12
Nəzərə almaq lazımdır ki, dəri və selikli qişaların təcrid olunmuş
şəkildə zədələnməsi AŞ deyil; sürətlə proqressivləşən şok dəri və
selikli qişalar zədələnmədən inkişaf edə bilər; mədə-bağırsaq traktı
pozuntuları müşahidə oluna bilər (qusma, qarın nahiyəsində ağrılar,
diarreya).
Tənəffüs yolları keçiriciliyinin pozuntuları qırtlaq və dilin
tənəffüsü v udmanı çətinləşdirən ödemi, səs tutqunluğu və stridor ilə
təzahür olunur.
Tənəffüs pozğunluğu təngnəfəslik, fitvari tənəffüs, ağır hallarda
diffuz sianoz və tənəffüsün dayanması şəklində üzə çıxır.
Qan dövranı pozuntuları əlamətləri solğunluq, soyuq yapışqan
tər, taxikardiya, bradikardiya (çox zaman qan dövranı fəaliyyətinin
dayanmasından əvvəl qeyd olunur), hipotoniya, miokardın işemiyası
(EKQ ilə təsdiqlənir) və ürək dayanmasıdır.
Yuxarıda göstərilənlər sonda beyin qan dövranının pozulması
nəticəsində nevroloji pozğunluqlara gətirib çıxara bilər. Xəstələrdə
psixomotor oyanıqlıq, klonik qıcolmalar, ölüm qorxusu, huşun
pozulması və ya itirilməsi qeyd oluna bilər.
Digər orqanlar tərəfindən təzahür edən anafilaksiya əlamətləri
qaraciyər venalarının saya əzələlərinin spazmı, qarın boşluğu
damarlarının genişlənməsi və onlarda qanın depolaşması, sidik kisəsi
və bağırsaqların saya əzələlərinin spazmı (qeyri-ixtiyarı sidik ifrazı
və defekasiya), uşaqlığın saya əzələlərinin spazmı (uşaqlıq yolundan
qanlı ifrazat), hemorragik fəsadların inkişafı ilə nəticələnən
hipokoaqulyasiya ola bilər.
AŞ-nin ən qorxulu simptomları – tənəffüs yollarının ödemi
nəticəsində tənəffüsün çətinləşməsi və arterial təzyiqin progressiv
enməsidir. Bunların hər biri adekvat müalicə aparılmadıqda fatal
nəticəyə gətirib çıxara bilər (A).
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
13
AŞ-nin ağırlıq dərəcəsi
AŞ-nin ağırlıq dərəcəsi hemodinamik pozuntuların qabarıqlığı ilə
müəyyənləşir.
I dərəcə (yüngül) – inkişaf müddəti bir neçə dəqiqədən 2 saata
qədər olur. Sistolik AT 90 mm c.süt.-na qədər enir. Xəstənin huşu
aydındır, qaşınma, övrə, baş ağrıları, baş gicəllənməsi, baş
nahiyəsində istilik hissi, qulaqlarda küy, taxikardiya, artan zəiflik
qeyd olunur. Bu vəziyyət şok əleyhinə terapiya ilə asanlıqla aradan
qaldırılır.
II dərəcə (orta ağır): sistolik AT 90-70, diastolik – 40
mm.c.süt.-dan aşağıdır. Huşun itməsi dərhal baş vermir və ya qeyd
olunmur. Taxikardiya, aritmiya, kəskin zəiflik qeyd edilir. Qırtlağın
ödemi və bronxospazm hesabına asfiksiya, qusma, qeyri-ixtiyari
sidik ifrazı və defekasiya baş verə bilər.
III dərəcə (ağır): huşun itməsi, kəskin tənəffüs və ürək-damar
çatışmazlığı (təngnəfəslik, sianoz, stridoroz tənəffüs, sapvari nəbz,
sistolik AT kəskin sürətdə 60 mm.c.süt-dan aşağı enir, diastolik AT
təyin olunmaya bilər) ilə təzahür edir. Şok əleyhinə terapiya çox
zaman az effektivdir.
IV dərəcə (çox ağır): ildırımvari şəkildə kollaps (solğunluq,
sianoz, sapvari nəbz, AT-in sıfıra qədər kəskin şəkildə enməsi),
komatoz vəziyyət (huşun itməsi, qeyri-ixtiyari sidik ifrazı və
defekasiya, göz bəbəklərinin genişlənməsi və işığa reaksiya
verməməsi), sonda ürək və tənəffüs fəaliyyətinin dayanması baş
verir.
Əsas və əlavə diaqnostik meyarlar
►
Huşun səviyyəsinin qiymətləndirilməsi (yuxululuq, huşun
itməsi).
►
Dəri örtükləri və selikli qişaların vəziyyətinin qiymətləndirilməsi
(solğun və bəzən sianotik, eritema, səpgi, ödem, rinit,
konyunktivit simptomlarının aşkar edilməsi)
►
Udma və tənəffüsün qiymətləndirilməsi (udmanın çətinləşməsi,
KTÇ əlamətləri)
►
Nəbzin xarakteri (sapvari, ritmin pozulması və s.) və arterial
təzyiqin ( 30-50 mm c. süt. qədər aşağı enməsi) təyini.
►
Qusma, qeyri-ixtiyari defekasiya və/və ya sidik ifrazı, uşaqlıq
yolundan qanlı ifrazat kimi simptomların təyini.
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
14
Laborator tədqiqatlar və digər müayinələr
►
Anafilaksiya klinik diaqnozdur və laborator tədqiqatlara
əsaslanmır. Diaqnoz tipik klinik mənzərə və allergenin bilinən
təsiri haqqında məlumatlar əsasında dəqiqləşdirilir. Laborator
tədqiqat reaksiyanın ağırlıq dərəcəsini qiymətləndirməkdə
yardımçı əhəmiyyətə malikdir, həmçinin şübhəli hallarda
differensial diaqnostikanın aparılması üçün tətbiq olunur (C).
►
Anafilaktik reaksiya zamanı yeganə potensial faydalı
təxirəsalınmaz tədqiqat, tosqun hüceyrələrin zərdab
triptazalarının təyinidir (В). Triptaza, həm anafilaktik, həm də
anafilaktoid reaksiyalar zamanı tosqun hüceyrələrdən ifraz
olunur. Onun qan zərdabının tərkibindəki səviyyəsi, xəstənin
vəziyyətinin ağırlıq dərəcəsi ilə korrelyasiyada olur.
►
Şok vəziyyətinə qarşı yönəlmiş terapiya ilə eyni vaxtda aşağıdakı
laborator tədqiqatlar aparılır:
Qanın ümumi analizi (bəzi hallarda hematokritin artması qeyd
olunur), respirator və metabolik asidozun, su-elektrolit
balansının və intensiv terapiyanın adekvatlığının
qiymətləndirilməsi üçün turşu-qələvi müvazinəti, рН, РаСО
2
,
рО
2
-nin təyini, qanın laxtalanma sisteminin müayinəsi.
Qanda ümumi və spesifik IgE təyin etməklə, allerqoloji
müayinənin aparılması mümkündür. Daha ətraflı allerqoloji
müayinə reaksiyanın aradan qaldırılmasından sonra aparılır.
Dəri testləri 6 həftədən az olmayan müddətdən sonra keçirilir
(D).
Laborator tədqiqatlardan başqa, daimi olaraq xəstənin
vəziyyətinin monitorinqi həyata keçirilir: fizikal müayinə, EKQ, AT-
yə nəzarət, auskultasiya, zərurət olduqda – mərkəzi venoz təzyiqin
təyini və digər instrumental müayinə üsulları.
Ürək-damar sisteminin monitorinqi ağır gedişli anafilaktik şok
və ciddi kardiovaskulyar patologiyası olan xəstələrdə, xüsusən
davamlı olaraq adrenoblokatorlar qəbul etmiş şəxslərdə aparılır (B).
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
Dostları ilə paylaş: |