Аня 2013 Layout 1
Yüklə 0,71 Mb. Pdf görüntüsü
|
- Bu səhifədəki naviqasiya:
- C. Məcburetmə haqqında iddia (İPM-in 2.2.2, 33, 73-cü maddələri) I. Ümumi məsələlər
- II. Xüsusi şərtlər 1. İnzibati orqana ərizə verilməsi Məcburetmə haqqında iddia
Qeyd olunan kazusla bağlı məhkəmə qərarının nəticə hissəsi aşağıdakı kimi yazılır: «Cavabdehin .... №-li, 2 fevral 2009-cu il tarixli qərarı iddiaçının tələb olunan 1000 manat əvəzinə yalnız 700 manat ödəməli olması hissəsində dəyişdirilir.» Mahiyyət baxımından bununla inzibati aktın qismən ləğvi arasında heç bir fərq yoxdur. Əgər baxılan kazusda söhbət inzibati aktın qismən ləğvindən getmiş olsaydı, məhkəmə qərarının nəticə hissəsi aşağıdakı məzmunda yazıla bilərdi: «Cavabdehin .... №-li, 2 fevral 2009-cu il tarixli qərarı məbləğin 700 manatı keçdiyi hissədə ləğv edilir. İddia qalan hissədə rədd edilir.» c) İnzibati aktın icrasının dönüşü (İPM-in 71-ci maddəsi) Yuxarıda qeyd olunanlardan başqa, İPM-in 71-ci maddəsinə əsasən, məhkəmə iddiaçının ərizəsi əsasında inzibati orqanın üzərinə inzibati aktın icrasının nəticələrini aradan qaldırmaq barədə öhdəlik qoya bilər. İcranın nəticələrini aradan qaldırmaq mümkün olmadıqda isə, məhkəmə inzibati orqan tərəfindən kompensasiyanın ödənilməsi barədə qərar qəbul edə bilər. Misal: İddiaçı divarın sökülməsi barədə qərara qarşı iddia qaldırır. İddianın hələ icraatda olmasına baxmayaraq, inzibati orqan divarı sökür. Əslində, inzibati orqan bunu edə bilər, çünki İPM-in 41.1-ci maddəsinə görə 192 mübahisələndirmə haqqında iddia inzibati aktın icrasını dayandırmır. Buna baxmayaraq, iddiaçı İPM-in 71.1- ci maddəsinə müvafiq olaraq, ərizə verərək artıq icra olunmuş inzibati aktın nəticələrinin inzibati orqan tərəfindən aradan qaldırılmasını tələb edə bilər. Lakin inzibati orqanın üzərinə yeni divar tikmək öhdəliyinin qoyulması problematik ola bilər. Belə hallarda, inzibati orqanın İPM-in 71.3-cü maddəsinə əsasən kompensasiya ödəməsi daha real görünə bilər. İddiaçı dotasiya ilə bağlı pulun geri qaytarılması haqqında qərara qarşı iddia qaldırır. Hüquqi mübahisənin gedişində iddiaçı tələb olunan məbləği inzibati orqana ödəyir. Pulun geri qaytarılması haqqında qərar etibarlı sayıldığı üçün (bax: İİQ-nin 64.1-ci maddəsi) iddiaçı bu qərara qarşı qaldırdığı mübahisələndirmə haqqında iddia üzrə icraatı davam etdirməlidir. Eyni zamanda, o, İPM-in 71.1-ci maddəsinə əsasən, inzibati aktın icrasının nəticələrinin aradan qaldırılmasını, yəni ödədiyi pulun geri qaytarılmasını tələb edə bilər. C. Məcburetmə haqqında iddia (İPM-in 2.2.2, 33, 73-cü maddələri) I. Ümumi məsələlər Məcburetmə haqqında iddiaya dair mühüm normalar İPM-in bu iddia növünü təsbit edən 2.2.2-ci, məcburetmə haqqında iddianın tətbiqi sferasını müəyyənləşdirən 33-cü və məhkəmə yoxlamasının hədlərini, eləcə də iddia təmin 193 edildiyi halda, məhkəmə qərarının nəticə hissəsini müəyyən edən 73-cü maddələrində əks olunmuşdur. Məcburetmə haqqında iddia vasitəsilə iddiaçı məhkəmə qarşısında inzibati orqandan İİQ-nin 2.0.10-cu maddəsində nəzərdə tutulmuş mənada onun üçün əlverişli vəziyyət yaradan inzibati akt qəbul edilməsini, yəni özünün hüquqi vəziyyətinin genişləndirilməsini tələb edə bilər. Bu, həm inzibati orqanın inzibati aktın qəbulundan imtina etdiyi (bax: İPM-in 33.1-ci maddəsi), həm də inzibati orqanın ərizənin baxılmamış saxlanılması haqqında qərar qəbul etdiyi (bax: İİQ-nin 34- cü maddəsi), eləcə də hərəkətsizlik səbəbindən ümumiyyətlə inzibati aktın qəbul edilməsinə dair ərizəyə baxmadığı (bax: İPM-in 33.2-ci maddəsi) hallara şamil olunur. Sonuncu hal hərəkətsizliyə qarşı iddianın bir növünü təşkil edir və bu barədə kitabın sonrakı hissələrində ətraflı bəhs olu- nacaqdır. İnzibati orqana inzibati aktın qəbul edilməsi ilə bağlı ərizə daxil olduqda, onun dörd formada hərəkət etmək imkanı olur: 1) O, ərizəni təmin edir və inzibati aktı qəbul edir. Bu halda, icraat bitir, yəni şikayət instansiyasında icraata və ya iddia icraatına ehtiyac qalmır; 2) O, qərarın qəbul edilməsini qismən və ya tamamilə rədd edir. Bu zaman imtinaedici inzibati akt qəbul olunur. Ərizəçi bu qərardan ya şikayət instansiyasına şikayət verə, ya da iddia ərizəsi ilə məhkəməyə müraciət edə bilər (bax: İİQ-nin 72.1-ci maddəsi); 3) O, hərəkətsizlik nümayiş etdirir və heç bir qərar qəbul etmir. Belə olan halda iddiaçı, barəsində yuxarıda 194 söhbət gedən hərəkətsizliyə dair iddia imkanından istifadə edə bilər; 4) Eyni mübahisə predmeti barəsində inzibati orqanın qərarı və ya məhkəmə qərarı mövcud olduğu halda, inzibati orqan İİQ-nin 34.2-ci maddəsinə müvafiq olaraq, ərizənin baxılmamış saxlanılması haqqında qərar qəbul edə bilər. Həmin qərara qarşı məcburetmə haqqında iddia ilə məhkəməyə müraciət etmək olar. II. Xüsusi şərtlər 1. İnzibati orqana ərizə verilməsi Məcburetmə haqqında iddia onunla səciyyələnir ki, şəxs İİQ-nin 28.1.1-ci maddəsinə əsasən inzibati aktın qəbul edilməsi üçün ərizə ilə inzibati orqana müraciət etsin və inzibati orqan həmin ərizəni rədd etsin. Yəni iddiaçı inzibati orqandan müəyyən bir hərəkətin edilməsini tələb etmək məqsədilə birbaşa iddia ərizəsi ilə məhkəməyə müraciət edə bilməz. Əksinə, o, bunun üçün ilk növbədə səlahiyyətli inzibati orqana müraciət etməlidir. Bu, İİQ-nin 66-cı mad- dəsindən irəli gəlir. İddiaçı inzibati orqandan inzibati aktın qəbul edilməsi ilə əlaqədar olmayan müəyyən hərəkətlərin edilməsini tələb etmək istəyirsə, bu zaman məcburetmə haqqında iddia düzgün iddia növü olmayacaq. Bu kimi hallarda iddiaçı öhdəliyin icrası haqqında iddia qaldırmalıdır ki, bu barədə də kitabın sonrakı hissələrində daha ətraflı bəhs olunacaqdır. 195 Yüklə 0,71 Mb. Dostları ilə paylaş:
|