142
Qəbrlərin Üzərində Məscid Tikilməsinin Qadağan
Olunması
305. Aişə
rəvayət edir ki, Ummu Həbibə
və Ummu Sələmə
Həbəşistanda gördükləri və içərisində rəsmlər olan kilsə haqqında xəbər
vermişlər. Onlar (bu haqda) Peyğəmbərə xəbər vermiş və o da belə demişdir:
“Onlar içərilərindən əməlisaleh bir adam öldükdə onun qəbri üstündə məbəd
tikir və (divarlarında) həmin rəsmləri çəkirlər. Qiyamət günü onlar Allah
yanında yaradılmışların ən pisi olacaqlar.” (Buxari 427, Muslim 528/16, 1209)
306. Aişə
rəvayət edir ki, Peyğəməbərin vəfat etməsinə səbəb olan
xəstəliyə tutulduğu zaman o demişdir: “Allah yəhudilərə və xristianlara lənət
eləsin! Onlar peyğəmbərlərinin qəbirlərini ibadətgaha çevirmişlər.” Aişə
demişdir: “Peyğəməbər bu sözü deməsəydi, müsəlmanlar onun qəbrini
aşkarda saxlayardılar. Ancaq mən onun qəbrinin ibadətgaha çevrilməsindən
qorxuram.” (Buxari 1330, 1390, Muslim 529/19, 1212)
307. Əbu Hureyra rəvayət edir ki, Allah Elçisi buyurdu: “Allah yəhudiləri
məhv etsin! Onlar peyğəmbərlərinin qəbirlərini ibadətgahlara çevirmişlər”.
(Buxari 437, Muslim 530/20, 1213)
308. Aişə
və Abdullah İbn Abbas rəvayət edirlər ki, Peyğəmbər
ölümündən qabaq örtüyünü üzünə atmağa başlamışdı. (Ürəyi) sıxıldıqda isə
onu üzündən götürürdü. Belə olduğu halda (Peyğəmbər) dedi: “Allah
yəhudilərə və xristianlara lənət eləsin! Onlar peyğəmbərlərinin qəbirlərini
ibadətgaha çevirmişlər.” (Peyğəmbər bu sözləri ilə ümmətini) onların
143
etdikləindən çəkindirmişdir). (Buxari 435, 436, 3453, 3454, Muslim 531/22,
1215)
Məscid Tikməyin Fəziləti Və Buna Həvəsləndirmək
309. Belə rəvayət edilir ki, Osman İbn Əffan Peyğəmbərin məscidini
yenidən tikdiyi zaman insanların onun haqqında söylədiklərinə (etiraz edib)
demişdir: “Siz (mənim işimə) çox müdaxilə edirsiniz. Halbuki mən
Peyğəmbərin belə dediyini eşitmişəm: “Kim Allahın Üzünü diləyərək bir
məscid tiksə, Allah onun üçün Cənnətdə buna bənzər (bir ev) tikər.” (Buxari
450, Muslim 533/43, 1217)
Rükuda Əlləri Dizlərin Üzərinə Qoymağın Sunnə Olması
Və Ovucların Bir Biri Üzərinə Bağlamağın Nəsxi
310. Musab İbn Səd İbn Əbu Vəqqas demişdir: “(Bir dəfə) mən atamın
yanında namaz qıldım və (rükuda) əllərimi birləşdirib ayaqlarımın arasında
tutdum. Atam bunu mənə qadağan etdi və dedi: “Biz də belə edirdik, lakin bu
bizə qadağan olundu və bizə əllərimizi dizlərimizin üstünə qoymaq əmr
edildi.” (Buxari 790, Muslim 535/29, 1222)
Namazda Danışmağın Haram Olması Və Daha Öncə İcazəli
Olan Danışmağın Nəsx Olunması
144
311. Abdullah İbn Məsud demişdir: “Peyğəmbər namaz qılarkən biz ona
salam verərdik, o da bizim salamımızı alardı. Nəcaşinin yanından (Həbəşistan-
dan) qayıtdıqdan sonra biz ona salam verdik, lakin o, bizim salamımızı almadı.
(Namazı bitirdikdən sonra isə) buyurdu: “Həqiqətən, namaz əsnasında (daha
vacib) əməl vardır.” (Buxari 1199, 1216, Muslim 538/34, 1229)
312. Zeyd İbn Ərqam demişdir: “(Peyğəmbərin zamanında) biz namaz
əsnasında danışardıq, birimiz dostuna öz işlərindən danışardı. Nəhayət:
“Namazları və günortadan sonrakı orta namazı qoruyun və Allah qarşısında
mütiliklə durun”. (əl-Bəqərə 238). ayəsi nazil oldu və bizə susmaq əmr olundu.”
(Buxari 1200, 4534, Muslim 539/35, 1231)
313. Cabir İbn Abdullah demişdir: “(Bir dəfə) Peyğəmbər məni bir iş
dalınca göndərdi və mən dərhal gedib o işi gördüm, sonra yenə onun yanına
qayıtdım. Mən Peyğəmbərə yaxınlaşıb salam verdim, lakin o, mənim sala-
mımı almadı. Bir Allah bilir ki, mənim qəlbimdən nələr keçdi. Öz-özümə
dedim: “Ola bilsin ki, ləngidiyimə görə Allahın Elçisinin mənə qəzəbi
tutmuşdur?” Mən (bir də) ona salam verdim, lakin o, yenə mənim salamımı
almadı. Bu məni əvvəlkindən də çox kədərləndirdi. Mən (yenə) ona salam
verdim. Bu dəfə o, mənim salamımı aldı və dedi: “Mənə sənin salamını almağa
maneə olan yalnız namaz qılmağım idi.” Həmin vaxt Peyğəmbər dəvəsinin
üstündə idi və qiblədən başqa bir tərəfə yönəlmişdi. (Buxari 1217, Muslim
540/37, 1234)
Namaz Əsnasında Şeytana Lənət Oxumağın Caiz Olması
145
314. Əbu Hureyra rəvayət edir ki, (bir dəfə) Peyğəmbər buyurdu: “Dünən
cinlərdən çox qüvvətli birisi namazımı yarımçıq kəsmək üçün yanıma gəldi.
(Ravi deyir ki: “Yaxud Peyğəmbər buna bənzər bir söz söylədi”). Lakin
Allah mənə onu tutmağa yardım etdi. Əvvəlcə mən istədim onu məscidin
dirəklərindən birinə bağlayım ki, səhər açıldıqda hamınız ona baxa biləsiniz,
ancaq qardaşım Suleymanın dediyini xatırladım. (O demişdir): “Ey Rəbbim!
Məni bağışla və mənə elə bir səltənət ver ki, məndən sonra heç kimə nəsib
olmasın”. (əs-Sad 35). (Buxari 461, 1210, 3423, 4808, Muslim 541/39, 1237)
Namazda Körpə Uşağı Götürməyin İcazəli Olması
315. Əbu Qətadə əl-Ənsari rəvayət edir ki, Peyğəmbər qızı Zeynəbin,
Əbul-As İbnur-Rəbi İbn Abduş-Şəmsdən olan qızı Umaməni qucağında
tutaraq namaz qılardı. Peyğəmbər səcdəyə gedəndə onu yerə qoyar, ayağa
qalxanda isə (yenə) onu qucağına alardı. (Buxari 516, Muslim 543/41-43, 1240,
1242)
Namazda Bir İki Addım Atılmasının İcazəli Olması
Dostları ilə paylaş: |