Alatoran xancan kərimov varlıq və Yoxluq Arasında
Yüklə 2,83 Kb. Pdf görüntüsü
|
119 Hormonal balans sanki beynin fərqli prespektivləri ki- miydi. Homronal balansı kimisi üçünsə həyatı möhtəşəm gözəllikdə bir yer kimi göstərərkən, kimisi üçünsə həyatın nə qədər bərbad bir yer olduğuna dair arqumentlər sıralayır- dı ona. Həyat, kimisinin pəncərəsindən yeni insanlar yeni şəhərlər yeni hekayələr tanımaq və ondan alınan o möhtəşəm hissdən ibarətdir, kimisinin pəncərəsindən nə qədər xoşbəxt olursan ol hər gecə yuxularında ölmüş uşağını görməkdən ibarətdir, yenə bir başqasıyçün həyat sadəcə istəksizlikdən ibarət bir zaman yolçuluğudur. Kimisi üçün həyat, dadına do- yulmayacaq nemətlərlə dolu ikən, kimisi üçün o nemətlər heç bir dad vermirdi. Mavi, ədalət axtarmırdı. Ədalətin sadəcə bir zarafat ol- duğundan xəbərdar idi. Yuxarılarda bir yerlərdə onun taleyi ilə maraqlanan bir tanrısı olmadığına inanırdı. Amma kaş ki deyirdi bəzən, kaş ki bir tanrı olsaydı. Kaş ki bir tanrı ol- saydı da, bərabər bölsəydi ədaləti. Kaş ki təsadüflərin əsəri olmasaydıq. Əziyyət üstünə əziyyət çəkilməsəydi. Üzündəki hər nöqtədən, heç vaxt əziyyət çəkməmiş olduğu anlaşılan insanlar var idi. Bir də üzündəki hər qırışda olmazın əziyyə- tini çəkmiş insanlar. İşgəncə üstünə işgəncə. Dözülməz ağır- lıqda bir dərdin vurduğu insanı eyni həftdədə arxa-arxaya vuran lənətə gələsi başqa ağrılar var idi. İnanılmaz saydakı təsadüflərin qəribə formada tək bir insanda birləşmələri var idi. Kimisində xoş təsadüflər idi bunlar, kimisində ağırlığı- na dözülməyəcək təsadüflər. Yaşamaq üçün proqramlanmış o güclü genlər, nə qədər ağrıya dözə bilələrdi? Varlığın neçə qramına dözə bilərdilər? Gözü dünən hər yeri dağıdarkən yerə düşmüş əşyaların arasından bir zamanlar cücərtməyə çalışdığı öz düzəltdiyi di- bçəkdəki bitkinin quru saplağına sataşdı və onu əkdiyi gecəni xatırladı. Kliniki yalnızlıq bədbəxtliyinizlə birləşərək sizdə absurd davranışlara səbəb ola bilər. Məsələn evinizdə cücərmiş bit- ki ilə emosional bir bağ qura bilərsiniz. Bu olduqca sevimli 120 səslənsə də əslində dəhşətli bir hadisədir. Ən azından Mavi ona yalnızlığını xatırlatdığı hər şey kimi bu hissinə də nifrət etmişdi. Mavi bu dəhşətli xəstiliyi ilk dəfə otağında elə-belə cücərmək üçün isladıb saxladığı marixuana toxumunda hiss etmişdi. Bir gecə, bütün gecələrində olduğu kimi yuxusu qaç- mış və saat dörddə oyanıb boş otaqda fırlanarkən toxumun üs- tünü örtüyü yaş parçanı qaldırmış və cücərdiyini görmüşdü. Ürəyində nə olduğu bilinməz bir hiss baş qaldırmış və sürət- lə döyünmüşdü. Yanında sevincini paylaşacaq heç kimi yox idi. Bəlkə də ona görə daha da çox sevmişdi cücərən bitkini, yalnızlığından. Əlləri əsmişdi, birdən əli dəyər cücərən toxum qırılar deyə. Bütün bədənini basan o qəribə hissin təkidiylə ge- cənin qaranlığını bölərək həyətə enmiş və ağacların dibindən torpaq yığaraq evə qayıtmış və onu bir su butulkasını kəsərək basdırmışdı. Bitkinin başında uşağının ilk qızdırmasını yaşa- yan ana kimi əsmiş və sanki evinə yeni bir otaq yoldaşı gəlib- mişcəsinə sevinmişdi. Bildiyi ya hiss etdiyi tək şey var idi, o da ki o bitkiyə nəsə olma ehtimalını düşünmək belə onun şiddətli dərəcdə kefini pozmuşdu. Bəs o bitkinin yerinə bir evində heyvan, bir it ya bir insan olsaydı necə? Dəhşətli düşüncəydi, bağlandığın biri- ni itirmək. Bağlanmağın pis fikir olduğunu təkrar inandırmışdı özünə. Sonra təkrar düşünmüşdü, insan səbəbi hər nə olursa olsun güclü emosiyalarla bağlanır başqa canlılara. İnsan sosial varlıqdır və sosial olacağı başqa insanlar olmayanda heyvan- lara hətta bitkilərə sarılır. Yoxsa küçədə çəmənləri tapdalayaraq gəzən insanı evin- də cücərmiş bitkiyə bu qədər bağlayan şey nə idi? Bədbəxtlik məntiq tanımır, emosiyalar rasional deyillər və insan həm bəd- bəxt həm emosional varlıqdır. Bəşəriyyətin bütün mənasızlğını dərk edən Mavi, bitkisi- nin quruyacağı təqdirdə keçirəcəyi üzüntü hissinə olan qorxu- sundan qaça bilməmişdi və tədirgin yaşamışdı ilk günlərini. Ona görə yox ki Mavi sadəcə emosional idi, ona görə ki o həm də bədbəxt və yalnız idi. Sonra absurd həyatın təsadüfi bir bəd- 121 bəxtliyi bitkini vurmuş və onu durduq yerə qurutmuşdu, ya da bəlkə də bitkini qurudan Mavinin neqativliyi olmuşdu. Bütün ümidləri kimi bitkisi də qurumuşdu və o lənətli bəxti səbəbilə çox da təəccüblənməmişdi. Ayağa durdu və dibçəkdə qurumuş bitkini yerdən qaldırıb bir kənara qoydu və sonra dünən yerə düşmüş gül dəstəsini gö- türdü əlinə. Bir ananın, görsə, dözə bilməyəcəyi ağırlıqda hü- zün var idi yanaqlarında. O hüznlü gözlərlə süzdü çiçəkləri min bir xəyalla. Qurumuş və solğun ləçəklər tökülürdü döşəməyə. Dərinləməsinə düşüncələrə daldı. Əşyalara mənalar yükləyən biri deyildi. Amma insanlar bu işin ustasıydılar, əsas da yalnız olanları. O da bir insan idi nəticədə, yalnız olanlarından həm də. Çiçək dəstəsiylə arasında bir bağ qurulurdu ona baxdıq- ca. Hər ləçək ona Laranı xatırladırdı. Bağrına basmaq istəyirdi dəstəni. Qucaqlamaq və Laranın yoxluğunu doldurmaq. Evin boş divarlarına çevirdi gözlərini. Bəlkə də, deyə düşündü, as- malı idi o çiçəkləri bir yerdən. Dekorativ gözəllikləri üçün yox əlbətdə, Laradan geri qalan tək parça xatirə olduqları üçün. Ama yox, əlbətdəki yox. Ağrı divarımı yaradacaqdı yaşadığı yerdə? İşgəncə divarı kimi, hər baxanda Laranı ya keçmişi xa- tırladacaq? Əlbətdəki yox. Divarlardakı deşiklərə baxdı. Kiçik mismar yuvaları. Yapış- dırıcı izləri. Divardakı bütün şəkil və xatirələri yerlə bir etdiyi o günü xatırladı. Dəliyə döndüyü o günü. Nostalgia xəstəliyinin dəliliyə çevrildiyi günü. Boş divarın əvvəlki forması gəldi gö- zünün önünə. Hər tərəfdə şəkil və digər xatirə dolu əşyalarla dolu divar. Keçmiş həsrəti ona hər gün yeni bir şəkili asdırmışdı divara. Bu kiralıq evə köçdüyü gündən bəri hər gün bir neçə şə- kil asmışdı divara. Hər gün keçmişin həsrəti ilə qıvrılaraq yeni bir fotoşəkil yeni bir xatirə. Beləcə o, keçmişi gözünün önündə saxlayaraq daha yaxşı hiss edəcəyini düşünmüşdü. Bu lənətə gələsi yalnız otağında hər gecəsində ona bir vodka butulkası və o divarlar müşayiət etmişdi. Yüzlərcə fotoşəkil yapışdırılmışdı divarlara, həmçinin, kitablardan səhifələr, əllə çəkilmiş məlum və qeyri-məlum rəsmlər. Danışmışdı o şəkillərlə bəzi gecələr Yüklə 2,83 Kb. Dostları ilə paylaş:
|