Al-lulu vəl-mərcan
Yüklə 5,61 Mb. Pdf görüntüsü
|
84 üzvünə toxunmasın və (onu) sağ əli ilə təmizləməsin.” (Buxari 153, 5630, Muslim 267, 392, 636, 637, 638)
152. Aişə rəvayət edir ki, “Peyğəmbər ayaqqabılarını geyindikdə, saçını daradıqda, yuyunduqda və bütün işlərində sağdan başlamağı sevərdi.” (Buxari 168, Muslim 268, 396, 640)
153. Ənəs rəvayət edir ki, Peyğəmbər ayaqyoluna getdikdə mən və mənim kimi bir uşaq ona bir cürdək su və ağac parçası aparardıq. O, su ilə təmizlənərdi.” (Buxari 152, Muslim 271, 399, 643)
154. Ənəs İbn Malik rəvayət edir ki, Peyğəmbər təbii ehtiyacını rəf etmək üçün bayıra çıxdıqda mən ona su gətirərdim və o, su ilə yuyunardı. (Buxari 217, Muslim 271, 400, 644)
155. Cərir İbn Abdullahdan rəvayət edilir ki, (bir dəfə) o təbii ehtiyacını rəf etdikdən sonra dəstəmaz aldı və məstlərinə məsh çəkdi. Sonra da qalxıb
85 namaz qıldı. (Bu haqda) ondan soruşduqda: “Mən Peyğəmbərin bu cür etdiyini görmüşəm” dedi. (Buxari 387, Muslim 272, 401, 645)
156. Huzeyfə digər rəvayətində deyir ki, mən kənara çəkildim. O, məni işarə ilə (yanına) çağırdı. O, (təbii ehtiyacını rəf edib) qurtaranadək mən onun arxa tərəfində dayandım. (Buxari 225, Muslim 273, 403, 648)
157. Muğirə İbn Şobədən rəvayət edilir ki, (bir dəfə) Peyğəmbər təbii ehtiyacını rəf etmək üçün çölə çıxdı. Muğirə bir cürdək su ilə onu təqib etdi. Peyğəmbər təbii ehtiyacını rəf etdiyi zaman Muğirə onun əlinə su tökdü. Peyğəmbər dəstəmaz aldı və məstlərinin üzərinə məsh çəkdi”. (Buxari 203, Muslim 274, 404, 649)
158. Muğira İbn Şobə rəvayət edir ki, (bir dəfə) mən Peyğəmbərlə birlikdə səfərdə olarkən o mənə: “Ey Muğira, götür bu qabı” deyə buyurdu. Mən də onu götürdüm. Peyğəmbər gözdən itənədək uzağa gedib təbii ehtiyacını rəf etdi. Onun əynində Şam cübbəsi var idi. O, əlini cübbənin qolundan çıxarmaq istədikdə onun çox dar olduğunu gördü və (buna görə də) əlini cübbənin aşağı tərəfindən çıxartdı. Mən onun əlinə su tökdüm və o, namaz üçün dəstəmaz aldığı qaydada dəstəmaz alıb məstlərinə məsh çəkdi, sonra da namaz qıldı. (Buxari 363, Muslim 274, 407, 653)
86 159. Muğirə İbn Şobə demişdir: “Səfərlərin birində gecə ikən Peyğəmbərin yanında durmuşdum. Məndən: “Yanında su varmı?” deyə soruşdu. Mən: “Bəli!” deyə cavab verdim. O, miniyindən yerə endi və (təbii ehtiyacını rəf etməyə) getdi. Nəhayət, gecənin qaranlığında gözdən itdi. Sonra (mənim yanıma) gəldi və mən onun əlinə su tökdüm. O, üzünü yudu. Əynində yun cübbə var idi. O, qollarını cübbənin qolundan çıxarda bilmədi. Nəhayət, qollarını cübbənin aşağısından çıxardıb onları yudu və başına məsh etdi. Sonra mən onun məstlərini çıxartmaq üçün aşağı əyildim. (O mənə): “Dəymə onlara! Mən onları (ayaqlarım) pak olduğu halda geyinmişəm” dedi və (məstlərinin üzərinə) məsh çəkdi”. (Buxari 5799, Muslim 274, 408, 654)
160. Əbu Hureyra rəvayət edir ki, Peyğəmbər buyurmuşdur: “İt sizdən birinizin qabından su içsə, qoy o qabı yeddi dəfə yusun”. (Buxari 172, Muslim 279, 419, 420, 676, 678)
161. Əbu Hureyra rəvayət edir ki, Peyğəmbər buyurdu: “Heç biriniz durğun suya bövl etməsin. (Çünki) sonra ondan yuyunmaq üçün istifadə edəcək.” (Buxari 239, Muslim 282, 424, 682)
87 Bövl Və Digər Nəcasətlər Məsciddə Hasil Olarsa Onları Yuyulmasınn Vacib Olması Və Yeri Qazmağa Ehtiyac Qalmadan Su İlə Təmizlənməsinin Kifayət Etməsi
162. Ənəs demişdir: “(Bir dəfə) bir bədəvi gəlib məscidə bövl etdi. (Camaatın) bir qismi dərhal qalxıb ona tərəf getdi. (Bunu görəndə) Peyğəmbər buyurdu: “Buraxın onu, təbii ehtiyacını rəf etməyə mane olmayın!” Bədəvi işini bitirdikdən sonra (Peyğəmbər) bir çəllək su gətizdirib həmin yerə tökdü”. (Buxari 6025, Muslim 284, 427, 685)
163. Peyğəmbərin zövcəsi Aişə demişdir: “(Səhabələr) körpə uşaqları Peyğəmbərin yanına gətirərdilər. (O da (Allahdan) onlar üçün bərəkət diləyər və xurmanı ağzında əzib körpənin damağına sürtərdi). (Bir dəfə) onun yanına bir körpə gətirdilər və bu uşaq onun libasına bövl etdi. Peyğəmbər bir qab su gətizdirib körpənin sidiyi bulaşmış yerə tökdü və onu yumadı 30 ”. (Buxari 6355, Muslim 286, 430, 688)
164. Ummu Qeys bint Mihsan rəvayət edir ki, o, hələ yemək yeməyən (südəmər) oğlunu Peyğəmbərin yanına gətirdi. Peyğəmbər körpəni
30 Burada südəmər oğlan uşağı nəzərdə tutulur. Belə ki, onun sidiyinin bulaşdığı yerin təmizlənməsi üçün həmin yerə su səpmək kifayətdir. Yemək yeyən körpənin, habelə qız uşağının sidiyinin bulaşdığı yeri isə yumaq vacibdir. Əli İbn Əbu Talib rəvayət edir ki, Peyğəmbər buyurdu: “Oğlan uşağının sidiyinin üstünə su çilənməli, qız uşağının sidiyi bulaşdığı yer isə yuyulmalıdır”. Qətadə dedi: “Bu, yemək yeməyən körpələrə aiddir. Elə ki, yemək yeməyə başladılar, hər ikisinin sidiyi yuyulmalıdır”. “Musnəd İmam Əhməd” 757, “Sunən Əbu Davud” 376, “Sunən Tirmizi” 71, “Sünən Nəsai” 304. Körpə oğlan uşağı süd əmdiyi müddətdə onun sidiyinin üstünə su səpmək bəs edir. Yemək yeməyə başladıqda isə artıq onun yuyulması vacib olur.
Yüklə 5,61 Mb. Dostları ilə paylaş:
|