46
danışıqların fəal iştirakçısi Z.Avalov bununla əlaqədar yazırdı: «(Gürcülər)
almanlarda Avropa mədəniyyətinin, Avropa biliklərinin və bacarığının yaxşı
təmilçilərini görürdülər... Batumda Almaniya Türkiyə üçün buruntaq demək idi,
elə vacibi də bu idi».
106
Analoji fikrə biz Jordaniyanın nitqində də rast gəlirik.
107
Gətirilən fraqment onunla əlamətdardır ki, o, 1918- 1920-ci illərdə
mövcud Gürcüstan siyasi sisteminin, demək olar bütün qüvvələri üçün səciyyəvi
olan siyasi və sosiomədəni səpkili dünyagörüşü yönəlişliyindən (ustanovkadan):
«avropamərkəzçilikdən» xəbər verirdi. Özü də bu yönəlişliyin ən qızğın
tərəfdarları gürcü menşevikləri idi. Onların lideri N.Jordaniya hələ 1917-ci ilin
noyabrında gürcü milli qurultayında, vaxtı ilə Gürcüstanın Rusiyaya birləşdirilməsi
zəruriliyindən bəhs edərkən, deyirdi: «O zaman Gürcüstan dilemma qarşısında idi:
Şərq, yaxud Qərb. Və bizim əcdadlarımız Şərqdən kənara çəkilməyi və Qərbə doğru
üz tutmağı qərara aldılar. Lakin Qərbə yol Rusiyadan keçirdi və deməli, Qərbə
tərəf getmək Rusiya ilə birləşmək demək idi...»
108
Almaniyanın Gürcüstan üzərində protektoratlığı, belə bir vəziyyət üçün
səciyyəvi olan ağır, faktiki əsarət şərtləri ilə müşayiət olunurdu,
109
amma paralel
olaraq, gürcü dövləti institutlaşma dövrünü kataklizmlərsiz yaşamaq imkanı əldə
etmişdi.
Yuxarıda qeyd etdiyimiz İstanbul konfransına hazırlıq mərhələsi çox
uzandı və ən sonda bu forum, ümumiyyətlə, baş tutmadı. Bu arada isə təşəkkül
tapma dövrünü yaşayan Azərbaycan və Gürcüstan respublikaları öz
himayəçilərinin yardımı ilə siyasi-coğrafi məkanlarının təsbitinə can atırdılar.
Fəqət bu can atımlar bir çox məqamlarda hegemon dövlətlərin - Almaniya və
Türkiyənin Qafqazda 1918-ci ilin yayında özünü açıq şəkildə büruzə verən rəqabəti
şəraitində müəyyən edilir və istiqamətləndirilirdi.
Hələ 1918-ci ilin aprelin 27-də Cənubi Qafqazın nüfuz dairəsinə
bölünməsinə dair imzalanmış alman-türk sazişinə əsasən, Türkiyəyə yalnız Qars-
Aleksandropol-Qarakilsə dəmir yolu boyunca ərazilər verilirdi. Gürcüstan və
Azərbaycanın isə Almaniyanın nüfuz dairəsinə keçməsi nəzərdə tutulurdu.
110
Lakin
tezliklə iki mühüm amil bu sazişi faktiki olaraq etibarsız etdi. Birincisi və ən əsası,
bölgədə yeni hərbi-strateji reallıqların meydana gəlməsi Osmanlı imperiyasının
hakim dairələrinə - gənc türklərə çoxdan bəri bəslədikləri panturanist planları
həyata keçirməyə (1917-ci ilin noyabrında dərc etdiyi bəyanatla «İttihad və
Tərəqqi» partiyası Osmanlı imperiyasının yeni şimal sərhədlərinin Şimali Qafqaz
dağlarından keçməsinə çağırırdı
111
) və Almaniyanın məqsədləri ilə çox vaxt
uzlaşmayan öz geosiyasi maraqlarını gerçəkləşdirməyə əlverişli şərait yaratmışdı.
Digər amil Azərbaycan cümhuriyyətinin təşəkkülü faktı ilə sıx surətdə
bağlı idi: Azərbaycan siyasi yuxarıları dövlətin siyasi və ərazi cəhətdən
təmərküzləşməsində təbii ki, özlərinə etnokonfessional planda yaxın olan qüvvəyə
dərin ümidlər bəsləyirdilər, fəqət bu zaman Azərbaycanın siyasi özünüifadə və
identikliyinin Osmanlı imperiyasının siyasi və sosiomədəni məkanında reallaşması
47
48
49
ehtimalını da istisna etmirdilər. Bu isə Osmanlı ordusunun Azərbaycan ərazisinə
yuxarıda qeyd olunan sazişə rəğmən qoşun yeritməsinə hüquqi və mənəvi haqq
qazandırmış olurdu.
Türkiyənin Cənubi Qafqazda müstəqil hərbi-siyasi kurs götürməsi
Almaniyanın hakim dairələrinin kəskin narazılığına səbəb olmuşdu: almanların
fikrincə, türklərin Qafqaz istiqamətində hücumu onları strateji hədəflərdən
yayındırırdı. 1918-ci ilin iyununda Borçalıda alman və türk əsgərləri arasında
müəyyən toqquşmalar da baş vermişdi.
112
Bu arada alman qoşunları Borçalı və Qarayazını, habelə Poylu və Ağstafa
stansiyalarını tutmuşdular. Bu ərazilərdə alman hərbi faktorundan yararlanaraq,
gürcü hökuməti öz inzibati idarəçiliyini təşkil etmişdi.
113
Faktiki olaraq, alman
hərbi qüdrətinin çatısı altında Gürcüstan hakimiyyəti bir sıra ixtilaflı bölgələri öz
nəzarəti altına götürürdü. Qeyd edək ki 1918-ci ilin noyabrında alman qoşunlarının
Gürcüstanı tərk etməsindən sonra da bir sıra ərazilər, o cümlədən Borçalı qəzasının
azərbaycanlı və erməni əhalisi yaşayan hissələri gürcü idarəçiliyi altında qaldı. Bu
cür vəziyyət, hətta 1918-ci ilin dekabrında qısamüddətli gürcü-erməni
müharibəsinə gətirib çıxarmışdı.
Belə bir fakt xüsusi olaraq qeyd edilməlidir ki, 1918-ci ildə Azərbaycan
de-fakto Gürcüstanla qərb sərhədlərinin bərqərar olması prosesində, demək olar ki,
əməli iştirak etməmişdi.
1 1 4
Məhz ona görə də gürcü hökuməti gürcü etnik ünsü-
rünə faktiki olaraq rast gəlinməyən Qarayazı, habelə Çatma, Ceyrançöl və Eldar
düzlərini nəzarəti altına götürməyə ınüvəffəq olmuşdu.
Azərbaycan öz siyasi-ərazi identikliyinin təsbitində analoji surətdə
Türkiyənin hərbi-siyasi resurlarına bel bağlayırdı: öncə qeyd etdiyimiz kimi,
Zaqatala mahalına türk qoşunlarının yeridilməsi
115
həmin ərazinin Azərbaycan
tərkibində qalmasında xeyli əhəmiyyəti oldu.
Yeri
gəlmişkən,
Zaqatala üzərində Azərbaycan hakimiyyətinin
legitimasiyası, yəni yerli əhali tərəfindən tanınması prosesi, demək olar ki, ciddi
çətinliklərlə üzləşmirdi. Yalnız ilk vaxtlar, Azərbaycan hökumətinin təyin etdiyi
qubernator Haşımbəyovun vəzifədən kənarlaşdırdığı bəzi şəxslər Dağıstana
birləşmək barədə gizli təşviqat aparsalar da, onların qarşısı alınmışdı.
116
Zaqatalalıların yeni siyasi reallıqları qəbul etməsinin önəmli göstəricisi onların
Qafqaz İslam Ordusu tərkibində Azərbaycan uğrunda döyüşlərdə fəal iştirak
etmələri idi. Bu barədə B.N.Kiçikxanov obrazlı surətdə yazırdı: «Kəndlərimizdə
olan Türkiyə zabitlərindən, bilistifadə hər kənddə 20-dən 25 yaşına qədər
gənclərimiz əsgəri təminat altına alındı... Bir alay təşkil edilib, Tiflisdən xeyli
ləvazimat da gətirildi. Bir yandan əsgəri təşkilatımız tənzim, digər tərəfdən
bunların iaşələri ifa və tərtib edilirdi. Kəndlərdən vaqonlar ilə ərzaq, yüzlərlə
ayaqlı mallar ianə təriqilə hər gün göndərilməkdə idi... Bakıda hücumda bulunan
ordumuzun arxasını təmin, daxili anarxiyanı təskin etmək qəsdilə bütün cihazı ilə
bir bin (1000) nəfərdən ibarət süvari əsgər təşkil edildi. Bu atlı əsgərlərin 4
Dostları ilə paylaş: |