Al-lulu vəl-mərcan
Yüklə 5,61 Mb. Pdf görüntüsü
|
205
483. Peyğəmbərlə birlikdə Zatur-Riqa döyüşündə qorxu namazını qılmış Səhl İbn Əbu Həsmə rəvayət etmişdir ki, (əshabələrdən) bir dəstə Peyğəmbərin arxasında cərgələrə düzüldü, digəri isə düşmənə qarşı üz tutdu. Peyğəmbər arxasında namaza durmuş dəstəyə bir rükət qıldırdıqdan sonra ayağa qalxıb yerində durdu, arxasındakılar isə (ayrı-ayrılıqda) ikinci rükəti tamamladılar. Onlar namazlarını bitirdikdən sonra gedib düşmənə tərəf səf-səf düzüldülər. Sonra o biri dəstə (gəlib Peyğəmbərə qoşuldu və Peyğəmbər ) onlara özünün qalan bir rükətini qıldırdı və oturub gözlədi. Onlar ayağa qalxıb ikinci rükəti tamamladıqdan sonra Peyğəmbər salam verib onlarla birlikdə (namazını bitirdi)”. (Buxari 4129, Muslim 1985, 842/310).
484. Cabir rəvayət edir ki, Peyğəmbər ilə bərabər Zətir Riqa səfərində idik. Kölgəli bir ağaca çatdığımız zaman bizlər o kölgəli ağacı Peyğəmbər üçün buraxdıq. (Onun altına uzandı) qılıncını da ağacdan asdı. (yuxuya getdikdən sonra) müşriklərdən biri gəlib Peyğəmbərin qılıncı qınından çıxararaq Peyğəmbərə: “İndi məndən qorxursanmı?” dedi. Peyğəmbər: “Xeyr qorxmuram” dedi. O: “İndi səni mənim əlimdən kim qurtara bilər?” dedi. Peyğəmbər: “Allah qoruyar” deyə buyurdu. (Həmən müşrikin əlindən qılınc qorxudan düşür). Səhabələr o, müşriki təhdid edərək qorxudurlar. (Peyğəmbər onu cəzalandırmadan buraxır). Bu vaxt namaz üçün iqamə verilir. Peyğəmbər səhabələri (iki dəstəyə bölür). Bir dəstəyə iki rükət namaz qıldırır. (iki rükətdən) sonra bu dəstə düşmən tərəfə keçir, düşmən tərəfdə olan dəstə isə Peyğəmbərin arxasına namaza gəlirlər. O, dəstəyə də iki rükət qıldırır. Beləcə Peyğəmbər dörd rükət namaz qılmış olur, cəmaat isə iki rükət fərz qılmış olurlar”. (Buxari 4136, Muslim 1986, 843/311)
206
Cümə Kitabı
207
485. İbn Ömər rəvayət edir ki, Peyğəmbər buyurdu: “Sizdən biriniz cüməyə gəldiyi zaman qüsl alsın”. (Buxari 877, Muslim 1988, 1989, 844/1, 2)
486. Abdullah İbn Ömər rəvayət edir ki, Ömər İbn Xattab cümə günü minbər üzərində xütbə verdiyi zaman Peyğəmbərin səhabələrindən və ilk mühacirlərdən bir nəfər – Osman İbn Əffan – məscidə daxil oldu. Ömər (gecikdiyinə görə): “Bu nə saatdır (gəlmisən)” dedi. O: “Məşğul idim, evimə gəldikdə azanı eşitdim, ylnız dəstəmaz alıb gəldim” dedi. Ömər: “Peyğəmbər qüsl almağı əmr etdiyi halda yalnız dəstəmaz alıb gəlmisən!!”. (Buxari 878, Muslim 1992, 845/3)
487. Əbu Səid əl-Xudri rəvayət edir ki, Peyğəmbər buyurdu: “Cümə qüslünü etmək həddi-buluğa çatmış hər kəsə vacibdir.” (Buxari, 858, Muslim 1994, 846/5)
208 488. Aişə demişdir: “Cümə günü camaat (namaza) öz evlərindən və Əvalidən (yaşayış yeri) növbə ilə gələrdi. Onlar toz-torpağa bulaşmış və qan- tərə batmış halda (məscidə) gələrdilər, bədənlərindən də (həmişə) tər axardı. Peyğəmbər mənim yanımda ikən onlardan biri onun yanına gəldi və Peyğəmbər buyurdu: “Nə olaydı ki, siz bu gününüz üçün yuyunardınız.” (Buxari 902, Muslim 1995, 847/6)
489. Aişə demişdir: “(O zaman) insanlar öz işlərində çalışar və cümə namazına gələndə işçi görkəmində gələrdilər. Belə olduqda, onlara: “Nə olaydı ki, siz yuyunaydınız” deyildi. (Buxari 903, Muslim 1996, 847)
490. Əbu Səid əl-Xudri rəvayət edir ki, Peyğəmbər buyurdu: “Cümə qüslünü etmək həddi-buluğa çatmış hər kəsə vacibdir.” (Buxari 858, Muslim 1994, 846/5)
491. Tavus, İbn Abbasdan rəvayət edir ki, İbn Abbas Cümə günü Peyğəmbərin yuyunmaq barədə sözünü zikr etdi. Tavus deyir ki, İbn Abbasdan soruşdum: “(Kişi) ailəsini gözəl qoxulu ətrini və y yağ vura bilərmi?”. İbn Abbas: “Bunu bilmirəm” dedi. (Buxari 885, Muslim 1998, 848/8)
492. Əbu Hureyra rəvayət edir ki, Peyğəmbər buyurdu: “Hər bir müsəlman həftədə bir dəfə qüsl etməli – başını və bədənini yumalıdır.” (Buxari 897, Muslim 2000, 849/9)
209
493. Əbu Hureyra rəvayət edir ki, Peyğəmbər buyurdu: “Cənabət qüslü kimi qüsl edib cümə gününün ilk saatında məscidə gedən adam bir dəvə, ikinci saatında gedən adam bir inək, üçüncü saatında gedən adam buynuzlu bir qoç, dördüncü saatında gedən adam bir toyuq və beşinci saatında gedən adam bir yumurta qurban vermiş kimidir. İmam (minbərə) qalxdıqda isə mələklər gəlib zikr olunanları dinləyər (gələnləri qeydə almazlar)” (Buxari 881, Muslim 2001, 850/10).
494. Əbu Hureyra rəvayət edir ki, Peyğəmbər buyurdu: “Cümə günü imam xütbə verərkən sən yanındakı adama: “Sus” desən, mənasız söz danışmış olarsan (savabdan gedər)”. (Buxari 934, Muslim 2002, 851/11)
495. Əbu Hureyra rəvayət edir ki, (bir dəfə) Peyğəmbər cümə gününü yada salıb dedi: “Bu gündə elə bir saat var ki, müsəlman olan hər kim (həmin vaxt) namaz qılıb Uca Allahdan bir şey istəsə, Allah ona istədiyini mütləq verər.” Sonra o, əli ilə işarə edib həmin vaxtın olduqca az olduğunu göstərdi. (Buxari 935, Muslim 2006, 852/13)
Yüklə 5,61 Mb. Dostları ilə paylaş:
|