137
294. Əbu Hureyra rəvayət edir ki, bir nəfər Peyğəmbərdən tək bir libasda
namaz qılmaq barədə soruşdu. Peyğəmbər: “Məgər sizin hər birinizin iki libası
var?!” (Buxari 358, Muslim 1176)
295. Əbu Hureyra rəvayət edir ki, Peyğəmbər buyurdu: “Sizdən heç
biriniz bir paltarda çiyinləri açıq namaz qılmasın”. (Buxari 359, Muslim
516/277, 1179)
296. Ömər İbn Əbi Sələmə rəvayət edir ki, mən Peyğəmbəri Ummu
Sələmənin evində bir libasda ətəklərini bir-birinin üzərinə aşıraraq çiyinlərini
örtdüyü halda namaz qılarkən gördüm”. (Buxari 356, Muslim 517/278, 1180)
297. Muhəmməd İbn Munkədir rəvayət edir ki, mən Cabir İbn Abdullahı bir
paltarda namaz qıldığını gördüm. O: “Mən Peyğəmbəri bir paltarda namaz
qılarkən gördüm” dedi. (Buxari 353, Muslim 517/279, 1183, 1184)
138
Məscidlər Və Namaz
Qılınan Yerlər Kitabı
139
Məscidlər Və Namaz Qılınan Yerlər Kitabı
298. Əbu Zərr demişdir: “(Bir dəfə Peyğəmbərdən ) soruşdum: “Ya
Rəsulullah, yer üzündə ilk tikilmiş məscid hansıdır?” (Peyğəmbər):
“Məscidülhəramdır” dedi. Mən soruşdum: “Sonra hansıdır?” (Peyğəmbər):
“Məscidüləqsadır” dedi. Mən soruşdum: “Birincisi (tikildikdən sonra) ikincisi
(tikilənədək) neçə il keçmişdi?” Peyğəmbər: “Qırx il” deyə cavab verdi, (sonra
əlavə edib dedi): “Harada namaz vaxtına yetişsən, (oradaca) namazını qıl!
Həqiqətən, bunda xeyir-bərəkət vardır.” (Buxari 3366, Muslim 520/1, 1189)
299. Cabir İbn Abdullah rəvayət edir ki, Peyğəmbər buyurdu: “Məndən
öncə heç bir Peyğəmbərə verilməyən beş şey mənə verilmişdir. (Düşmənləin
qəlblərinə) bir ay öncədən qorxu slmaq, yer üzünün mənim üçün məscid və
təmiz qərar verilməsi, ona görə də ümmətimdən namaz vaxtına yetişən bir
kimsə namazını qıla bilir. Qənimətlər mənə halal edildi, hər bir Peyğəmbər öz
qövmünə gönrilmişkən, mən isə bütün insanlğa göndərildim”. (Buxari 438,
Muslim 521/3, 1191)
300. Əbu Hureyra rəvayət edir ki, Peyğəmbər buyurdu: “Mən yığcam
kəlmələrlə (Cəvəmiul Kərim Peyğəmbər) göndərildim, (bir ay əvvəlcədən
düşmənlərimin qəlbinə) qorxu salınmaqla mənə yardım edildi və mən yuxuda
ikən dünya xəzinələrinin açarları gətirilib əlimin içinə qoyuldu.” Əbu Hureyra:
“Peyğəmbər artıq aranızdan getmişdir (Peyğəmbər əlinin içində olan
xəzinələrdən istifadə etmədən dünyadan köçüb getmişdir) siz isə həmin
xəzinələri çıxardıb istifadə edirsiniz.” (Buxari 2977, Muslim 523/6, 1196)
140
Peyğəmbərin Məscidinin Bina Olunması
301. Ənəs rəvayət edir ki, Peyğəmbər Mədinəyə gəldikdə şəhərin üst
tərəfində, Amr ibn Auf oğulları yaşadığı məhəllədə qonaq qaldı. Peyğəmbər
on dörd gün onların arasında qaldıqdan sonra Nəccar oğullarının yanına
(adam) göndərdi. Onlar qılınclarını bellərinə bağlayıb onun yanına gəldilər.
Peyğəmbər dəvəsinin üstündə, Əbu Bəkr onun tərkində və Nəccar
oğullarından da bir dəstə onun ətrafında (olduğu halda yola çıxması) hələ də
gözümün qabağındadır. Nəhayət, Peyğəmbər Əbu Əyyubun evinin
həyətində (dəvəsini) yerə çökdürdü. Peyğəmbər namaz vaxtı yetişdikdə
harada olurdusa orada, hətta, qoyun ağılında belə, namaz qılmağı xoşlayırdı.
(Sonra) o, məscid tikməyi əmr etdi, Nəccar oğullarından olan dəstənin
arxasınca (adam) göndərdi və dedi: “Ey Nəccar oğulları, bu divarınızın
(yanında olan torpaq sahəsinin) qiymətini mənə deyin!” Onlar dedilər: “Yox!
Allaha and olsun ki, biz onun əvəzini ancaq Allahdan istəyirik.” Ənəs: “Sizə
söylədiyim o yerdə müşriklərin qəbirləri, xarabalıqlar və xurma ağacları var
idi. Peyğəmbərin əmri ilə qəbirlər açıldı və xarabalıqlar hamarlandı. Xurma
ağaclarını isə kəsib (tikiləcək) məscidin qiblə tərəfində yanbayan (dik)
qoydular. Sonra məscidin (qapısının) yan divarlarını daşdan hördülər və şeir
deyə-deyə daş daşımağa başladılar. Peyğəmbər də onlarla bərabər (daş
daşıyırdı) və deyirdi: Allahım, əsl əcr, axirətin əcridi, Ənsar və mühacirə,
göstər mərhəmətini!”. (Buxari 428, 3932, 524/9, Muslim 1201)
Qiblənin Qüdsdən Kəbəyə Yönəlməsi
141
302. Bəra İbn Azib rəvayət edir ki, Peyğəmbər on altı və ya on yeddi ay
Beytülməqdisə tərəf namaz qıldı. Lakin Peyğəmbər çox istəyirdi ki, qiblə
Kəbəyə tərəf olsun və Allah (bu xüsusda) ayə nazil etdi: “Biz sənin üzünün
göyə tərəf çevrildiyini gördük...”. (əl-Bəqərə 144). Bundan sonra Peyğəmbər
Kəbəyə tərəf üz tutdu. Səfeh adamlar – yəhudilər dedilər: “Onları üz
tutduqları qiblədən döndərən nə oldu?” De: “Məşriq də, məğrib də Allahındır.
O, istədiyi kəsi doğru yola yönəldir!”. (əl-Bəqərə 142). Peyğəmbərlə birlikdə
bir nəfər namaz qıldı və namazdan sonra (məsciddən) çıxdı və Beytülməqdisə
tərəf üz tutub əsr namazını qılan ənsardan olan bir qövmün yanından
keçərkən dedi: “Şahidlik edirəm ki, mən Allahın eçisi ilə birlikdə namaz qıldım
və o, üzünü Kəbəyə tərəf tutmuşdu. Onlar (bunu eşidən kimi) Kəbəyə tərəf
çevrildilər. (Buxari 399, 4486, 7252, Muslim 525/11, 1204)
303. Bəra İbn Azib rəvayət edir ki, bizz Peyğəmbərlə bərabər on altı on
yeddi ay Beytul Məqdisə tərəf namaz qıldıq. Sonra Allah onu Kəbəyə tərəf
döndərdi”. (Buxari 4492, Muslim 525/12, 1205)
304. Abdullah İbn Ömər rəvayət edir ki, insanlar Quba məscidində sübh
namazında olduqları zaman bir nəfər gəlib: “Həqiqətən Rəsulullaha Quran
nazil olmuşdur və Ona Kəbəyə tərəf yönəlmək əmr olunmuşdur, sizlər də
Kəbəyə tərəf yönəlin” dedi. Cəmaatın üzü Şama tərəf olduğu halda bu əmrdən
sonra Kəbəyə tərəf döndülər”. (Buxari 403, 4491, 7251, Muslim 526/13, 1206)
Dostları ilə paylaş: |