Andijon davlat universiteti kurbanova durdona salaxitdinovna gimnastika va uni o

4.6. Burilishlar 
       Burilishlar  deganda,  badiiy  gimnastikada,  asosan  gimnastikachining  bir  yoki 
ikki oyoqda turib tananing vertikal o‘qi bo‘ylab aylanma harakati tushuniladi. 
       Vertikal o‘q bo‘ylab burilish murakkabligi va qiyinchiligi turlichadir. Bunday 
turdagi  harakatlar  orasida  oddiy  mashqlar  singari  (masalan,  safdagi  burilishlarga 
yaqin), juda qiyin mashqlar ham uchraydi.  Texnik nuqtai nazardan olib qaraganda 
burilishlarni  bajarishdagi  eng  asosiy  vazifa  –  bu  harakatda  turg‘unlikni  saqlab 
qolish.  Bunda  mazkur  harakatlar  o‘zining  biomexanik  tavsifiga  ko‘ra, 
muvozanatga  o‘xshashdir.  Lekin  oxirgilaridan  farqli  o‘laroq    burilishlar  mustaqil 
mashqlar deb qaraluvchi bir qancha xususiyatlarga ega.