21
Pasiyentin vəziyyəti sabitləşdikdən sonra xəstənin sensibilizasiya
spektrini dəqiqləşdirmək məqsədi ilə in vitro allerqoloji müayinə
aparılır. Anafilaktik şokun inkişaf səbəbi aşkar olunduqdan sonra
xəstəyə, üzərində mövcud allergik reaksiyalar haqqında məlumat,
kəskin allergik reaksiya baş verdiyi zaman təxirəsalınmaz yardım
tədbirləri qeyd olunmuş "Allergik xəstənin pasportu" verilir.
Anamnezdə zərqanadlıların sancması və ya soyuğa qarşı reaksiyalar
mövcud olduqda, pasportda bu haqda müvafiq qeydlər edilməlidir.
Sonradan xəstənin ASİT terapiyası aparılması haqqında qərar qəbul
edən allerqoloq/immunoloqun nəzarəti altında müayinə olunması
məsləhətdir. Eyni zamanda aşağıda göstərilmiş hallarda da xəstənin
allerqoloq/immunoloq nəzarəti altında qalmağı zəruridir:
Diaqnoz şübhəlidir və ya tam deyil;
Əlamətlər residiv verir və ya nəzarətə tabe olmur;
Həkim göstərişlərinə əməl edilməsində kömək zəruridir;
Allergen faktorların dəqiqləşdirilməsində yardıma ehtiyac
vardır;
Xəstə profilaktika üçün gündəlik preparatlara ehtiyac duyur;
Müalicənin məqsədinə tam nail olunmayıb;
Anafilaksiya digər patoloji vəziyyət ilə fəsadlaşır;
Anafilaksiya psixoloji amillər ilə fəsadlaşır;
Xəstə məsləhət üçün müraciət edir.
Stasionardan çıxmazdan əvvəl xəstə həkim müayinəsindən
keçməlidir. Şok əlamətlərinin təkrarlanması zamanı klinikaya
qayıtmaq haqqında ona dəqiq göstərişlər verilməlidir. Evdə qəbul
etmək üçün xəstəyə antihistamin preparatlar və 3 gün ərzində peroral
steroidlər təyin edilir. Bu, urtikar övrə hallarında və şok əlamətləri
residivinin preventiv terapiyası üçün zəruridir.
Pasiyentin dərman qutusunda olması tələb edilən dərmanlar
0,1%-li adrenalin, prednizolon (deksametazon), tavegil və
aminofillin məhlulları, steril şprislər. Hər preparatdan ən azı 4-5
ampul olmalıdır. Anafilaktik şok baş verdikdə müalicə tədbirləri
qaydası haqqında xəstəyə göstərişlər verilir.
Pasiyentin təlimi
Keçirilmiş anafilaktik şokdan sonra xəstə allerqoloq-immunoloq
nəzarəti altında olmalıdır. Xəstəliyin təbiəti, onun profilaktikası
tədbirləri, müalicə üsulları haqqında xəstə ilə söhbət aparılmalıdır.
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
22
Anamnezdə zərqanadlıların sancması və ya soyuğa qarşı
reaksiyalar mövcud olduqda, xəstənin özü ilə daimi olaraq şok
əleyhinə dəst gəzdirməsi zərurəti qeyd olunur. Xəstəyə inyeksiya
texnikasını öyrətmək, bud nahiyəsinin ön-yan üçdə bir hissəsinin
dərin qatına adrenalinin 0,1%-li məhlulunun 0,3-0,5 ml dozada
yeridilməsini qeyd etmək lazımdır. Zərurət olduqda inyeksiyanı 20-
30 dəqiqədən sonra təkrar etmək olar. Fövqəladə hallarda preparatın
yeridilmə yerini geyimdən azad etmədən və spirt ilə silmədən
adrenalini paltarı deşib keçməklə yeritmək olar. Adrenalin
inyeksiyasını anafilaksiyanın ilk simptomları zamanı təcili etmək
lazımdır. Əvvəllər xəstədə həşərat sancmasına qarşı həyat üçün
təhlükəli reaksiyalar baş vermişdirsə, o, simptomları gözləmədən,
sancmadan dərhal sonra adrenalin daxil etməlidir.
ANAFİLAKTİK ŞOKUN PROFİLAKTİKASI
Allergiyadan əziyyət çəkən bütün xəstələrə öz yanlarında
içərisində adrenalin olan şpris-tübiklər gəzdirmələrini məsləhət
görmək lazımdır. Hər bir xəstənin allerqoloji anamnezini ətraflı
toplamaq lazımdır. Bununla yanaşı, orqanizmin gizli sensibilizasiyası
və istənilən farmakoloji preparata qarşı şok vəziyyətinin inkişafı da
mümkündür.
Profilaktik tədbirlər etioloji amil ilə müəyyənləşir. Zərqanadlı
həşəratların zəhərinə qarşı allergik reaksiyaların profilaktikası üçün
həşəratların zəhərindən alınmış allergenlər ilə spesifik immun
terapiyası aparılır. Spesifik immun terapiyası allergik reaksiyası IgE
mexanizmli olan pasiyentlərdə aparılır. Sancma ehtimalını
əhəmiyyətli dərəcədə azaltmaq və ya ondan tamamilə qaçmaq üçün,
xəstə bir sıra sadə təhlükəsizlik qaydalarına riayət etməlidir:
►
Arı pətəklərindən və həşəratların digər toplanma yerlərindən
(bazarlar, zibilxanalar) uzaq olmaq;
►
Ot üzərində ayaqyalın gəzməmək (həşəratı basmaq təhlükəsi
səbəbindən);
►
Arıların bal yığma mövsümündə evdə pəncərələri tor ilə
pərdələmək;
►
Açıq yerlərdə qidalanmamaq və qida hazırlamamaq (qida arıları
cəlb edir);
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
23
►
Arıların bal yığma mövsümündə ətirli maddələrdən istifadə
etməmək (ətirlər, saç üçün laklar, şampunlar və s. həşəratları cəlb
edir);
►
Bağ və ya bostanlarda işləyərkən bədənin çox az hissəsini açıq
saxlamaq, qalın parçadan şalvar və uzun qollu paltarlar, ayaqlara
isə qalın altlıqlı ayaqqabı geymək, baş örtüyündən istifadə etmək
vacibdir;
►
Arı sancması zamanı neştəri barmaqlar ilə tutaraq çıxarmaq
olmaz, çünki bu zaman zəhər kisəsi sıxılır və qalmış zəhər
yaradan sorulur. Neştəri bıçaq, dırnaq mişarı və ya dırnağın dəri
səthi üzərində sürüşkən hərəkətləri vasitəsilə xaric etmək
lazımdır.
►
Dərmandan AŞ keçirmiş xəstələrə müəyyən dərman preparatları
və ya həlledicilərin təkrar daxil edilməsindən ölüm təhlükəsinin
olması haqqında xəbərdarlıq edilməlidir. Dərman preparatına
qarşı təyin edilmiş həqiqi allergiya zamanı həmin preparatın,
onun daxil olduğu müxtəlif kompleks preparatların və onunla
eyni kimyəvi qrupdan olan bütün preparatların tətbiqi qadağan
olunur.
►
Qida məhsuluna qarşı allergik reaksiya zamanı bu qida məhsulu
ömürlük və ya uzun illər müddətinə rasiondan çıxarılır.
Xəstələrə özləri ilə identifikasiya kartları və ya anafilaksiyaya
meyllilik və onun səbəb agenti qeyd olunmuş qolbaqlar gəzdirmək
tövsiyə edilir. Yadda saxlamaq lazımdır ki, AÇF inhibitorları və
beta-blokatorlar qəbul edən xəstələrdə anafilaksik reaksiyaların
inkişaf riski yüksəkdir (С).
PROQNOZ
Anafilaktik şokun proqnozu ciddidir. Onun nəticəsi gedişinin
ağırlığı, digər orqan və sistemlərin yanaşı gedən xəstəliklərinin
mövcudluğu, müalicənin adekvatlığı və vaxtında aparılmasından
asılıdır. Letal nəticənin əsas səbəbləri kəskin ürək çatışmazlığı, kəskin
tənəffüs çatışmazlığı, həyati vacib orqanlara qansızmalar, trombozlardır.
Keçirilmiş anafilaktik şokdan sonra miokardit, hepatit,
qlomerulonefrit və sinir sisteminin diffuz zədələnməsi
(demiyelinizəedici proses) kimi fəsadlar inkişaf edə bilər. Təkrar
anafilaktik şok halları zamanı xəstəliyin ağırlıq dərəcəsi artır.
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
ƏLAVƏ №1
AŞ zamanı ilk yardım alqoritmi
Xəstədə kəskin anafilaksiya mövcudluğu mümkündür
Hə
Hə
Xəstənin vəziyyətinin əlavə müayinəsi və müalicənin davamı:
1.
Təkrarən adrenalin vurulması;
2.
QKS, vazopressin, glukaqon və s. tətbiqi zərurətinin təyini;
3.
Laborator müayinə, o cümlədən, triptaza səviyyəsinin təyini zərurəti;
4.
Hospitalizasiya.
Yox
Yox
Yox
Hə
Xəstənin müayinəsi:
Kəskin anafilaksiya
aşkar edilirmi?
Anafilaksiyanın gecikmiş fazasını
vaxtında aşkar etmək məqsədi ilə
xəstənin vəziyyətinin monitorinqi.
Xəstənin allerqoloq/immunoloq
məsləhətinə göndərilməsi.
Başqa diaqnozun təyini və
ya anafilaksiyanın atipik
aşkar edilməsi.
Tətbiq zərurətinin təyini:
adrenalin, QKS,
antihistamin preparatları.
Müsbət klinik cavab var?
1.
Adrenalinin daxil edilməsi.
Zərurət olduqda:
2.
Ürək fəaliyyəti və tənəffüsün
bərpası.
3.
Nəfəs ilə О
2
alınması.
4.
Venadaxili maye yeridilməsi.
5.
Bronxodilatatorun nəfəs ilə
alınması.
6.
İntubasiya və traxeostomiyanın
həyata keçirilməsi.
Müsbət klinik cavab var?
Hə
Yox
Xəstənin müayinəsi: havaötürücü
yolların, tənəffüs, ürək-damar
sistemi orqanlarının və s. vəziyyəti.
Həyat üçün təhlükəli əlamətlər
mövcuddurmu?
Yox
Hə
24
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
25
ƏLAVƏ №2
IgE-asılı AŞ inkişafında rolu sübut olunmuş allergenlər
Tam zülal allergenlər
►
Qida – yumurta, inək südü, qoz, xərçəngkimilər, molyusklar,
paxlalılar
►
Zəhərlər – arılar və s.
►
Vaksinlər – qızılca, qrip, tetanus
►
Hormonlar – insulin, kortikotropin, tireotropin
►
Antizərdablar – at qlobulini, antitimositar, antilimfositar qlobulin,
zəhərlərə qarşı
►
Fermentlər – streptokinaza, hemopapain
►
Lateks – cərrahi əlcəklər, endotraxeal borular
►
Allergen ekstraktlar – ev tozu, otların tozu, heyvan kəpəyi.
Haptenlər
►
Antibiotiklər: penisillinlər, sefalosporinlər və s.
►
Əzələ relaksantları
►
Vitaminlər – tiamin
►
Sitostatiklər – sisplatin, siklofosfamid, sitozin, arablenozid
►
Opiatlar
Polisaxaridlər
►
Dekstranlar
►
Dəmirtərkibli dekstranlar
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
26
ƏLAVƏ №3
Çarpaz-reaksiyalı DV cədvəli
Penisillinlər
(Benzilpenicillin)
Bütün təbii, yarımsintetik, dürant penisillinlər,
sefalosporinlər (50% hallarda, xüsusən,
birinci nəsil preparatlar), pivə, maya, qursaq
pendirləri, kombikorm ilə yetişdirilmiş quş və
heyvan əti
Levomisetin
(Chloramphenicol)
Bütün levomisetin qrupu, antiseptik məhlul,
sintomisin
Sulfanilamidlər
Hipotiazid, furosemid, triampur, bukarban,
orabet, butamid, novokain, dikain, anestezin,
paraamino-azobenzol, novokainamid,
bellastezin, biseptol, almagel-A, solutan,
PASK, karboanhidraza inhibitorları
(azetazolamid), antabus
Streptomisin
(streptomycin)
Aminoqlikozidlər qrupu
Tetrasiklin
(tetracycline)
Rondomisin, metasiklin, morfosiklin,
oletetrin, kombikorm ilə yetişdirilmiş quş və
heyvan əti
Aspirin
(Acetylsalicilic acid)
Digər qeyri-steroid iltihab əleyhinə preparatlar,
analgin, reopirin, butadion, teofedrin, skutamil-
C, brufen, baralgin, antastman, sitramon, sarı
rəngli qida boyası – tartrazin
Etilendiamin
Prometazin, aminofillin, tripellenamin,
şokolad, kakao, kola, krem konservantları,
məlhəm konservantları
İnsulin
Mal əti, donuz əti, protamin, sink
Pipolfen
(Promethazine)
Fenotiazin sıra preparatları (aminazin,
frenolon, teralen)
Teofillin
(Theophylline)
Suprastin
Fenobarbital
(Phenobarbital)
Bütün barbituratlar qrupu, teofedrin,
antastman, valokardin, pentalgin
Virus vaksinləri
Yumurta, toyuq, ördək, ev dovşanı,
antibiotiklər (gentamisin)
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
27
ƏLAVƏ №4
Müalicənin "tipik" səhvləri
►
Ağır kəskin allerqozlar və bronxoobstruktiv sindrom zamanı
təkcə antihistamin preparatlarının təyini əsassız vaxt itkisinə
gətirib çıxarır.
►
Kiçik dozalı qlükokortikosteroidlərin gecikmiş təyini və ya
əsassız tətbiqi proqnozu pisləşdirir və ağır kəskin allergik
xəstəliklərin əlamətlərinin aradan qaldırılması müddətini uzadır.
►
Kalsium-qlükonat, kalsium-xlorid, natrium-tiosulfat, hemodez
kimi preparatların tətbiqi, onların effektsiz olması və kəskin
allerqozun proqnozuna göstərdiyi əvvəlcədən bəlli olmayan təsirə
görə tövsiyə edilmir.
►
Diprazinin (pipolfen) istifadəsi hipotoniyanın dərinləşməsi ilə
təhlükəlidir.
►
Topik inhalyasion qlükokortikosteroidlərin istifadəsindən imtina
qırtlağın allergik stenozu və bronxospazm zamanı aparılan
terapiyanın effektini azaldır.
►
Allergik ödemlər zamanı ilgək diuretiklərinin istifadəsi ciddi
səhv hesab olunur, çünki xəstənin vəziyyətinin pisləşməsinə
gətirib çıxarır.
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
28
Ədəbiyyat:
1.
Anaphylaxis guidelines for children's services.-2007. – access
mode: http//www.community.nsw.gov.au
2.
Emergency treatment of anaphylactic reactions - guidelines
for healthcare providers. Resuscitation Council.-2008.–
access mode: http//www.resus.org.uk
3.
EMS Evidence Based Protocols . – access mode:
http//www.emergency.medicine.dal.ca
4.
Lieberman P. Use of epinephrine in the treatment of
anaphylaxis. Curr Opin Allergy Clin Immunol.- 2003 Aug;
3(4): 313-8-Medline
5.
Scandinavian Clinical Practice Guidelines on the diagnosis,
management and follow-up of anaphylaxis during
anaesthesia. - 2007. – access mode:
http//www.ingentaconnect.com
6.
Stephen C Dreskin, G William Palmer. Anaphylaxis. - 2005.–
access mode: http//www.emedicine.medscape.com
7.
The diagnosis and management of anaphylaxis: An updated
practice parameter. - 2005. – access mode:
http//www.guideline.gov
8.
Дранник Г.Н. Клиническая иммунология и аллергология.
- 2003.- 604 стр.
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
Document Outline - Doc6.doc
- 25 Anaphylactic shock A5.doc
Dostları ilə paylaş: |