18
sublinqval) ilə müqayisədə daha üstündür, çünki bu yol preparatın
maksimal dərəcədə tez və tam absorbsiyasına nail olmağa imkan
verir (C).
Adrenalin 0,3-0,5 ml (0,3-0,5 mq) dozada ə/d yeridilir. Yaxşı olar ki,
preparatın 0,1-0,2 ml-i allergenin təsir etdiyi tərəfə və 0,3 ml-i isə əks
tərəfin bud nahiyəsinə yeridilsin. Zərurət olduqda preparat təkrarən hər
5 dəqiqədən bir, maksimum 1,2 mq dozaya qədər yeridilə bilər.
Davamlı hipotoniya zamanı vena daxilinə adrenalinin 1:10 000
nisbətində olan məhlulunun yeridilməsi göstərişdir (1:1000
nisbətində həll olunmuş məhlulu bu şəkildə v/d tətbiq etmək
olmaz!). Bu məqsədlə 1:1000 nisbətində olan 1 ml adrenalin məhlulu
10 ml fizioloji məhlulda həll edilir. Alınmış məhlul (1:10 000) 5-10
dəqiqə ərzində AT-yə nəzarətlə v/d yeridilir.
Böhranlı vəziyyətlərdə adrenalin məhlulunun v/d infuziyasına
başlanılır. Bunun üçün 1:1000 nisbətində olan 1 ml adrenalin
məhlulu 250 ml 5%-li qlükoza məhlulunda və ya 0,9%-li natrium-
xlorid və ya Ringer məhlulunda qarışdırılır (alınmış adrenalin
məhlulunun qatılığı 4 mkq/ml təşkil edir). İlk daxil etmə sürəti – 1
mkq/dəq təşkil edir. Effektiv nəticə əldə edilmədikdə və əks-təsirlər
olmazsa, dozanı 4 mkq/dəq qədər artırmaq olar.
AŞ zamanı hətta nisbi əks-göstərişlər olduqda belə adrenalin
həyati göstərişlə tətbiq edilir, çünki potensial fayda mümkün
risklərdən əhəmiyyətli dərəcədə yüksəkdir (C).
Adrenalinə kifayət kədər müsbət cavab reaksiyası olmadıqda,
noradrenalin (ilkin doza 0,05-0,1 mkq/kq/dəq), yaxud vazopressin
(2-10 BV v/d – cavab alana qədər), yaxud qlükaqon (1-2 mq v/d –
cavab alana qədər) tətbiq edilməsi tövsiyə olunur. Qlükaqonun
tətbiqi anamnezində beta-blokatorların qəbulunu qeyd edən
pasiyentlərə xüsusilə göstərişdir.
Adrenomimetiklərin istifadəsi ilə yanaşı orta dozalarda
qlükokortikosteroidlər tətbiq edilir. QKS seçimi prinsipial deyil,
aşağıdakı preparatlardan biri göstərilən ekvivalent dozalarda istifadə
olunur:
Deksametazon 8-32 mq;
Hidrokortizon 250 mq;
Prednizolon 90-120 mq;
Betametazon 8-32 mq.
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
19
QKS-lər anafilaksiya, müxtəlif lokalizasiyalı ödemlər,
bronxoobstruktiv sindromun tezliklə aradan qaldırılması və
anafilaktik reaksiya dalğalarının profilaktikası üçün əhəmiyyətlidir.
Müalicəyə cavab verməyən və ya vəziyyəti qeyri-sabit olan
xəstələrdə qanın həcminin kolloid və kristalloid mayelərlə adekvat
tənzimlənməsi və pasiyentlərin xəstəxanaya təcili çatdırılması
zəruridir (B).
Kolloid və kristalloid məhlullar dövr edən qanın maye həcmini
bərpa etmək, hemokonsentrasiyanı normallaşdırmaq və AT-ni
effektiv şəkildə sabitləşdirmək məqsədi ilə infuziya edilir.
Venadaxili yol mövcud olduqda, venadaxili infuzion terapiya təxirə
salınmadan həyata keçirilir. 1000 ml fizioloji məhlulun yeridilməsi
tövsiyə olunur, bu zaman məhlulun ilk 500 ml-i sürətlə infuziya
edilir. Kiçik molekullu dekstran və ya Ringer məhlulunun
yeridilməsi də mümkündür. İnfuziya edilən mayenin miqdarı AT və
mərkəzi venoz təzyiqin (MVT) göstəriciləri, həmçinin xəstənin
ümumi vəziyyətinə əsasən müəyyən edilməlidir.
Antihistamin preparatlar AŞ-nin müalicəsində ikinci sıra
vasitələrə aiddir. Antihistamin preparatlar ilə terapiya AT-nin tam
sabitləşməsi və AT-ni artıran preparatların yeridilməsinin
dayandırılması fonunda aparılır. 1%-li dimedrol məhlulu, yaxud
tavegil və ya 2%-li suprastin məhlulu ə/d və ya v/d üsulla yeridilir.
Fenotiazin törəmələrinin (pipolfen, diprazin) qabarıq hipotonik
effekti, mərkəzi sinir sisteminə göstərdiyi ləngidici təsir və
sensibilizasiyaedici qabiliyyəti ilə əlaqədar olaraq, onların anafilaktik
reaksiyaların müalicəsində parenteral tətbiqi məqsədəuyğun sayılmır.
Adrenalin yeridilməsinə baxmayaraq bronxoobstruktiv sindrom
davam edərsə, bu zaman 2,5-5 mq dozada (zərurət olduqda təkrar
edilir) salbutamol, yaxud albuterol ilə (inhalyasion və ya v/d)
bronxolitik terapiyanın aparılması göstərişdir. Bu zaman 20 dəqiqə
ərzində v/d 5-6 mq/kq dozada aminofillin yeridilməsi də
mümkündür. Ürək ritminin pozğunluqları ehtimalı ilə əlaqədar olaraq
onu ehtiyatla tətbiq etmək lazımdır.
AŞ-nin penisillin istifadəsi nəticəsində inkişafı zamanı 1 000 000
TV dozada penisillinazanın ə/d yolla yeridilməsi göstərişdir. Bisillin
təyini fonunda şok yaranıbsa, penisillinazanın 2 sutkalıq intervalla 3
dəfə istifadə edilməsi mümkündür.
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
20
Qırtlaq ödemin əlamətləri başlansa( stridoroz tənəffüs, asfiksiya )
situasiyadan aslı olaraq traxeyanın intubasiyası, krikotireotomiya
yaxud traxeostomiya aparılmalıdır.
Tənəffüs və ürək fəaliyyəti dayandıqda dərhal ürək-ağciyər
reanimasiyasına başlanmalıdır.
Sonrakı mərhələdə həyata keçirilən tədbirlər:
Anafilaktik şok keçirmiş xəstələr əlamətlərin tam aradan
götürülməsindən sonra 6 saatdan az olmayan müddət ərzində həkim
nəzarəti altında olmalıdırlar. Nəzarətin məqsədi şokun residivinin
olub-olmamasının monitorinqidir.
Pasiyentin xəstəxanada daha uzun müddət qalması aşağıdakı
hallarda tələb olunur:
►
Davamlı hipotoniya ilə müşayiət olunan ağır gedişli anafilaktik
şok, xüsusən etioloji amil təyin olunmayan zaman
►
Anamnezində ağır bronxial astma olan pasiyentlər
►
Allergenin uzun müddətli təsiri zamanı
►
Anamnezdə residiv gedişli anafilaksiya epizodu olduqda
Stasionar müalicənin müddəti hemodinamik göstəricilərin tam
sabitləşməsi və anafilaksiyanın digər əlamətlərinin aradan
qaldırılmasının müddətindən asılıdır. Adətən bu müddət 1 gündən 10
günədək təşkil edir.
Stasionarda hər 6 saatdan bir 1-2 mq/kq dozada prednizolon,
pasiyentin çəkisinə görə hesablanmış 5-10 ml/kq dozada qlükoza və
ya fizioloji məhlul ilə infuzion terapiya aparılır; venadaxili
antihistamin preparatlar yeridilir. Davamlı hipotoniya zamanı arterial
təzyiqə nəzarətlə (AT> 90 mm c. süt. saxlamaqla) dopamin (400 mq
preparat 500 ml fizioloji məhlulda həll edilir və 2-20 mkq/kq/dəq
sürətlə yeridilir) və ya qlükaqon (şırnaq üsulu ilə 15 mq 5 dəq., sonra
damcı üsulu ilə 5-15 mkq/dəq) arterial təzyiqin davamlı
sabitləşməsinə qədər yeridilir.
Daha sonra prednizolon ilə hormonal terapiya 10-15 mq dozada
7-10 gün ərzində peroral olaraq davam etdirilir; ikinci nəsil
antihistamin preparatlar təyin edilir (loratadin, setirizin və s.);
böyrək, qaraciyər, ürək və digər həyati əhəmiyyətli orqanların
funksiyasına nəzarət olunur.
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
Dostları ilə paylaş: |