına!” (Buxari 165, Muslim 242, 357, 597)
141. Əbu Hureyra rəvayət edir ki, Peyğəmbər buyurdu: “Ümmətim Qiyamət günü üzləri parlaq, əlləri və ayaqları nurlu olduğu halda gələcəklər”. Əbu Hureyra: “Aranızdan kim üzünün parlaqlığını artıra bilirsə, qoy artırsın!” (Buxari 136, Muslim 246, 363, 603)
142. Əbu Hureyra rəvayət edir ki, Peyğəmbər buyurdu: “Əgər ümmətimə (və ya insanlara) ağır gəlməsəydi, onlara əmr edərdim ki, hər namazdan əvvəl (dişlərini) misvakla təmizləsinlər.” (Buxari 887, Muslim 252, 370, 612)
82 143. Əbu Musa rəvayət edir ki, mən Peyğəmbərin yanına gəlib onun əlindəki misvakla (Ərak) dişlərini təmizlədiyini və ağzında misvak olduğu halda sanki öyüyürmüş kimi «u', u'»– səsi çıxartdığını gördüm. (Buxari 244, Musim 254, 373, 615)
144. Huzeyfə rəvayət edir ki, Peyğəmbər gecə yuxudan oyandıqda ağzını misvakla təmizləyərdi. (Buxari 245, Muslim 255, 374, 375, 618)
145. Əbu Hureyrə rəvayət edir ki, Peyğəmbər buyurdu: “Fitrət beşdir (yaxud beş şey fitrətdəndir), sünnət etmək, qasığı qırxmaq, qoltuqaltı tükləri qopartmaq, dırnaqları kəsmək və bığları qısaltmaq”. (Buxari 5889, Muslim 257, 377, 620)
146. İbn Ömər rəvayət edir ki, Peyğəmbər buyurdu: “Müşriklərə müxalif olun – saqqal buraxın və bığları qısaldın.” (Buxari 5892, Muslim 259, 382, 625)
147. İbn Ömər rəvayət edir ki, Peyğəmbər buyurdu: “Bığları qısaldın saqqal buraxın”. (Buxari 5893, Muslim 259, 380, 381, 623, 624)
83
148. Yəhya İbn Yəhya demişdir: “Mən Süfyan İbn Uyeynəyə dedim: “Sən Zuhrinin (belə bir hədis) rəvayət etdiyini eşitmisənmi? Zuhri Əta İbn Yezid əl- Leysidən, o da Əbu Əyyubdan, o da Peyğəmbərdən rəvayət etmişdir ki, o, belə buyurmuşdur: “Ayaqyoluna getdiyiniz zaman təbii ehtiyacınızı rəf etdikdə üzünüzü və ya arxanızı qibləyə çevirməyin. Üzünüzü şərqə və ya qərbə tərəf çevirin”. Əbu Əyyub: “Biz Şama gəldik və ayaqyollarının üzü qibləyə tikildiyini gördük. Biz (onların içində) yana çevrilir, (sonra da) Allahdan bağışlanma diləyirdik”. (Buxari 394, Muslim 264, 388, 632)
149. Abdullah İbn Ömər dedi: “Bəzi adamlar: “Təbii ehtiyacınızı rəf etmək üçün oturduğunuz zaman üzünüzü qibləyə və ya Beytül Məqdisə tərəf çevirməyin” deyirlər. Mən (isə yalnız onu deyə bilərəm ki,) bir gün evimizin damının üstünə çıxmışdım. Bu vaxt mən Peyğəmbəri üzünü Beytül Məqdisə tərəf tutaraq, iki kərpic üstündə oturub təbii ehtiyacını rəf etdiyini gördüm.” (Buxari 145, Muslim 266, 390, 634)
150. İbn Ömər demişdir: “(Bir gün) mən bacım Həfsənin evinin üstünə çıxdım və Rəsulullahın üzü Şama və arxası qibləyə tərəf oturub təbii ehtiyacını rəf etdiyini gördüm”. (Buxari 148, 3102, Muslim 266, 391, 635;)
151. Əbu Qətadə rəvayət edir ki, Peyğəmbər buyurdu: “Sizdən biriniz (bir şey) içdikdə qabın içinə üfürməsin, subaşına çıxdıqda sağ əli ilə cinsiyyət
Yüklə 5,61 Mb. Dostları ilə paylaş:
|