110
UOT 635.25:632.4
YABANI SOĞANLARIN (ALLİUM L.) SOĞANAQLARININ
İNTRODUKSİYA POTENSİALI
S.R.HƏSƏNOV, Ç.T.NAMAZOVA
AMEA Genetik Ehtiyatlar İnstitutu,Azadlıq prospekti 155. Bakı, Az 1106
E-mail Sabir_Hasanov @ rambler. ru
Məqalədə Azərbaycan ərazisində yayılmış yabanı soğan (Allium L.
)
növlərinin soğanaqlar vasitəsilə mədəni kulturaya keçirilməsindən bəhs olunur. Yeni
şəraitdə əkilmiş yabanı soğan bitkilərinin bir qismi həyatlarının müxtəlif dövrlərində
tələf olurlar. Tələf olma səbəblərindən biri onların xarici mühitin fiziki-kimyəvi
amillərinə uyğunlaşa bilməməsidirsə, digər səbəbi yeni mühitdə onların xəstəliklərə
yoluxmalarıdır. Yabanı soğan növlərinin yayıldıqları təbii şəraitlərdə bu xəstəliklərlə
yoluxmamalarının səbəbi, həmin yerlərdə xəstəlik törədicilərinin olmamasıdır. Yeni
şəraitdə əkilmiş yabanı növlər soğan güvəsi (Acrolepiopsis assectella) və soğan
milçəyi (Delia antiqua) cücüləri tərəfindən ziyan görür və göbələk xəstəliklərinə
yoluxurlar.
Açar sözlər: cins, növ, introduksiya, seksiya, həyatilik
Кулючевые слова:род, вид, интродукция, селекция, жизнеспособность
Key words: genus, species, introduction, selection, vitality
Soğankimilər-Amaryllidaceae fəsiləsinə daxil olan bitkilərin dünyada 30 cinsə
aid olan 870-dən çox növü yayılmşdır. Azərbaycanda
Amaryllidaceae fəsiləsinin iki
cinsinin (Allium L. və Nectaroscordum Lindl.) numayəndələri vardır [1; 2; 3; 5; 6; 7;
8; 9].
Allium cinsinin şimal yarımkürəsində yayılmış 300 növündən, 52-sinə
Azərbaycan florasında rast gəlinir ki, onlardan da 35-i Naxçıvan MR-də tapılmışdır
[4; 9]. Naxçıvan MR ərazisində yayılmış Allium L. cinsinə aid olan növlərin növ
tərkibi haqda olan məlumatlar ziddiyyətlidir [5;6].
Hazırda dünyada soğanların (Allium L.) tədqiqi sahəsində işlər aparılır və
naliyyətlər əldə olunmuşdur. Son zamanlar Şərqi Avropada yayılmış soğan növləri
üçün sistematikaya yeni taksonlar əlavə edilmişdir [9].
Yabanı soğan növlərinin vegetativ və generativ orqanları ilə introduksiyası
imkanlarının öyrənilməsi çox mühüm əhəmiyyətə malikdir.
Azərbaycanın müxtəlif bölgələrindən, fərqli torpaq-iqlim şəraitindən toplanmış
yabanı soğan növlərinin soğanaqları Abşeron şəraitində əkilmiş və növlərin
bitkilərinin yeni şəraitdə həyatilik qabiliyyətləri tədqiq edilmişdir.
Mədəni kulturaya introduksiya üçün yabanı növlərdən əkin materialı əldə
edilərkən növün ekoloji vəziyyəti nəzərə alınmışdır. Arealda bitkilərinin sayı çox az
miqdarda olan növlərdən areala zərər gətirməyəcək miqdarda əkin materialı
(soğanaq, kökümsov və toxum) götürülmüşdür.
111
Yabanı təbiətdən toplanmış 30 növə aid 853 soğanaq və kökümsov yeni şəraitə
introduksiya edilmişdir. Əkilmiş soğanaq və kökümsovların hamısından bitkilər
alınsa da onlardan, ancaq 467-i həyatlarının birinci ilinin sonuna qədər salamat
qalmışdır. Həyatlarının ikinci ilini 299, üçüncü ilini isə 166 bitki başa bura bilmişdir.
Birinci il 386, ikinci il 168, üçüncü il isə 133 bitki tələf olmuşdur.
Allium seksiyasından olan növlərin introgentlərinin üç ildəki həyatilik
qabiliyyətləri orta hesabla 19,7% -dir. Bu seksiyaya aid olan Respublika ərazisində
yayılmış 16 növdən ən yüksək həyatilik qabiliyyətinə malik olan A.ampeloprasum-
dur. Bu növün Yardımlı rayonu ərazisindən yığılmış 24 ədəd soğanağı Abşeronda
aqrokulturada əkilmiş, soğanaqların hamısından bitki alınmış və bitkilərin hamısı
ömürlərinin birinci ilini başa vura bilmişdir. Ömürlərinin ikinci ilində bir, üçüncü
ilində isə iki bitki tələf olmuşdur. Cəmi 20 bitki ömrünün üçüncü ilini də başa vura
bilmişdir. Bu seksiyadan olan və ən aşağı nəticə göstərən, soğanaqları Abşeron
rayonu ərazisindən toplanmış A.atroviolaceum Boiss. növüdür. bu növün
soğanaqlarının Abşeron rayonu ərazisindən toplanmasına baxmayaraq aqrokulturada
əkilmiş 75 soganağın hamısından bitki alınsa da onların 59-u ömürlərinin birinci ilini
başa vurmuşdur. Bitkilərin 7-si ikinci il, 5-i isə üçüncü il tələf olmuşdur. Cəmi 4 bitki
ömürünün üçüncü ilinin sonuna qədər salamat qalmışdır. Codonoprasum (Reichenb.)
Ende seksiyasından olan növlərin həyatiliyi üç ildə orta hesabla 19,4% olmuşdur. Bu
seksiyadan olan və ən yüksək nəticə göstərən A.murianthum Boiss. növüdür. Bu
növün Lənkəran rayonu ərazisindən yığılaraq Abşeronda aqrokulturada əkilmiş 28
soğanağından alınmış bitkilərin 13-ü ömrlərinin birinci, 2-si ikinci, 3-ü isə 3-cü ilində
tələf olmuş, cəmi on bitki salamat qalmışdır.
Scorodon C. Koch seksiyası növləri introgentlərinin həyatiliyi ömürlərinin
üçüncü ilində 30,5% olmuşdur. A.rubellum M.B. növünün Abşeron rayonu
ərazisindən yığılmış 18 soğanağı aqrokulturada əkilmiş və soğanaqların hamısından
bitki alınmışdır. Bitkilərin 11-i ömürlərinin birinci, 3-ü ikinci, 1-i isə üçüncü ilində
tələf olmuşdur, cəmi 3 bitki salamat qalmışdır. Bu seksiyadan olan A.moshatum L.
növünün Quba rayonu ərazisindən yığılmış 41 soğanağı aqrokulturada əkilmiş və
soğanaqların hamısından bitkilər alınmışdır. Bitkilərin 7-i, ömürlərinin birinci, 11-i
ikinci, 8-i isə üçüncü ilində tələf olmuş, cəmi 15 bitki salamat qalmışdır.
Anguinum C. Don. seksiyasının Azərbaycanda yayılmış yeganə
A.victorialis L.
növünün Lənkəran rayonu ərazisindən toplanmış 63 soganağından alınmış bitkilərin
cəmi 28,6%-i ömürlərinin üçüncü ilinə kimi salamat qalmışdır. Bitkilərin 21-i
ömürlərinin birinci,18-i ikinci, 6-ı isə üçüncü ilində tələf olmuşdur. Cəmi 18 bitki
ömürlərinin üçüncü ilini başa vura bilmişdir.
Schonoprasum Dum seksiyasının Xızı rayonundan toplanmış A.shoenoprasum
L. növünün 61 soğanağından alınmış bitkilərin 8-i ömürlərinin birinci, 9-u ikinci, 28-i
isə üçüncü ilində tələf olmuşdur. Cəmi 16 bitki ömrünün üçüncü ilini başa
vurmuşdur. Abşeron rayonundan toplanmış A.aucheri Boiss.L. növünün 10
soğanağından alınmış bitkilərin 5-i ömürlərinin birinci, 4-ü ikinci, 1-i isə üçüncü
ilində tələf olmuşdur. Cəmi 1 bitki ömürünün üçüncü ilini başa vurmuşdur.
Rhizirideum Don seksiyasının Azərbaycanda yayılmış yeganə
A.albidum Fisch. ex
M.Bieb növünün introgentlərinin 26,7%-i ömürlərinin üçüncü ilini başa vura