170
Yaşamaq hünərdir! Nazimin belə bir əsəri var: “Yaşamaq gözəl şeydir, qardaşım”. Bir
sözlə mən, Nazim Hikmət şəxsiyyətini nə göylərə qaldırıram, nə də, Allah eləməsin,
kiçildirəm. Mən Nazimi olduğu kimi qəbul edirəm. Uğurları, günahları, fanatikliyi,
fədakarlığı, həsrəti, ağrısı, kədəriylə birlikdə. Yəni olduğu kimi! Yəni “Mavi gözlü dev”
kimi!
– Nazim Hikmətin 90 illiyi ərəfəsində düşüncələriniz? Bugün 90 yaşlı Nazimi
necə xatırlayırsız?
– Nazim həmişəyaşar sənətkardır. Bugün Nazim Hikmətin 90 illiyi ərəfəsində ona
tam yeni gözlə baxmaq , indiyə qədər demədiklərimizi demək imkanı da var. Bu imkan
xüsusən imperiyanın və onun idealogiyasının süqutu mərhələsində xüsuslilə özünü
biruzə verir.
Xoşbəxtlikdən Nazim elə qələm sahibi olmayıb ki, bağlandığı ideologiya məhvə
uğradıqda, onun da sənəti dəfn edilsin. Nazim mənim nəzərimdə “Ceviz ağacı” kimidir.
Uca, möhkəm, qollu-budaqlı. Mən “Ceviz ağacı” adlı sənədli bir povest yazmışam və
bu yazımı Nazimin 90 illiyinə həsr etmişəm. Burada Nazim Hikmətlə görüşlərimi və
Türkiyədə üç il ərzində gördüklərimi əks etdirməyə çalışmışam. “Ceviz ağacı” Nazimin
şeirinin adıdır, onun tale məhvəridir, varlığının və əbədiliyinin rəmzidir. Nazim
ömrünün son illəri çoxları kimi mənim də yaxşı yadımdadır. Nazim “Vətən xaini”
adlandırılmışdı və türk vətəndaşlığından çıxarılmışdı. O, bu münasibətlə “Vətən xaini”
şeirini yazmışdı. “Ceviz ağacı” şeirilə isə onu türk vətəndaşlığından çıxaranlara cavab
vermişdi və demişdi ki, qürbətdə yaşasam da, siz məni türk vətəndaşlığından çıxarsaz
da, mən Türkiyədəyəm.
Ağır illərdi o illər... Moskvada keçirdiyi illər. Nazim ömrünün çırpıntılı, səksəkəli
bir yuxuya bənzəyən son 13 ili ancaq zahirən parıltılı gürünürdü. Ümumiyyətlə, Nazim
sağlığında da, ölümündən sonra da ölüb-dirilən şair olub. Gah əsərlərini nəşr ediblər,
gah yığışdırıblar. Təzadlı olub ömrü. Son 13 ildə Nazimin qəlbinə dağ çəkən bir
tərəfdən vətən həsrətiydi, digər tərəfdən qürbət həyatının müsibətləriydi. “Ceviz ağacı”
şeirində “Başım köpük-köpük bulut. İçim, dışım deniz” deyən Nazim dəniz məfhumunu
“Vətən, məmləkət” rəmzi kimi vermişdi. Hələ çox əvvəllər “denize dönmək istiyorum ,
mavi aynasında suların boy verib görünmek istiyorum” deyəndə də məmləkətini
171
düşünmüşdü və “saçının akında, alnının cizgilerinde, yüreginin infarktında yaşayan
memleketi”nin həsrətini gilə-gilə əriyərək çəkmişdi. Bir yandan da Moskva mühitinin
təqibləri onu cana gətirmişdi. Zəkəriyyə Sərtəl xatirələrində yazır ki, Nazimin yanında
həmişə bir kölgə gəzərdi. Bir dəfə xaricdə görüşdüm onunla. Soruşdum ki, Nazim bu
kimdir, dedi bu mənim pasportumdur. Gülə-gülə dedi bu sözləri, amma acı gülüşdü.
Zəkəriyyənin dediyi acı gülüşü mən Nazim Hikmətdə bir neçə dəfə sezmişdim.
Moskvada olanda.Onun dramaturgiyasından yazırdım deyə “İvan İvanış varmıydı,
yoxmuydu?” pyesindən söz açdım. Bilirdim ki, bu pyes repertuardan çıxarılıb. Və bu
görüşdə həmin pyesdən söhbət getdi. Çox narazı idi.
Nazim heç vaxt sözünü qəlbində gizlətmirdi. Əkbərin təbirincə desək, “dilini
saxlamırdı” . Ona görə də əziyyət çəkirdi.
Nazimin 90 illiyi ərəfəsində əsas duyğularım onun “Ceviz ağacı” şeirilə bağlıdır.
Nazim, Vala Nurəddin demişkən, dünyamızdan keçdi, amma əbədilik köçmədi. O, bir
ceviz ağacıdır nəinki Gülhanə parkında, Türkiyənin, hətta dünyanın müxtəlif yerlərində.
Ən başlıcası isə Azərbaycanımızda!
“Qobustan” jurnalı, 1992, N1-2.
172
Nazim Hikmət - əsrlərə sığmayan türk şairi
(Müsahibə)
2002-ci ildə – gələn minilliyin başlanğıcında dünya ədəbiyyatının tanınmış simalarından
biri, türk dünyasının ölməz şəxsiyyətlərindən sayılan Nazim Hikmətin anadan olmasının 100
illiyi (qəribə təsadüf: 2003-cü ildə isə vəfatının 40-cı ildönümüdür) tamam olur. 300 milyon türk
dünyası artıq indidən bu əlamətdar hadisəyə hazırlaşır. Sevindirici haldır ki, indiyə qədər
Nazim Hikmət yaradıcılığına birmənalı münasibət bəsləməyən qardaş Türkiyə cumhuriyyətində
də artıq bu böyük sənətkara münasibət dəyişilib, qələm adamının şəxsiyyəti ilə yaradıcılığı
arasındakı fərqə hörmətlə yanaşılır. Azərbaycanda Nazimsevərlərin sayı bir tərəfə dursun, onu
tədqiq edənlərin, davamçılarının nə qədər çox olduğunu izah etməyə dəyməz. Bu mənada qardaş
ölkədə 9 ilə yaxın fəaliyyət göstərən “Nazim Hikmət Kültür və Sanat Vakfı” Yönətim Kurumu
başkanı professor Aydın Aybayın və genel sekreter Kıymet xanım Coşqunun Nazim Hikmət
yaradıcılığının yorulmaz tədqiqatçısı, Milli Məclisin Mətbuat Xidmətinin rəhbəri, filologiya
elmləri doktoru, yazıçı Aqşin Babayevin təmsil etdikləri qurumun Məşvərət Şurasına üzv qəbul
edilməsi münasibətilə Türkiyədən faksla göndərdikləri xoş xəbəri alanda təəccüblənmədik.
Ədəbi-mədəni əlaqələrimizin inkişafı baxımından əlamətdar olan bu hadisə münasibətilə
Aqşin Babayevlə görüşüb uzun müddət Azərbaycan üçün Türkiyənin işıqlı pəncərəsi rolunu
oynamış Nazim Hikməti anmağı vacib saydıq.
– Aqşin müəllim, ilk öncə sizi təbrik edirik. Mümkünsə, bir qədər geriyə, qardaş
Türkiyədə üç il yaşayıb fəaliyyət göstərdiyiniz vaxtlara qayıtmaqla, o zamanın siyasi-
mədəni hadisələri fonunda yaxından tanış olduğunuz , tədqiq etdiyiniz Nazim Hikmət
şəxsiyyəti və yaradıcılığına nəzər salaq.
– Təbrikə görə çox sağ olun! Mən hələ Türkiyəyə getməmişdən əvvəl Nazim
Hikmətin yaradıcılığını dissertasiya mövzusu kimi tədqiq etməyə başlamışdım. Onda
Nazim Hikmət sağ idi. 1961-ci ildə ilk dəfə Moskvada onunla görüşdüm. Sonra onun
ömrünün sonuna qədər bizim görüşlərimiz davam etdi. Amma onun gözlənilməz vəfatı
əlimi işdən soyutdu. Yalnız 4 ildən sonra, 1967-ci ildə “Nazim Hikmətin
dramaturgiyası” mövzusunda namizədlik dissertasiyamı müdafiə etdim. İşləmək üçün
Türkiyəyə gedəndə artıq Nazim Hikmət yaradıcılığı ilə yaxından tanış idim və qardaş
ölkənin o dövrkü ədəbi-mədəni durumu barədə müəyyən təsəvvürüm vardı. Onu da
qeyd edim ki, 1972-ci ildə Nazim Hikmətin 70 illiyi Aktyor evində qeyd ediləndə
Dostları ilə paylaş: |