44
1918-ci ilin avqustun 2-də təsdiqlədiyi quberniya, mahal və qəza ştatları haqqında
xüsusi qərara əsasən, Zaqatala dairəsinə də digər inzibati vahidlərə olduğu kimi,
komissar təyin olunurdu.
98
Lakin 1918-ci ilin yayında gürcü hökuməti, bütün səylərinə rəğmən,
Zaqatala dairəsində öz nəzarətini bərqərar edə bilmədi. Buna bir səbəb yerli əhali
və onun ictimai-siyasi fəallarının öz seçimini Azərbaycan lehinə etməsi və Gürcüs-
tana ilhaq olunma perspektivini birmənalı surətdə rədd etməsi idisə, digər səbəb
həmin dövrdə Zaqalala bölgəsində Osmanlı qoşun hissələrinin olmasından, xarici-
siyasi faktordan irəli gəlirdi.
6. Qafqaz alman-türk blokunun himayəsi altında:
ərazi və sərhədlərin təsbiti cəhdləri
Bəlli olduğu kimi, 1918-ci ilin may-oktyabr aylarında Cənubi Qafqazda
türk-alman blokunun hegemonluğu bərqərar olmuşdu. Yenicə yaranmaqda olan
Qafqaz cümhuriyyətlərinin siyasi təşəkkülü, onların ərazilərinin ilkin təsbiti məhz
bu blokun diqqətli nəzarəti altında və onun iradəsinə uyğun şəkildə baş verirdi.
Bəhs olunan dövrdə Almaniyanın və Osmanlı imperiyasının Cənubi Qafqaz
siyasətini davam etməkdə olan dünya savaşı və Rusiya imperiyasının dağılması
şəraitində regionun geosiyasi və iqtisadi resurslarından optimal yararlanmaq
məqsədi müəyyən edirdi. Bu amillər sözügedən dövlətlərin ortaya çıxmış bir sıra
etnoərazi ixtilaflarını öz maraq və məqsədlərinə uyğun şəkildə tənzimləmək (və ya
dondurmaq) istəyini şərtləndirirdi. Məsələn, 1918-ci ilin iyulunda Azərbaycan
hərbi hissələrinin Qarayazıya yeridilməsi ilə əlaqədar Azərbaycan və Gürcüstan
respublikaları arasında yaranmış gərginlik məhz alman hərbi missiyasının
müdaxiləsi ilə münaqişəyə çevrilməmişdi.
99
Bir qədər əvvəl qeyd etdiyimiz kimi, 1918-ci ilin mayın 21-də,
Transqafqaz cümhuriyyətinin dağılması ərəfəsində Batumda gürcü (Jordaniya,
Nikoladze, Surquladze, Avalov) və Azərbaycan (Xan Xoyski, Yusifbəyü, Cəfərov,
Xasməmmədov, Səfikürdski, Pepinov) tərəflərinin görüşündə qarşılıqlı ərazi
iddiaları və sərhəd məsələsi müzakirə olunmuş, lakin bir nəticəyə varılmamışdı.
Həmin dövrdə, ümumiyyətlə, Cənııbi Qafqazda artıq ilkin konturları sezilməkdə
olan yeni siyasi reallıqların təsbiti və «Dördlər İttifaqının» - Almaniya və
Türkiyənin hegemonluğu altında yeni geosiyasi konfiqurasiyanın biçimlənməsi,
habelə mövcud və potensial etnosiyasi münaqişələrin qeyd etdiyimiz güc
mərkəzlərinin mənafelərinə uyğun qaydada nizamlanması üçün İstanbulda
beynəlxalq konfransın çağırılması nəzərdə tutulurdu. Onun işində iştirak etmək
üçün Osmanlı paytaxtına Qafqaz respublikalarının hər biri öz nümayəndə heyətini
45
ezam etmişdi. Bu respublikalar arasındakı ixtilaflar artıq Konfransa hazırlıq
gedişində bütün çılpaqlığı ilə üzə çıxmışdı.
Bəhs olunan dövrdə Azərbaycan və Gürcüstan respublikaları arasında
münasibətlər, bəlkə də, 1918-1920-ci illərdə -Azərbaycanın sovetləşməsinədək ən
aşağı nöqtədə idi.
100
Bunu Azərbaycan nümayəndə heyətinin sədri M.Ə.Rəsulzadə-
nin və fövqəladə səlahiyyətli səfir Ə.M.Topçubaşovun məktubları da təsdiqləyir.
M.Ə.Rəsulzadə Azərbaycanın xarici işlər naziri M.H.Hacınskiyə iyulun 19-da
İstanbuldan göndərdiyi məktubunda qeyd edirdi: «Borçalı, Qarayazı məntəqələrini
və Zaqatala, Sığnaq qəzalarını Azərbaycan xəritəsinə köçürmüşük və müdafiə
edəcəyik».
101
«Analoji xəritəni» gürcülər də tərtib etmişdilər. M.H.Hacınskiyə
bir başqa məktubunda M.Ə.Rəsulzad gürcü nümayəndəsi ilə görüşünü belə təsvir
edir: «O bizi heyrətləndirdi. Cibindən bir xəritə çıxardı və bir tərəfdən Göyçəgöl və
Qazaxa, digər tərəfdən isə Zaqatala və Azkalaaxturi xəttinə çatan Gürcüstan
hüdudlarını göstərdi. Buna əsaslanaraq, o dedi ki, yalnız sərhədlərin təshihindən
danışmaq mümkündür, yoxsa biz sazişə gələ bilmərik, qan tökmək lazım gələr.
Mən ona cavab verdim ki, nə etmək olar, əgər məcbur etsələr, qan da tökmək olar,
və biz ayrıldıq».
102
Ə.M.Topcubaşov baş nazir F.X.Xoyskiyə ünvanladığı 1918-ci il 5
sentyabr tarixli məktubunda yazırdı: «Gürcüstan ilə münasibətlər elə korlanıb ki,
onların nizamlanması üçün tədbir görmək lazımdır. Şəkk-şübhə, inamsızlıq,
Gürcüstanın
bütün bəlalarının Türkiyədən, deməli, o cümlədən bizdən gəlməsi
barədə mənfi rəy - bizim ən yaxşı qonşularımız bunlardan çıxış edirlər. Gürcülərin
dərin inamına görə, onları tevtonların ağuşuna atan bizik! Burada uzun zaman
bulunmalıyıq ki, belə yanlış fikirləri yox edək...»
103
Gətirilən iqtibas bir həqiqət məqamını əks etdirir: faktiki olaraq
Gürcüstanın Almaniya protektoratlığına keçməsini məhz Türkiyənin hərbi və
geosiyasi ambisiyaları şərtləndirmişdi. Məsələn, Osmanlı imperiyasının
Gürcüstana zorla qəbul etdirdiyi 4 iyun 1918-ci il tarixli müqaviləsinə əsasən (bəlli
olduğu kimi, analoji müqavilələr digər Qafqaz respublikaları ilə də bağlanmışdı)»
Batum vilayəti, Axalkələk qəzası və Axalsıq qəzasının bir qismi, yəni Gürcüstan
dövlətinin iddia etdiyi ərazidən 350 min nəfərin yaşadığı 10000 kv. verst
Türkiyəyə verilirdi.
104
Ölkələrinin Türkiyə himayəsi altına keçməsindənsə, Almaniyanın
protektoratlığı altında bulunmasına üstünlük verən gürcü siyasi elitası 1918-ci ilin
mayın 28-də Potidə Almaniya ilə yetərincə ağır şərtlərdə 6 müqavilə imzalamışdı:
faktiki olaraq həmin müqavilələrlə Gürcüstanın dəmir yolları, limanları üzərinə
alman nəzarəti bərqərar olurdu. Gürcüstana məxsus gəmilər, habelə dağ-mədən
sənayesi Almaniyanın felən sərəncamına keçirdi. Gürcüstan respublikasının strateji
məntəqələrində alman qoşunları yerləşdirilirdi.
105
Almaniya himayəsinin qəbulunu gürcü siyasi dairələri (ilk növbədə də
menşeviklər) məcburi, fəqət zəruri akt kimi dəyərləndirirdi. O dövrdə aparılan
Dostları ilə paylaş: |