223
Dön, hərdən tarixə bax, kimlər gəlib kimlər getdi
Rəbbi baxmazsa qula, qul nəzərə çarpar, çarpmaz?
Allahı sevdiklərini yaxud Ondan qorxduqlarını bəyan
edib qəza-qədərinə baş bulayanlar bəyanatlarında səmimi
deyillər. Belələrinin sevdiyi də, qorxduğu da fani dünya-
dır. Xoş sifət də görsələr, boz sifət də görsələr ondan qop-
mazlar.
Adəm oğlu, zənginləşəcəyi təqdirdə qarət və qətl olu-
nacağını bilsə, zəngin olmadığına görə şükürdə bulunar,
başını aşağı salıb kasıblığını edərdi. Halbuki daha müdhiş
faciə yaşayar, yəni əbədi Cəhənnəm odunda yana bilərdi.
Başa gələn bəlalar məhz başa gələ biləcək daha böyük
bəlalardan qorumaq üçündür. Bu hikməti anlayanlara və
qəbul edənlərə gerçəkdən zaval yoxdur. Onlar hər bəlanı,
onu Göndərənin müjdəsi yaxud xəbərdarlığı kimi görər və
uyğun olaraq şükür yaxud səbir edərlər.
İBRƏT Səid Əbu Osman (rahmətullahi əleyh) rəvayət et-
mişdir: “Bir kişi bir qadına baxdı. “Belə bir gözəllik, belə
bir təravət görmədim. Bu ancaq üzülməməkdən ola bilər”
dedi. O da: “Ey Allahın qulu, Allaha and içirəm ki, üzüntü
boğazımı kəsmişdir, kimsə mənə ortaq ola bilməz” söylədi.
Adam: “Bu necə olur?” deyə soruşdu. Qadın bu cavabı
verdi: “Ərim qurbanlıq bir qoyun kəsdi, mənim də oyna-
yan iki oğlan uşağım vardı. Böyüyü kiçiyinə: “Atamın qo-
yuna nə etdiyini sənə göstərimmi?” dedi və onu bir ağac-
dan asıb boğazladı. Biz isə ancaq uşaq al qana bələnəndə
fərqinə vardıq. Səslər yüksəlincə çocuq qorxub dağ tərəfə
qaçdı, ona bir canavar rast olub onu yedi. Biz də bilmirdik.
Atası onu axtarmağa çıxdı, susuzluqdan öldü. Beləcə za-
man içində tək başına qaldım.”
Adam: “Necə səbir edirsən?” deyə soruşdu. Qadın:
“Səbir sizlikdə təsəlli tapsam, yenə onu səbirdən üstün tut-
maram” deyə cavab verdi.
224
Ey sevən, Saqi Odur, nə durmusan boş-boşuna
Baxma baldır ya bəla, piyaləni çək başına.
Qədərin badəsi dolduqca nuş etməkdi ədəb
Dolduran Dost əlidir, varmı başqa bir aşina?
Dünya aşiqlərinin eşqdən təsəvvürləri yox
Bax onun böz üzünə, baxma qara göz-qaşına.
Hər dərd bir daşdı alar içdəki şeytanı hədəf
Sevən öz sevdiyinin qızarmı bəs haqq daşına?
Əsri etdik yarı, haqq sevginin oğlan çağıdır
Eşqdə, ey qul, qocalıq yaraşarmı heç yaşına?
Məqsədə hamıdan tez öndə olanlar qovuşur
Geridə qalmamağı məqsəd kimi qoy qarşına.
Əli ibn əl-Həsən ibn Musa (rahmətullahi əleyh) rəvayət et-
mişdir: “Bir adam dedi: “Dərdə mübtəlaları imtahan etmək
niyyətilə Tarsusda yaşayan birinin yanına getdim. Qanqren
olmuş, bütün orqanları tökülmüşdü. Ondan necə sabahla-
dığını soruşdum. Belə cavab verdi: “Allaha and olsun, elə
sabahladım ki, hər damarım və hər əzam ayrı-ayrı ağrıyır.
Bu da Allahın gözü önündə olur. O nəyi istəyirsə , mən
də onu istəyirəm. Rəbbimin məndən aldığının nə dəyəri
var ki? İstərdim ki, Rəbbim Ona qarşı günah işlədiyim
əzalarımı bir-bir kəssin, Onu zikr edəcək dilimdən başqa
bir şey buraxmasın.”
Adam ondan: “Bu illət səndə nə zaman başladı?” deyə
soruşdu. O da: “Bütün xalq Allahın qulu və ailəsidir. Qul-
lara bir illət gəldiyi zaman şikayət Allaha edilir, qullara
edilməz” deyə cavab verdi.”
Dində “sev” ayəsi yox, sevgi içdən gəlməlidir
Amma hər ayəni eşq əhli əmr bilməlidir.
225
Sevməyən kimsəyə “sev” əmri, düzü, ciddi deyil
Sevənə “sevmə” demək də o qədər gülməlidir.
Eşqin, ey qul, kiçiyi, böyüyü və alisi var
Ulu aşiq qoşa dünyanı qəlbdən silməlidir.
Dünya hicrətdi bütün, həşri, yəni vəsli düşün
Çünki bir gün doğulan, bir günü də ölməlidir.
Eşq ali imtahandı, müsibəti, müjdəsi var
Hər kim aşiqdisə yalnız xeyiri bölməlidir.
Hər bir şikayət kimdənsə, nədənsə narazılıqdır, qeyri-
məmnunluqdur. Riza, məmnunluq olan yerdə şikayət
yox dur, olsa-olsa ərk var, naz var. Bu baxımdan şikayət
məmnunsuzluğun qabarıq, üsyanın zəif şəklidir. Vaxtında
bu xəstəliklə mübarizə aparılmasa xəstəni asilər cərgəsinə
qata bilər. Qul heç vaxt unutmamalıdır ki, xoşlanmadığı
şeylər xoşlandığı şeylərdən xeyirlidir və ilahi imtahandır.
İmtahansız qiymət olmur.
“Əlbəttə, Biz sizi bir az qorxu, bir az aclıq, bir az da mal,
can və məhsul qıtlığı ilə imtahan edərik. Səbir edənlərə
müjdə ver!” (əl-Bəqərə, 155)
“And olsun ki, Biz içinizdən mücahidləri və səbirliləri
ayırd etmək üçün sizi imtahana çəkəcək və sizə dair
xəbərləri yoxlayacağıq” (Muhəmməd, 31).
Mömin qulun, ilk baxışda adi görünən şeylərdən, hətta
soyuqdan yaxud istidən gileylənməsi Allaha qulluqda cid-
di qüsurdur. Çünki hamısı Allahdandır.
İBRƏT Əhməd ibn Əbi əl-Həvari (rahmətullahi əleyhi)
rəvayət etmişdir: “Mən və Əbu Süleyman əd-Darani həcc
etdik. Hava çox soyuq idi. Yolda bir adama rast gəldik.
226
Əynində nazik, köhnə bir əlbisə vardı. Amma tərləyirdi.
Biz isə şiddətli soyuğa görə kürk geyinmişdik.
Əbu Süleyman: “Sənə paltarlarımızdan verəkmi?” deyə
soruşdu. O da bu cavabı verdi: “Ey Darani, isti də, soyuq
da Allahın yaratdıqlarıdır. Onlara mənə toxunmalarını əmr
edərsə mənə toxunarlar, məni tərk etmələrini əmr edərsə
məni tərk edərlər. Ey Darani, zöhd iddiasında bulunursan,
amma soyuqdan qorxursan? Mən isə otuz ildir bu çöllərdə
dolaşıram, nə silkindim, nə də titrədim. Soyuqda mənə
sevgisindən sıcaq bir əsinti verir, yayda da mənə sevgisinin
sərinliyini daddırır.”
Sonra da: “Ey Darani, ağlayırsan, bağırırsan və rahatlıq
axtarırsan” deyərək getdi. Əbu Süleyman Darani: “Məni
ondan daha yaxşı tərif edən olmadı” deyərdi.”
* * *
Əli ibn Müvəffəq həzrətləri soyuq bir gecədə təhəccüd na-
mazı üçün qalxdı. Soyuqdan əlləri və ayaqları çatlayıb yarıl-
mışdı. Gözləri yaşardı. Bu zaman: “Səni oyandırdıq, başqaları
yatmaqdadır. Nə üçün ağlayırsan?” deyən bir səs eşidildi.
Deməsin kimsə bu dünyada işim tərs gətirir
Hər keçən gün adama gör nə qədər dərs gətirir.
Gündəlik xeyri barmaqlar eləməz saymağa bəs
Çünki hər gün ən azı beş dəfəlik fərz gətirir.
Ey yer işğalçıları, Asimanı fəth eləyin
Qərar Ərşdəndisə də, qan-qadanı ərz gətirir.
Tamahı artıq edib tükənməyən nemət umun
Çünki dünya matahı hüzn, həsəd, hirs gətirir.
Dikmə, Adəm balası, göz ata mirasına sən
Yalnız Allah Rəsulu varis üçün irs gətirir.
Dostları ilə paylaş: |