112
üçün onu da bildirək ki, analoji nümunələr Bakı, Şamaxı,
Naxçıvan şəhərlərinin son orta əsr təbəqələrindən də
məlumdur.
Bu qəbildən olan qarmaq və halqalara da tez-tez
təsadüf
olunur. Onlardan qapı və pəncərələrin
bağlanmasında istifadə edilmişdir. Nümunələr formaca
müxtəlifdirlər.
Tapıntılar göstərir ki, son orta əsrlərdə dəmir
qayçılar əhalinin məişətində mühüm rol oynamışdır. III
qayçılar metal çubuqdan hazırlanıb. Metal isti döymə üsulu ilə yastılandıqdan
sonra, çubuqları bir-birinə bənd etmək məqsədilə orta hissədən dəstəyə doğru kiçik
dəlik açılmışdır. Onların tutacaq yerləri yastılanaraq dairəvi şəkildə geriyə
qatlanmışdır. Digər qayçı V sahədən tapılıb. Dəmirdən olan qayçı uzun müddət
torpaq altında qaldığından güclü oksidləşməyə məruz qalmışdır. Oxşar qayçı
nümunələri digər orta əsr abidələrindən də məlumdur.
Ayrıca sənət sahələrindən biri olmuş və son orta əsrlərdə formalaşmış
sənətkarlıq sahələrindən birinə çevrilmişdir. Nalbəndlik sənətinin sürətlə
inkişafının başlıca səbəbləri tez-tez müharibələrin baş verməsi nəticəsində süvari
qoşunların ayaqqabılarının dağılmaması və nəqliyyata (ata) olan tələbatın artması
olmuşdur.
Ağsu qazıntıları zamanı tapılan nal və onların qalıqları xüsusi yer tutur.
İstifadə qaydalarına görə fərqli olan nallar formalarına
görə də müxtəlifdirlər. Diametrlərinə görə iri olanlar
atlar üçün hazırlanmışlar. Lövhəşəkilli dəmirdən
hazırlanmış nal üzərində mix vurmaq üçün bir neçə
deşik açılmışdır. Kiçik nallar isə ayaqqabı üçün nəzərdə
tutulmuşdur.
Tapıntılar içərisində bir ədəd nal var ki, forma və
diametrlərinə görə əvvəlkilərdən fərqlənir. Etnoqrafik
müşahidələr həmin nalın uzunqulağa məxsus olduğunu
deməyə əsas verir.
III qazıntı sahəsindən iki ədəd dəmir buxov və bir
ədəd buxov açarı tapılıb. Boru-formalı olan buxovların
orta hissəsində nov şəkilində yarığı var. Buxovların baş
tərəfləri dairəvi formalıdır və qaynaq üsulu ilə bir-
birlərinə birləşdirilib.
Müxtəlif ölçülü və müxtəlif formalı mıxlar qazıntı sahəsində ən çox təsadüf
edilən dəmir əşyalardır. Onlardan daha çox tikintidə istifadə edilib, iri mıxların
uzunluğu 15-22, kiçik mıxların uzunluğu isə 3-5 sm-dir. Baş hissələri dairəvi,
papaqvari, göbələkvari formalı olsa da bir qayda olaraq hamısı uca doğru sivriləşir.
113
Həm iri, həm də kiçik ölçülü mıxların bir qisminin en kəsiyi dairəvi, bir qismininki
isə dördkünc formalıdır.
Kobud mıxlarla yanaşı, qazıntı zamanı nazik və şişuclu
nümunələrə də təsadüf olunur. Ehtimal ki, belə mıxlar evlərin
daxilində istifadə edilmək üçün hazırlanmışdır.
Ağsu qazıntılarında cəftə və halqa nümunələrinə də
tez-tez təsadüf olunur. Formalarına görə cəftələri iki qrupa
bölmək olar. Onların bir hissəsi çubuq formasında
düzəldikdən sonra bərabər qatlanaraq sivriləşdirilir, qatlanan hissə isə qıfıl
keçirmək üçün halqavari formaya salınmışdır. Dəmir cəftələrin əsasən bir ucu
döyülüb sivriləşdirilmiş, digər ucu isə halqa şəklinə salınmış midvarlarla birlikdə
istifadə olunurdu. Cəftələr daha çox qapı, pəncərə, sandıq və mücrülərin
bağlanmasında istifadə olunur. Cəftələrin bəziləri iki, bəziləri isə bir hissədən
ibarətdir. Darvaza və qapıların bağlanmasında istifadə edilmiş cəftənin bir tərəfi
hərəkəti təmin etdiyi halda, digər tərəfində qapını bağlamaq məqsədi ilə
yarımdairəvi deşik açılmışdır. Cəftə və onun hissələrini
adətən ensiz və uzun dəmir lövhədən hazırlayırdılar.
Halqalardan daha çox məişət və təsərrüfatın müxtəlif
sahələrində istifadə olunur. Onlar formaca eyni olsalarda,
həcm etibarilə müxtəlifdirlər. Ağsu tədqiqatları zamanı
tapılan böyük halqaların diametrləri 10-14, kiçiklərinin
diametri isə 4-6 sm-dir.
Arxeoloji qazıntılar nəticəsində inşaat materialına aid bir ədəd dəmir bənd
tapılıb. Onun enli hissəsi 4, uzunluğu isə 7 sm-dir. Bəndlərdən daşı daşla, ağacı
ağacla və ya əksinə, məmulatları bir-birinə birləşdirmək üçün istifadə olunmuşdur.
Ağacları bərkidən zaman bəndin mix formalı ucları zərblə ağaca vurulduğu halda,
daşlarda isə ilk növbədə oyuqlar açılır və çənbərlərin ucları oyuqlara keçirilərək
bərkidici məhlulla boşluqlar doldurulurdu. Yazılı qaynaqlardan məlumdur ki,
bəndlərdən, xüsusilə də iri dəmir bəndlərdən qala divarlarının tikintisində geniş
istifadə edilmişdir. Kiçik ölçülü dəmir bəndlərdən isə ala qapıların içəridən
bağlanmasında istifadə olunmuşdur. Bəzi yerlərdə bəndləri “paz” da adlandırırlar.
Təsvirini verdiyimiz bu nümunələr güclü korroziyaya uğrasalar da öz ilkin
formalarını saxlamışlar və onların oxşarları Azərbaycanın son orta əsr
abidələrindən də məlumdur.
Nümunələr içərisində bütöv və qırıq halda aşkar olunmuş qıfıl və qıfıl
hıssələri də xüsusi yer tutur.
Qazıntı səhəsindən məişət və təsərrüfat əşyaları ilə yanaşı müxtəlif növ silah
qalıqları da aşkar olunub. Onlar uzaqvuran silahlardan, ox ucları, əl topu, güllə və
s. qalıqlardan ibarətdirlər. Bu növ tapıntılar içərisində diametri 20 sm olan və
hazırlanarkən misin tərkibinə qurğuşun qatılmış əl topu daha çox maraq doğurur.
Həm III, həm də IV qazıntı sahəsindən odlu silaha aid bir neçə güllə də tapılıb.
114
III qazıntı sahəsində dəmirçi emalatxanası
ərazisində kiçik deşikləri olan dəmir qaba məxsus
fraqmentlər aşkar edildi. Kiçik təknə formasında olan
bu əşyadan qırma istehsalı məqsədilə istifadə edildiyi
güman olunur. Əşyanın hündürlüyü 5,5 sm-dir.
Arxeoloji qazıntı aparılan sahədə çox az
miqdarda toxuculuq alətləri və onların qalıqları aşkar
edildi. Onlar əsasən yun darağının dişlərindən və
cəhrə milindən ibarətdirlər.
Yazılı mənbələrdən məlumdur ki, Azərbaycan
şəhərlərində, o cümlədən Şirvanda toxuculuq sənəti
yüksək səviyyədə inkişaf etmiş, yun sapdan geyim
üçün müxtəlif növ parçalar toxuyur və paltarlar
tikirdilər.
Son orta əsrlərdə Azərbaycanda dəmirçiliklə
yanaşı misgərlik sənəti də inkişaf etmişdir. Bu sənətin
inkişafına səbəb Azərbaycanın mis yataqları ilə
zəngin olması idi. Osman Həbibullayev misgərlik
sənətinin e.ə V minilliyin II yarısından başlandığını göstərir. İdeal Nərimanov isə
Qazax rayonunun Qarğalartəpəsi yaşayış yerindən tapılmış mis muncuq dənəsini
ən qədim əşya hesab edir.
Dəmirçilik sənətində olduğu kimi, mis əşyaların istehsal prosesi də
mərhələlərlə yerinə yetirilir. İlk növbədə istidöymə üsulu ilə mis parçası döyülür və
yastıladılır. İş görülərkən xüsusi kəlbətin və maşadan istifadə edilir. Kürədən
götürülmüş mis çəkiclərlə döyülüb əyilir və proses yastılanana qədər davam
etdirilir. Sonrakı mərhələdə yastılanmış mis lazımi ölçüdə dəmirkəsənlə kəsilir,
yonulub səliqəyə salınır, birləşdirilməsi üçün hərtərəf ayrıca istiqamətdə qatlanır.
Arxeoloji materiallardan aydın olur ki, qabların bəziləri ayrılıqda bir neçə hissədə
hazırlanaraq sonradan bir-birinə birləşdirilmiş və qalaylanmışdır. Qabın qatlanmış
hissələri bir-birinə keçirilərək qızdırılmış halda (qaynaqetmə)
döyülmüş və bərkidilmişdir. Arxeoloji materiallara istinadən
deyə bilərik ki, orta əsrlərdə peşəkar misgərlər daha çox
qaynaqetmə üsuluna üstünlük vermişlər.
Tədqiqatçıların fikrincə misgərlik sənətində qalay, duz
və qurğuşundan hazırlanmış qaraqaynaq, sink, tunc və
tənəkardan ibarət “misqaynaq” adlanan iki cür lehim
işlənmişdir. Qaraqaynaq üsulu ilə lehimləmək üçün calaq
yerinə əvvəlcə kömür lehimi sürtürdülər. Etnoqrafların fikrincə açıq calaqlar
daxildən və xaricdən, örtülü calaqlar isə ancaq xaricdən lehimlənir və kürədə
qızdırılaraq möhkəm yapışdırılırdı.
Dostları ilə paylaş: |